Молитвы святым
Все молитвы священномученику Александру Иерусалимскому
Память: 16 / 29 мая, 12 / 25 декабря
Священномученик Александр Иерусалимский - стойкий
исповедник веры, переживший дважды длительное тюремное
заключение за веру. Просветитель, создавший в Иерусалиме
внушительную библиотеку христианской литературы,
покровитель Оригена. Его просят о помощи учебе, укрепить
веру и терпение в гонениях и заключении. Он – небесный
покровитель паломников, учителей и библиотекарей.
Священномученик Александр Иерасалимский. Икона
***
Тропарь священномученику Александру Иерусалимскому, глас 4
И нравом причастник, и престолом
наместник апостолом быв, деяние обрел еси,
Богодухновенне, в видения восход, сего ради слово истины
исправляя, и веры ради пострадал еси даже до крове,
священномучениче Александре, моли Христа Бога спастися
душам нашим.
Кондак священномученику Александру Иерусалимскому,
глас 4
Во святителех благочестно пожив, и
мучения путь прошед, идольския угас еси жертвы, и
поборник быв твоему стаду Богомудре. Темже тя почитающе
вопием ти: от бед избави ны присно твоими молитвами,
отче наш священномучениче Александре Иерусалиский.
Молитва священномученику Александру Иерусалимскому
О, священная главо, пастырю добрый
словесных овец Христовых, священномучениче Александре,
Иерусалимская похвало, всемирный светильниче и скорый
наш заступниче и помощниче в скорбех, бедах и всяких
нуждах. Услыши нас грешных, к тебе прибегающих и
молящихся. Испроси предстательством твоим у
Всемилостиваго Бога нашего мир Церкви Его, под знамением
Креста воинствующей, тишину помыслов наших, воздержание
от пагубных страстей и покаяние.
Ей, чадолюбивый и милостивый отче наш,
священномучениче Александре, архиерею Божий! Тебе,
предстоящему Престолу Господню, ведомы вся нужды наша
духовныя и житейския. Призри на нас отеческим оком и
твоими молитвами утверди нас в вере, надежде и любве,
суемудрия и расколы истреби, болящия исцели, печальныя
утеши, обиженныя заступи, бедствующим помози,
путешествующим спутешествуй. Не посрами нас, угодниче
Божий, к тебе с верою притекающих, но яви древния
милости твоя, имиже отцем нашим вспомоществовал еси, не
отрини и нас, предстоящих всечестней иконе твоей, яко
тебе живу сущу. Умоли убо Милостиваго Бога сохранитися
нам до кончины дней наших в страсе Божием, и да отпустит
нам Господь вся прегрешения наша вольная и невольная, и
да избавит нас твоим предстательством от вечных мук, и
сподобит радости вечныя насладитися купно с тобою и со
всеми святыми, во веки веков. Аминь.
Величание
Величаем тя, священномучениче
Александре, и чтим святую память твою, ты бо молиши за
нас Христа Бога нашего.
***
Акафист священномученику Александру Иерусалимскому:
Житийная и научно-историческая литература о священномученике Александре Иерусалимском:
|
