Православные каноны / Канон святителю Афанасию Великому

Православные каноны

Канон святителю Афанасию Великому Александрийскому

Память: 2 / 15 мая, 18 / 31 января

Святитель Афанасий Великий, епископ Александрийский – богослов, апологет, толкователь, один из великих отцов Церкви, принадлежавший к Александрийской школе патристики. Известен как один из наиболее энергичных противников арианства. К 350 году он остался единственным христианским епископом неарианского толка в восточной половине Римской империи. Непреклонно противостоявший влиятельному арианскому духовенству и четырём императорам, несколько раз изгонялся с кафедры, Афанасий Александрийский был известен как "Athanasius contra mundum" (Афанасий против всего мира).

Святитель Афанасий Великий (Александрийский). Икона, XVI век

Песнь 1

Ирмос: Колесницегонителя фараоня погрузи чудотворяй иногда Моисейский жезл, крестообразно поразив и разделив море, Израиля же беглеца, пешеходца спасе, песнь Богови воспевающа.

Припев: Святителю, отче Афанасие, моли Бога о нас.

Афанасию принося похвалу, яко добродетель благохваля, к Богу приношу паче похваление, от Негоже человеком дадеся достохвально дарование добродетели, еяже бысть одушевлен образ и печать.

Богомудрия был еси исполнен и, паче солнца ангельским, блаженне, житием облистав ныне, преподобне, превозшел еси похвал законы, яже от нас, но приими, отче, аще и не по достоинству похваляемый.

Достодолжно убо песнь плетем в славней твоей памяти, но, лишающеся величайших, Афанасие, по достоинству песней твоих, просим прощение нам дати и обильную благодать тобою Духа.

Слава Отцу, и Сыну, и Святому Духу.

Юношски плотских страстей играние умертвил еси, в юности твоей стяжав мудрость старческую и благостоянную, Афанасие блаженне: премудрости бо желанием вся чувства управил еси.

И ныне и присно, и во веки веков. Аминь.

Богородичен: Преславная возглаголашася о Тебе в родех родов, Бога Слова во чреве вместившая, чиста же пребывши, Богородице Марие. Темже Тя вси почитаем, по Бозе предстательство наше.

Песнь 3

Ирмос: Утверждей в начале небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Припев: Святителю, отче Афанасие, моли Бога о нас.

Очистив от всякия скверны душу же и тело, Афанасие, храм показался еси достойно божествен. Темже Троицы исполнение почи в тебе, священнотаинниче всеблаженне.

Твою душу, якоже желаше, Утешителева благодать, от страстей очищену, обретши, яве в ней действия показует и пресветло светило, отче, миру тя полагает.

Слава Отцу, и Сыну, и Святому Духу.

Святительства убо правило святителем показался еси, детельнаго же подписание жития, слово же твое ясно, видения образ, премудре, богословия же твоего предел учения явися.

И ныне и присно, и во веки веков. Аминь.

Богородичен: Херувимов и серафимов превышши показалася еси, Богородице, Ты бо едина прияла еси Невместимаго Бога во Твоем чреве, Нескверная. Темже, вернии, Тя вси песньми, Чистая, ублажаем.

Кондак, глас 4

Священноначальницы величайшии благочестия и доблии поборницы Церкве Христовы, вся соблюдите, поющия: спаси, Щедре, верою чтущия Тя.

Седален, глас 3

Ересей лесть обличил еси и Православную веру уяснил еси, яко богоглаголив и благочестив, проповедал еси в мире Едино Божество в Троице славити, естеством Единосущное и Лицы неслиянное. Темже и, сошедшеся, всеславне Кирилле, почитаем память твою.

Богородичен: Недомысленно и непостижимо есть, Владычице Богорадованная, еже соделанное о Тебе страшное Божие таинство, ибо Необыменнаго, заченши, родила еси, плотию обложена от пречистых кровей Твоих, Егоже всегда, Чистая, яко Сына Твоего, моли спастися душам нашим.

Крестобогородичен: Неискусобрачная Чистая и Мати Твоя, Христе, видящи Тя мертва висяща на Кресте, матерски плачущи, глаголаше: что Тебе воздаде еврейский беззаконный собор и неблагодарный, иже многих и великих Твоих, Сыне Мой, даров насладивыйся? Пою Твое Божественное снизхождение.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча, и нашу нищету посетив. Тем с пророком Аввакумом зову Ти: силе Твоей слава, Человеколюбче.

