Православные каноны
Канон праведному Иоанну Кронштадтскому
Память: 20 декабря / 2 января
Мудрый наставник и добрый пастырь,
сделавший много для укрепления веры, помощи людям, умирения страны,
спасения от надвигающейся смуты. Податель многих
исцелений и помощи в различных житейских нуждах,
болезнях, при одержимости пьянством. Покровитель
миссионеров и катехизаторов, ему возносят молитвы о помощи детям в учебе.
Праведный Иоанн Кронштадтский
Глас 1
Песнь 1
Ирмос: Песнь победную поим вси Богу,
сотворшему дивная чудеса мышцею высокою и спасшему
Израиля, яко прославися.
Припев: Праведный отче наш
Иоанне, моли Бога о нас.
Чистоту помышлений даждь ми, Cпаce мой,
еже воспети чистотою Ангелом подобнаго, приведнаго
Иоанна пресвитера, яко Ангела Господа Вседержителя.
Еже любити Христа и Ему служити, Иоанне
святе, делом и словом исполнил еси, во священстве верным
образ быв словом и житием.
Слава Отцу, и Сыну, и Святому Духу.
Иоанну Крестителю подражая, покаяния проповедниче, отче Иоанне праведне, образ воздержания,
целомудрия и девственника чистоту явил еси.
И ныне и присно, и во веки веков. Аминь.
Богородичен: Облагодати нас, Мати Божия,
еже к богоугождению житие нише управити, да Твоею
помощию и молитвами приведнаго Иоанна живот вечный
наследуем.
Песнь 3
Ирмос: Камень, егоже небрегоша зиждущии,
сей бысть по главу угла: той есть камень, на немже
утверди Церковь Христос, юже от язык искупи.
Припев: Праведный отче наш
Иоанне, моли Бога о нас.
Апостольски трудился еси от утра
пастырскаго жития твоего даже до вечера, отче Иоанне,
николиже в любви к Богу и ближнему оскудевая.
Небеснаго Царствия взыскал, усердный
делатель благих на земли явился еси, молитвою веры
недуги исцеляя и заблуждшия к покаянию призывая, святе.
Слава Отцу, и Сыну, и Святому Духу.
Никогоже отвращался еси, точию
отвергающихся Господа Иисуса Христа и Церкве Его святыя,
ейже сыны века сего противляются. Но и о сих заблуждших
в скорби мнозей моление твое к Богу возносити не
преставал еси.
И ныне и присно, и во веки веков. Аминь.
Богородичен: Единение верных в Церкви
Сына Твоего и Бога нашего сохрани, Пречистая Дево Мати,
да присно в любви Христове друг ко другу утвердимся.
Господи, помилуй, трижды.
Седален, глас 2
Мы, немощнии, к тебе, праведне Иоанне,
яко сильному молитвеннику пред Богом, притекаем, просяще
недугом душевным и телесным исцеления, в скорбех о
гресех наших покаянием избавления, стране нишей и людем
ея мирное жительство и вся потребная ко спасению.
Песнь 4
Ирмос: Духом провидя, пророче Аввакуме,
Словесе воплощение, проповедал ecи, вопия: внегда
приближитися летом — познаешися, внегда приити времени,
покажешися — слава силе Твоей, Господи.
Припев: Праведный отче наш
Иоанне, моли Бога о нас.
Ложная мудрования сынов века сего,
возстающих противу истины Святыя Церкве Христовы,
отвергл еси, святе Иоанне, словом и житием Православие
утверждал еси, поя: слава силе Твоей, Господи.
Имя Христово присно в сердце нося,
святому Богоносцу Игнатию подражая, в себе самом всякое
приражение греха истребил еси, поя: слава силе Твоей,
Господи.
Слава Отцу, и Сыну, и Святому Духу.
Сила Божия, в немощи совершающаяся, яви тя дивнаго чудотворца, целителя недужных и немощных,
учителя покаяния, молитвы делателя, поюща: слава силе
Твоей, Господи.
