Молитвы святым
Все молитвы преподобным Андронику и Савве Московским
Память: 24 января / 6 февраля
Преподобные Андроник и Савва
Московские. Икона
***
Тропарь преподобным Андронику и Савве Московским,
глас 8
От юности своея, преподобнии отцы
Андрониче и Савво, в пустыни вселистеся Сергия великаго,
того житию последующе, плоды смирения и послушания
возрастили есте, сего ради сподобившеся быти строители и
первоначальники обетныя обители святителя Алексия, с
нимже испросите у Христа Бога верным людем здравие и
спасение и душам нашим велию милость.
Ин тропарь преподобному Андронику Московскому, глас
1
Безмолвие от юности возлюбив, на гору
Маковец пришел еси, Андрониче блаженне, обитель общаго
жития устроил еси в земнем граде Москве, во обители
Небеснаго града ныне ликовствуеши, молися Христу Богу
спастися душам нашим.
Молитва преподобным Андронику и
Савве
О всехвальная и досточудная двоице,
преподобнии отцы наши Андрониче и Савво! Услышите
моление сие наше, утолите печали нашя и болезни нашя
исцелите. Веруем бо и уповаем, яко вся потребная нам
всегда даруете. Ведите убо преславнии, яко ладия души
нашея мала есть, море же бурно и велико зело. Темже
вопием вам: услышите нас преподобнии, и помозите нам
многомятежное море жития сего прейти и брега пристанища
тихаго достигнути, да сподобимся насладитися
безсмертнаго жития и в радости и веселии со ангелы и
всеми святыми воспевати и превозносити Отца и Сына и
Святаго Духа во веки веков. Аминь.
***
Акафист преподобным Андронику и Савве Московским:
Житийная и научно-историческая литература о преподобных Андронике и Савве Московских:
|