Припев: Святителю, отче Афанасие, моли Бога о нас.

Все тебе вдохну живоносное дыхание с высоты, первее пришедшее боголепно Духа Христова в горнице и ученики насыщшее, апостола тя показа тринадесятаго, отче, Православную веру проповедающаго.

Ты, Божественною ревностию зело распаляемь, в соборе способствуя, и прежде, еже совершитися тебе председателю, в Никеи проповедуеши Единосущное, темже Церкве Христос пастыреначальника и учителя тя поставляет.

Вручена имея церковная кормила от промышления Божественнаго, Афанасие, еретиков душевредная вся языкоболия, якоже некая секира, посекл еси, искореняя, якоже терние, и семя слова напаяя, мудре возделал еси.

Слава Отцу, и Сыну, и Святому Духу.

От твоего языка огненнаго сожжеся Ариево сродное разделение, и слияние Савеллиево, яже от безмерия зла и к нечестию единочестна, и всякое с ними хуление еретическое, о Афанасие!

И ныне и присно, и во веки веков. Аминь.

Богородичен: Ты верных похвала еси, Безневестная, Ты Предстательница, Ты и прибежище христиан, стена и пристанище: к Сыну бо Твоему мольбы носиши, Всенепорочная, и спасаеши от бед верою и любовию Богородицу Чистую Тя знающия.

Святитель Афанасий Великий Александрийский. Икона

Песнь 5

Ирмос: Вскую мя отринул еси от лица Твоего, Свете незаходимый, и покрыла мя есть чуждая тма окаяннаго? Но обрати мя, и к свету заповедей Твоих пути моя направи, молюся.

Припев: Святителю, отче Афанасие, моли Бога о нас.

Христа имея, глаголюща, отче, во органе доброгласнем языка твоего, посрамил еси убо идолов написанно ересь, заблужденныя наставляя и обращая ко истинному Богу, Афанасие.

Губительныя ереси вся, отче, изобличил еси словесы и писаньми, различную лесть изгоняя мудрыми показаньми из вселенныя, уясняя невоспротивословне Православную веру, блаженне.

Слава Отцу, и Сыну, и Святому Духу.

Тя, учителя воистинну велика учителей мудрых, Афанасие, нелестно сказует и со апостолы причте Церковь Христова, отче, изъявляюща непорочное слово веры.

И ныне и присно, и во веки веков. Аминь.

Богородичен: Матернее дерзновение к Сыну Твоему стяжавши, Всечистая, сроднаго промышления нашего не презри, молимся, яко Тя и едино, христиане, ко Владыце очищение милостивно предлагаем.

Песнь 6

Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.

Припев: Святителю, отче Афанасие, моли Бога о нас.

Чуждаго семене сеятель явився Аполлинарий, земнаго словесе и ума Христово вочеловечение, крепко изобличися от тебе, всеблаженне, якоже несмыслен и умовреден.

Течений словесных, излиянных из устен твоих, яко из источника приснотекущаго благодати, преподобне, сладчайшия меда, яко от окрина, воды, вернии, почерпаем.

Слава Отцу, и Сыну, и Святому Духу.

Дивится всяк твоим, отче, влепоту списанием мудрым, любезновмещая, хотящия прозябати ереси провидя, отвращаемыя от тебе пророчески.

И ныне и присно, и во веки веков. Аминь.

Богородичен: Да избавимся от лютых прегрешений мольбами Твоими, Богородительнице Чистая, и да получим, Всечистая, Божественнаго осияния из Тебе неизреченно воплощеннаго Сына Божия.

Господи, помилуй, трижды. Слава, и ныне:

Кондак, глас 2

Православия насадив учения, злославия терние изсекл еси, умножив семя веры одождением Духа, преподобне, темже тя поем, Афанасие.

Икос

Афанасия же и Кирилла всепразднственную память песньми, вернии, восхвалим днесь: сии бо Ария льстиваго и Евномия вкупе с Савеллием во глубину тех погибели вложиша, огню вечному предавше тыя сгорети, яко похулившия неправедно на Спасово воплощение, темже тя поем, Афанасие.