И ныне и присно, и во веки веков. Аминь.
Богородичен: Явилася еси, Владычице
Богородице, Благодатная Помощница праведному пресвитеру
Иоанну, присно молящемуся Ти и Сыну Твоему и благодарно
поющему: слава силе Твоей, Господи.
Песнь 5
Ирмос: Твой мир даждь нам, Сыне Божий:
иного бо, разве Тебе бога не знаем, Имя Твое имением,
яко Бог живых и мертвых ecи.
Припев: Праведный отче наш
Иоанне, моли Бога о нас.
Благо мне, яко смирил мя еси, Господи,
сице молился еси, терпя поношения хулителей Твоих, святе
Иоанне, храня мир сердца Твоего непрестанною молитвою и
незлобием.
Облекся во Христа верою и Причастием
Святых Таин, был еси тверд, яко скала, глаголя: мне
Христос полнота всех благ, живот и мир, превосходяй всяк
ум.
Слава Отцу, и Сыну, и Святому Духу.
Господни трапезы присно причащаяся,
стяжал еси свет Христов, просвещающий всякаго человека,
грядущаго в мир. Сим же и нас просвети, Иоанне
светоносче, тя почитающих.
И ныне и присно, и во веки веков. Аминь.
Богородичен: Ужасошася всяческая о
Божественней славе Твоей, Пречистая Дево, общники славы
Твоея соделай и нас, Тя присно ублажающих.
Песнь 6
Ирмос: Пророку Ионе подражая, вопию:
живот мой Блаже, свободи из тли, и спаси мя, Спасе мира,
зовуща: слава Тебе.
Припев: Праведный отче наш
Иоанне, моли Бога о нас.
Оживляя душу непрестанною ко Господу
молитвою, сице взывал еси, Иоанне Богомудре: Господи,
даждь ми любити всякаго челоибка, яко самаго себе. Сию
добродетель помози и нам стяжати.
Призывая Имя Божие во спасение твое,
спасению многих послужил еси. Да пребудем и мы в
единении с Богом и любви между собою, молимтися, отче
Иоанне.
Слава Отцу, и Сыну, и Святому Духу.
Разум Богопросвещенный стяжал еси,
Иоанне премудре, о Святей Троице богословствуя, рекл
еси: высота истины сея животворна душе, в простоте
сердца верующей.
И ныне и присно, и во веки веков. Аминь.
Богородичен: Избавителя нашего
неизреченно рождшая, Пресвятая Дево, буди нам грешным
прибежище спасения и вечныя жизни Ходатаица.
Господи, помилуй, трижды. Слава, и ныне:
Кондак, глас 3
Днесь пастырь Кронштадтский предстоит
Престолу Божию и усердно молит о верных Христа
Пастыреначальника, обетование давшаго: созижду Церковь
Мою и врата адова не одолеют ей.
Икос
Восхвалим, вернии, дивнаго пастыря
Кронштадтскаго, благодати тезоименитаго, светильника
присногорящаго у Престола Святыя Троицы, с Богородицею и
со всеми святыми земли Российския молящагося о спасении
всех, Имя Господне призывающих, да укрепится в стране
нашей Православие силою Христа Пастыреначальника,
обетование давшаго: созижду Церковь Мою и врата адова не
одолеют ей.
Песнь 7
Ирмос: Сущим в пещи отроком Твоим,
Cпаce, не прикоснуся, ниже стужи огнь. Тогда трие, яко
единеми ycты, пояху и благословляху, глаголюще:
благословен Бог отец наших.
Припев: Праведный отче наш
Иоанне, моли Бога о нас.
Настави нас, пастырю добрый, жизни во
Христе, по слову бо твоему, велико делание есть, еже
побеждати грех, в нас живущий. Да не опалится душа наша
племенем его, помолися.
Очищение наше и избавление есть Христос
Спаситель, Емуже ты, пастырю пречудный, о нашем духовнем
возрождении, чрез покаяние и исправление, помолися.
