Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Толковый православный молитвослов


Толковый православный молитвослов. Канон покаянный ко Господу нашему Иисусу Христу

Содержание покаянного канона:

***

Господь Вседержитель (Пантократор). Византийская мозаика

Господь Вседержитель (Пантократор). Византийская мозаика

Содержание толкового молитвослова:

***

Читайте также по теме:

***

Канон покаянный ко Господу нашему Иисусу Христу

Глас 6-й

Песнь 1

Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Яко по суху - как по суше. Пешешествовав - пройдя пешком. Богу победную песнь поим, вопияше - (Израильский народ) воскликнул: Воспоем Богу победную песнь!" (именно так, с кавычками, следовало бы писать при передаче современным письмом это место, тем более что несколько необычный для нас порядок слов затрудняет понимание).

Припев: Помилуй мя, Боже, помилуй мя.

Примечание: В канонах припев как молитвенное воззвание произносится перед первым и вторым (и третьим, если он есть) тропарем каждой песни, но не читается перед тропарями, начинающимися со Слава отцу, и Сыну, и Святому духу и И ныне и присно, и во веки веков. Аминь.

Ныне приступих аз грешный и обремененный к тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.

Помилуй мя, Боже, помилуй мя.

О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.

Слава:

Безумне, окаянне, человече, в лености время губиши; помысли житие твое, и обратися ко Господу Богу, и плачися о делах твоих горько.

И ныне:

Мати Божия Пречистая, воззри на мя грешнаго и от сети диаволи избави мя, и на путь покаяния настави мя, да плачуся дел моих горько.

Аз - я. Глаголя - говоря. Даждь - дай. Паче - более. Несть - нет.

*В некоторых древних рукописях есть надписание: "Творение Кир (господина) Андрея Критского". - Примеч. протоиерея Сергия Правдолюбова.

*В некоторых древних рукописях есть надписание: "Творение Кир (господина) Андрея Критского". - Примеч. протоиерея Сергия Правдолюбова.

Песнь 3

Ирмос: Несть свят, якоже Ты, Господи Боже мой, вознесый рог верных твоих, Блаже, и утвердивый нас на камени исповедания Твоего.

Несть свят, якоже Ты - Нет столь святого, как Ты. Вознесый рог - возвысивший силу (рог - сила, крепость, преимущество; вознести рог - прославить, укрепить силу, даровать победу на врага). Верных твоих - верующих в Тебя (но, несомненно, и верных Тебе).

Утвердивый нас на камени исповедания Твоего. Слово исповедание означает здесь также завет: на камне Завета Твоего.

Помилуй мя, Боже, помилуй мя.

Внегда поставлени будут престоли на Судищи Страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.

Помилуй мя, Боже, помилуй мя.

Праведницы возрадуются, а грешнии восплачутся, тогда никтоже возможет помощи нам, но дела наша осудят нас; темже прежде конца покайся от злых дел твоих.

Слава:

Увы мне, великогрешному, иже делы и мысльми осквернився, ни капли слез имею от жестокосердия; ныне возникни от земли, душе моя, и покайся от злых дел твоих.

И ныне:

Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостливая, помилуй мя, да покаюся от злых моих дел.

Внегда - когда. Ведущи - зная. Праведницы - праведники. Помощи - помочь. Темже - здесь; поэтому, из-за этого. Возникни - поднимись, возвысься (из согнутого - ниц - положения).

Седален, глас 6-й

Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Слава, и ныне:

Богородичен: Связан многими ныне пленицами грехов и содержимь лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.

Седален - краткое церковное песнопение, при исполнении которого молящимся дозволяется сидеть в храме - садиться для слушания следующего за ним чтения из Священного Писания или жития святого. После 3-й песни канона следовало в храме уставное чтение (поучений, житий), перед которым и располагался седален.

***

Смотрите: Словарь православных гимнографических терминов (значение слов акафист, глас, икос, кондак, канон, тропарь и пр.)

***

Лукавых - злых. Благоутробный - милосердный (буквально: имеющий благое сердце). Пленицами - цепями, узами. Содержимь - одержим (то есть пребываю под властью).

Спас Всемилостивый. Икона

 

Икона Спас Всемилостивый

Песнь 4

Бог и Господь, честная Церковь благолепно поет, взывающи от смысла чиста, о Господе празднующи.

Честная - священная, благоговейно чтимая. Благолепно - как прилично Богу. От смысла чиста - от чистого ума и сердца.

"Христос моя сила, Бог и Господь" - поет Святая Церковь словами пророка Аввакума, - таков смысл ирмоса (кавычки делают это более понятным).

Помилуй мя, Боже, помилуй мя.

Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.

Помилуй мя, Боже, помилуй мя.

Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.

Слава:

О безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел; но более взыщи Царствия Божия.

И ныне:

Госпоже Богородице, помилуй мя грешнаго, и в добродетели укрепи, и соблюди мя, да наглая смерть не похитит мя неготоваго, и доведи мя, Дево, Царствия Божия.

Зде - здесь. Сласти - чувственные наслаждения, удовольствия, похоти. Егда - когда. Блюдися от сих - храни себя от этого. Мзду наемничу удержуеши - задерживаешь плату наемному работнику (мзда - воздаяние, награда). Блуд и гордость гониши - не оставляешь блуда и гордости (гонити - следовать, достигать, держаться). Углебаеши - погрязаешь ( образ пчелы, вязнущей в сладком и липком). Наглая - внезапная, скоропостижная.

Песнь 5

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Утренюющих Ти - с раннего утра обращающихся к Тебе.

Божиим светом Твоим, Блаже, утренюющих Ти души любовию озари, молюся, Тя ведети… Построение фразы для нас непривычно и потому непонятно. Молюсь Тебе, о Благой: утренюющих Ти души озари (чтобы) Божиим светом Твоим - любовию Тя ведети (любовию к познанию Тебя) - истиннаго Бога, от мрака греховнаго взывающа (истинного Бога, призывающего к Себе из греховного мрака).

Помилуй мя, Боже, помилуй мя.

Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?

Помилуй мя, Боже, помилуй мя.

Трепещу ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?

Слава:

Блудника и разбойника кающася приял еси, Спасе, аз же един леностию греховною отягчихся и злым делом поработихся; душе моя грешная, сего ли восхотела еси?

И ныне:

Дивная и скорая помошнице всем человеком, Мати Божия, помози мне недостойному, душа бо моя грешная того восхоте.

Уди - члены тела (ед. число уд).

Блудника и разбойника кающася приял еси, Спасе… На память душе приводится блудный сын притчи (Лк.15:11-32) и благоразумный разбойник Креста (Лк.23:39-43).

Очима взираяй, ушима слышай… Очима, ушима - формы двойственного числа.

Добрый Пастырь. Икона Господа Иисуса Христа

 

Икона Добрый Пастырь

Песнь 6

Ирмос: Житейское море воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Зря - видя. Напастей - бед, искушений. Притек - здесь: пристав, приплыв. Возведи от тли - изведи от погибели. Живот мой - жизнь мою.

Житейское море воздвизаемое зря напастей бурею, к тихому пристанищу Твоему притек, вопию Ти… Снова порядок слов, отличающийся от привычного. Зря (видя) житейское море, воздвизаемое (волнуемое) бурею напастей (искушения и бед), и пристав к Твоей тихой пристани, я вопию Ти…

Помилуй мя, Боже, помилуй мя.

Житие на земли блудно пожих и душу во тьму предах; ныне убо молю Тя, Милостивый Владыко: свободи мя от работы сея вражия и даждь ми разум творити волю Твою.

Помилуй мя, Боже, помилуй мя.

Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.

Слава:

Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко молосерд, даст ти ум знати волю Свою.

И ныне:

Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.

От работы сея вражия - от этого рабства врагу. Таковая, якоже яз - такое, как я.

Пожих, предах - формы прошедшего времени, 1-го лица: я пожил, я предал.

Кондак

Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратитися к Богу с плачем, зовущи: милосерде Господи, помилуй мя грешнаго.

В чесом - в чем.

Греческое слово кондак буквально означает "колышек", "валик" - деревянный валик, на который накручивается свиток; это значение легко перешло и на сам свиток. Первоначальный кондак - жанр византийской гимнографии, созданный преподобным Романом Сладкопевцем (первым кондаком был кондак Рождества Христова - Дева днесь Пресущественнаго рождает…) и приобретший огромную популярность, пока его не вытеснил из богослужения канон. Это был гимн, состоящий из большого числа строф - икосов, одинаковых по числу стихов и их ритмической организации. Нынешние кондак и икос, исполняемые после 6-й песни канона, - все, что осталось от древнего канона.

Икос

Помысли, душе моя, горький час смерти и Страшный Суд Творца твоего и Бога: Ангели бо грознии поймут тя, душе, и в вечный огонь введут; убо прежде смерти покайся, вопиящи: Господи, помилуй мя грешнаго.

Икос - церковное песнопение, развивающее тему кондака (икос всегда следует за кондаком и не употребляется самостоятельно), но более обширное. Кондак и икос, читаемые по 6-й песни канона, обычно оканчиваются одними и теми же словами. Поймут - схватят, поймают.