Песнь 7

Ирмос: Божия снисхождения огнь устыдеся в Вавилоне иногда, сего ради отроцы в пещи, радованною ногою, яко во цветнице, ликующе пояху: благословен еси, Боже отец наших.

Припев: Святителю, отче Афанасие, моли Бога о нас.

Единочестное, сопрестольное Отцу Слово, Единородна же Сына православно проповедав, безсмертия, отче тезоимените, абие научаеши, Духу Сопрестольна, и Единосущна, и Соприсносущна.

Учителя тя, проповедника священноявленна Трисолнечнаго Света, возвещающа веру православия даже до конец земли, нечестия зря родитель, изгнания на тя воздвизает.

Беды безмерныя, яже подъял еси, блаженне, подвизаяся по благочестии, венцы же, такоже светлии, ибо адамант был еси биющим, к себе же, яко магнит, привлачал еси вся.

Слава Отцу, и Сыну, и Святому Духу.

Странныя догматы, чуждия же Церкве Христовы, изгнал еси, Троицу богословив Ипостасьми, Божеством же Единицу, Юже пел еси: благословен Бог отец наших.

И ныне и присно, и во веки веков. Аминь.

Богородичен: Ныне вся исполнишася Света Божественнаго Тобою, Пречистая: Ты бо дверь явилася еси, еюже миру Бог беседова, просвещая верою зовущия: благословен Бог отец наших.

Святитель Афанасий Великий Александрийский. Икона, церковь Покрова Божией Матери, с. Гуменец, 1-я треть XVI в.

Песнь 8

Ирмос: Седмерицею пещь халдейский мучитель богочестивым неистовно разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Припев: Святителю, отче Афанасие, моли Бога о нас.

Святителей украшение благославное, Афанасие, столпе света и Церкве утверждение, Троицы поборниче, богословия трубо златая, жития же монашескаго известный законописателю, с нами празднуеши, иереи совершая, люди верныя приводя Христу во веки.

Безсмертия был еси воистинну тезоименит, деятельныя бо словом превозшел еси, искусныя же в слове известием жития побеждая, во обоих прешел еси краи. Темже, преизящною добродетелию просияв, безсмертную стяжал еси память во веки.

Слава Отцу, и Сыну, и Святому Духу.

Ты светлейшее показал еси, тайнонебесниче богоприятне, святительство доблими страданьми твоими, прелесть изгнал еси твоими изгнании частыми за Троицу, Юже проповедуя, вопиял еси: Отцу поклонитеся, Сына богословите, Духа воспойте во вся веки.

И ныне и присно, и во веки веков. Аминь.

Богородичен: Плотию Рождшую Единаго от Троицы Бога и по Рождестве паки целу пребывшую непрестанно воспоим, яко превышшую херувимов и серафимов честнейшую, вопиюще: отроцы, благословите, священницы, воспойте, людие, превозносите во вся веки.

Песнь 9

Ирмос: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя, Богородицу, ангелов и человек чиноначалия величают.

Припев: Святителю, отче Афанасие, моли Бога о нас.

Просия житие, яко молния, излияся же, отче, всем вещание твое, якоже гром, яже солнце назирает, с небесе бо имел еси свыше вдохновение истинно. Темже не угаси твоея памяти ходатай забвения - гроб, Афанасие.

Светом Трисолнечным и Трисиянным яснейше ныне осияемь, певцем твоим осияние заревидное являеши, яко зерцалом, свыше испущая солнечне, и тебе оставления, блаженне, аще велико и превосходно паче достоинства просимое.

Слава Отцу, и Сыну, и Святому Духу.

Поюще, молим тя прилежно: о Церкви молися, Крестом победы даровати воинству, православней же вере крепость на ереси врагов, нам же спасение, мир же миру, в твоей памяти, Афанасие.

И ныне и присно, и во веки веков. Аминь.

Богородичен: Зачала еси, Дево, без семене всяческая создавшаго Слово Божие кроме хотений плоти, кроме тления же родила еси и без болезней матерских. Тем Тя, Богородицу, и языком и сердцем исповедающе, величаем.

Светилен

Пребожественныя Троицы явистеся всемудрии таинницы и поборницы, Афанасие блаженне и Кирилле богоявленне, Ария низложивше и с ним Савеллия, и Нестория абие злочестиваго, и с ними всякую иную прелесть злочестивых ересей, святителие Господни.

Богородичен: Со дерзновением глаголати Богородицу и покланятися Сей воистинну от верных ты научаеши, Кирилле всеблаженне, безбожную Нестория потребляя прелесть.

***

Молитва святителю Афанасию Великому:

• Молитва святителю Афанасию Великому. Святитель Афанасий Великий, епископ Александрийский – богослов, апологет, толкователь, один из великих отцов Церкви, принадлежавший к Александрийской школе патристики. Известен как один из наиболее энергичных противников арианства. К 350 году он остался единственным христианским епископом неарианского толка в восточной половине Римской империи. Непреклонно противостоявший влиятельному арианскому духовенству и четырём императорам, несколько раз изгонялся с кафедры, Афанасий Александрийский был известен как "Athanasius contra mundum" (Афанасий против всего мира).

Акафист святителю Афанасию Великому:

• Акафист святителям Афанасию Великому и Кириллу Александрийским

Канон святителю Афанасию Великому:

• Канон святителю Афанасию Великому Александрийскому

Житийная и научно-историческая литература о святителях Афанасии Великом:

• Святитель Афанасий Великий Александрийский - Азбука Веры
• Святитель Афанасий Великий Александрийский - Православная энциклопедия

Труды святителя Афанасия Великого:

• "Житие Антония Великого"
• "Наставления деве"
• "О воплощении"
• "Окружное послание против ариан"
• "Письмо к Драконтию"
• "Послание к Аммуну монаху"
• "Послание к Руфиниану"
• "Послание к пресвитерам Иоанну и Антиоху"
• "Предуведомление о псалмах"
• "Пятое Праздничное послание"
• "Канон библейских книг. Из 39 праздничного послания"
• "Толкование на слова: "Все предано Мне Отцем Моим, и никто не знает Сына, кроме Отца; и Отца не знает никто, кроме Сына, и кому Сын хочет открыть" (Мф.11:27)"
• "Слово на язычников"
• "Слово о воплощении Бога-Слова, и о пришествии Его к нам во плоти"
• "Послание на ариан. Слово первое"
• "Послание на ариан. Слово второе"
• "Послание на ариан. Слово третье"
• "Послание на ариан. Слово четвертое"
• "Защитительное слово против ариан"
• "Защитительное слово Афанасия, архиепископа александрийского, перед царем Констанцием"
• "Защитительное слово, в котором Святитель Афанасий оправдывает бегство свое во время гонения, произведенного дуком Сирианом"
• "История ариан"
• "Слово о чуде, бывшем в городе Берите от иконы Господа нашего Иисуса Христа, истиннаго Бога нашего"
• "Толкование на псалмы"
• "Послание к Маркеллину об истолковании псалмов"
• "Из Бесед на Евангелие от Матфея"
• "О девстве, или о подвижничестве"
• "Праздничные (Пасхальные) послания"
• "Из толкования на Евангелие от Луки"
• "Свиток к антиохийцам"
• "Послание к императору Иовиану"
• "Послание к Епископам африканским"
• "Окружное послание"
• "Послания к Серапиону, епископу Тмуисскому"
• "Послание к Эпиктету, Епископу коринфскому, против еретиков"
• "Послание к Епископу и исповеднику Аделфию, против ариан"
• "Послание к Максиму философу"
• "Послание о постановлениях Никейского Собора"
• "О Дионисии, епископе Александрийском"
• "Послание о Соборах, бывших в Аримине италийском и в Селевкии исаврийской"
• "Послание к инокам"
• "Послание к подвизающимся в иноческой жизни"
• "Послание к Авве Орсисию"
• "Послание к пресвитеру Палладию"
• "Против Аполлинария. Книга первая"
• "Против Аполлинария. Книга вторая. О спасительном пришествии Христовом"
• "Изложение веры"
• "Слово Пространнейшее о вере"
• "Символ веры Афанасия Александрийского"
• "Символ, рекше Исповедание, иже во святых Отца нашего Афанасия, Патриарха Александрийскаго"
• "Жизнь и наставления преподобной Синклитикии Александрийской"

Читать другие акафисты раздела "Православные акафисты"