Слава Отцу, и Сыну, и Святому Духу.
Силою Духа Святаго в непрестанней
молитве безстрастие стяжавый, добрый пастырю Иоанне,
страстей любогреховных нам избивитися помолися.
И ныне и присно, и во веки веков. Аминь.
Богородичен: Яви нам милость Твою,
Богородице Дево, Мати Живота, к Тебе с верою притекающим
и Сыну Твоему и Богу покаяние приносящим.
Песнь 8
Ирмос: Егоже ужасаются Ангели и вся
воинства, яко Творца и Господа, пойте, священницы,
прославите, отроцы, благословите, людие, и превозносите
во вся веки.
Припев: Праведный отче наш
Иоанне, моли Бога о нас.
Щедрою рукою твоею милостыню просящим
подавал еси, Иоанне милостиве. Не веде бо шуйца, еже
твори десница твоя, тщету бо земнаго стяжания на
небесная пременил еси.
Имущему дано будет и преизбудет, рече
Господь, тако и ты, отче Иоанне, тщанием велиим
благодать Духа Святаго стяжал еси, еюже и нас молитвами
твоими ныне ущедри.
Слава Отцу, и Сыну, и Святому Духу.
Хранение устом полагая, николиже суетная
возглаголал еси, Иоанне, закона Господня взыскуя, и нас
в нем ходити научаеши.
И ныне и присно, и во веки веков. Аминь.
Богородичен: Тя, Богородицу, Вышшую
Небес и Чистшую светлостей солнечных, в песнех немолчных
воспевают Херувими и Серафими. С нимиже и мы,
недостойнии, Тя ублажаем.
Песнь 9
Ирмос: Живоприемный Источник
приснотекущий, светоносный Светильник благодати, Храм
одушевленный, Сень пречистую, Небесе и земли
пространнейшую, Богородицу вернии величаем.
Припев: Праведный отче наш
Иоанне, моли Бога о нас.
Иисуса Христа Пастыреначальника образ в
себе нося, Иоанне, уготовал еси по вся дни душу твою за
паству полагати и во гресех погибающих к Богу обращати.
Приносящих ти похвалу сию, отче Иоанне,
не отрини, но милость Христа Бога испроси к прощению
многих прегрешений.
Слава Отцу, и Сыну, и Святому Духу.
Очима твоима присно взирая ко Господу,
отче Иоанне, врата сердца твоего отверста Ему имел еси,
да отверзется и нам дверь покаяния молитвами твоими.
И ныне и присно, и во веки веков. Аминь.
Богородичен: Христа Бога нашего, прежде
век от Отца рожденнаго без Матере, рождшагося же от Тебе
без отца нас ради, моли, Чистая Богоневесто, да спасение
улучим, Тя величающе.
***
Молитва праведному Иоанну Кронштадтскому:
- Молитва праведному Иоанну, Кронштадтскому чудотворцу.
Мудрый наставник и добрый пастырь, сделавший много
для укрепления веры, помощи людям, умирения страны,
спасения от надвигающейся смуты. Податель многих
исцелений и помощи в различных житейских нуждах,
болезнях, при одержимости пьянством. Покровитель
миссионеров и катехизаторов, ему возносят молитвы о помощи детям в учебе.
Акафист праведному Иоанну Кронштадтскому:
Канон праведному Иоанну Кронштадтскому:
Житийная и научно-историческая литература о праведном Иоанне Кронштадтском:
Молитвы святого праведного Иоанна Кронштадтского:
Труды праведного Иоанна Кронштадтского:
- "Иоанн Кронштадтский. Все творения" - полный сборник всех трудов праведного Иоанна Кронштадтского: книги, проповеди, дневники и пр.
- "Моя жизнь во Христе" или "Минуты духовного трезвения и созерцания, благоговейного чувства, душевного исправления и покоя в Боге" - праведный Иоанн Кронштадтский
- "Победа над смертью. Слово в день Успения Пресвятой Богородицы" - праведный Иоанн Кронштадтский
- "Богопознание и самопознание, приобретаемые из опыта" - праведный Иоанн Кронштадтский
- "Великий пост" - праведный Иоанн Кронштадтский
- "Живое слово мудрости духовной" - праведный Иоанн Кронштадтский
- "Живой колос" - праведный Иоанн Кронштадтский
- "Катехизические беседы" - праведный Иоанн Кронштадтский
- "Мысли протоиерея Иоанна Ильича Сергиева, настоятеля Кронштадтского Андреевского собора о различных предметах христианской веры и нравственности" - праведный Иоанн Кронштадтский
- "Мысли христианина о покаянии и причащении" - праведный Иоанн Кронштадтский
- "Наставление о. Иоанна Сергиева Кронштадтского при совершении Таинства Покаяния" - праведный Иоанн Кронштадтский
- "О Кресте Христовом" - праведный Иоанн Кронштадтский
- "Ответ Иоанна Кронштадтского Льву Толстому на его обращение к духовенству" - праведный Иоанн Кронштадтский
- "Путь спасительный" - праведный Иоанн Кронштадтский
- "В мире молитвы. Выборки из его писаний" - праведный Иоанн Кронштадтский
- "Письма разных лет. 1859–1908. Том I" - праведный Иоанн Кронштадтский
- "Письма разных лет. 1902–1908. Том II" - праведный Иоанн Кронштадтский
- "Письма" - праведный Иоанн Кронштадтский
- "Симфония по творениям святого праведного Иоанна Кронштадтского" - праведный Иоанн Кронштадтский
- "Толкование на Евангелие от Матфея" - праведный Иоанн Кронштадтский
- "Беседы о Блаженствах Евангельских" - праведный Иоанн Кронштадтский
- "Золотые слова" - праведный Иоанн Кронштадтский
- "Новые грозные слова о Страшном поистине Суде Божием, грядущем и приближающемся" - праведный Иоанн Кронштадтский
- "Полный годовой круг слов, поучений и бесед" - праведный Иоанн Кронштадтский
- "Поучения и слова на праздники Господа нашего Иисуса Христа" - праведный Иоанн Кронштадтский
- "Поучения, слова и речи на храмовые праздники и разные случаи" - праведный Иоанн Кронштадтский
- "Проповеди" - праведный Иоанн Кронштадтский
- "Простое Евангельское слово русскому народу" - праведный Иоанн Кронштадтский
- "Слова и поучения на праздники Божией Матери" - праведный Иоанн Кронштадтский
- "Слова и поучения, произнесенные в разные годы" - праведный Иоанн Кронштадтский
- "Слова на высокоторжественные дни" - праведный Иоанн Кронштадтский
- "Слово на Новый 1899 год" - праведный Иоанн Кронштадтский
- "Дневник. Том I. 1856" - праведный Иоанн Кронштадтский
- "Дневник. Том II. 1857–1858 года" - праведный Иоанн Кронштадтский
- "Дневник. Том III. 1859–1860 года" - праведный Иоанн Кронштадтский
- "Дневник. Том IV. 1860–1861 года" - праведный Иоанн Кронштадтский
- "Дневник. Том V. 1862 год" - праведный Иоанн Кронштадтский
- "Дневник. Том VI. 1864 год" - праведный Иоанн Кронштадтский
- "Дневник. Том VII. 1863–1864 года" - праведный Иоанн Кронштадтский
- "Дневник. Том VIII. 1865 год" - праведный Иоанн Кронштадтский
- "Дневник. Том IX. 1865–1866 года" - праведный Иоанн Кронштадтский
- "Дневник. Том X. 1866–1867 года" - праведный Иоанн Кронштадтский
- "Дневник. Том XI. 1866 год" - праведный Иоанн Кронштадтский
- "Дневник. Том XII. 1867 год" - праведный Иоанн Кронштадтский
|