Песнь 7

Ирмос: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Росодательну убо пещь содела - соделал так, что печь окропляла росою. Преподобным отроком - святым юношам. Увеща - убедило.

Халдеи же опаляющее веление Божие мучителя увеща вопити… Повеление божие, опаляющее халдеев, убедило мучителя (царя) воскликнуть.

Помилуй мя, Боже, помилуй мя.

Не надейся, душе моя, на тленное богатство и на неправедное собирание, вся бо сия не веси кому оставиши, на возопий: помилуй мя, Христе Боже, недостойнаго.

Помилуй мя, Боже, помилуй мя.

Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.

Слава:

Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.

И ныне:

Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Песнь 8

Ирмос: Из пламене преподобным росу источил еси, и праведнаго жертву водою попалил еси; вся бо твориши, Христе, токмо еже хотети. Тя превозносим во вся веки.

Вся бо твориши, Христе, токмо еже хотети - ибо Ты все творишь, Христе, что только хочешь (одним Своим хотением).

И праведнаго жертву водою попалил еси. Ирмос воспевает не только то чудо Господне, которое всегда лежит в основе 8-й песни, - источение росы из пламени раскаленной печи, - но и другое, когда по молитве пророка Илии Господь низвел с неба огонь, попаливший обильно политую водой жертву (3Цар.18:30-38).

Помилуй мя, Боже, помилуй мя.

Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние (Дважды).

Слава:

Верую, яко приидеши судити живых и мертвых, и вси во своем чину станут, стари и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.

И ныне:

Пречистая Богородице, приими недостойную молитву мою и сохрани мя от наглыя смерти, и даруй ми прежде конца покаяние.

Егда - когда. Даждь - дай. Священницы - священники.

Песнь 9

Ирмос: Бога человеком невозможно видети, на Негоже не смеют чини ангельстии взирати; Тобою же, Всечистая, явися человеком Слово Воплощено, Егоже величающее, с небесными вои Тя ублажаем.

Тобою - через Тебя. Вои - воинствами.

Помилуй мя, Боже, помилуй мя.

Ныне к вам прибегаю, Ангели, Архангели и вся небесныя Силы, у Престола Божия стоящи, молитеся ко Творцу своему, да избавит душу мою от муки вечныя.

Помилуй мя, Боже, помилуй мя.

Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на Суде, да спасет душу мою от силы вражия.

Слава:

Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моей.

И ныне:

Мати Божия, помози ми, на Тя сильне надеющемуся, умоли Сына Своего, да поставит мя недостойнаго одесную Себе, егда сядет судяй живых и мертвых. Аминь.

Воздежу - воздеваю. Мученицы, пустынницы, девственницы, праведницы - мученики, пустынники, девственники, праведники (в церковнославянском языке здесь чередование: звук "к" заменяется звуком "ц"). Одесную - по правую руку (сторону). Егда - когда. Сядет судяй - сядет и будет судить (буквальный перевод - "сядет судящий" или даже "сядет судя" - был бы неточен, так и здесь имеет место характерная для церковнославянского языка и отсутствующая в русском грамматическая конструкция).

Молитва

Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели, яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, Сокровище благих, даруй мне покаяние всецелое и сердце люботрудное во взыскание Твое; даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое; возведи к пажити Твоей и сопричти мя овцам избраннаго Твоего стада; воспитай мя с ними от злака Божественных Твоих Таинств, молитвами Пречистая Твоея Матере и всех святых Твоих. Аминь.

Иже… страсти моя исцеливый и язвы моя уврачевавый… - Страсти мои исцеливший и язвы мои уврачевавший (в этом обороте и подобных ему слово Иже вообще не переводится). Сраствори - сораствори, примешай, присоедини (срастворяти - примешивать; срастворение - слияние, смешение, соединение). От обоняния - от запаха (обоняние - запах, а не одно из пяти чувств). Наслади - услади (противопоставляется горести - горечи - греха). Слезами, яже к Тебе любве - слезами любви к Тебе. Сокровище благих - источник благ (благая - благое, благо). Люботрудное - любящее труды, прилежное. Во взыскание Твое - чтобы искать Тебя (взыскание - поиск, старание найти). Обнови во мне зраки Твоего образа - верни меня к образу Твоему. К пажити - к пастбищу (Христос - Пастырь добрый, и фраза развивает этот образ). Воспитай - вскорми и возрасти (возрасти, напитав злаком Твоих Таинств).

Цитировано по:

"Как научиться понимать молитвы?".
-М.: "Отчий дом", 2007

Азбука веры

 

 
Читайте другие молитвы раздела "Православный молитвослов"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru