Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные каноны / Канон преподобному Порфирию Кавсокаливиту


Православные каноны

Канон преподобному Порфирию Кавсокаливиту

Память: 19 ноября / 2 декабря

Преподобный Порфирий Кавсокаливит – греческий аскет и молитвенник, отличавшийся как терпеливым перенесением своих собственных болезней, как даром исцеления от болезни других. К нему обращаются за молитвенной помощью в болезнях и скорбях.

Преподобный Порфирий Кавсокаливит. Фотография

Преподобный Порфирий Кавсокаливит. Фотография

Глас 1

Песнь 1

Ирмос: Христос раждается, славите: Христова друга искренняго, Христова священнодeйственника теплeйшаго, Христова честнaго послушника, вси Порфирия Кавсокаливийскаго, вернии, радующеся, в пeснех да восхвалим.

Припев: Преподобне наш отче Порфирие, моли Бога о нас.

Играют мирстии концы, людие вселeнныя радуются, ликовствуют небесная, сонмы свящeнников и инокyющих воспевают соглaсно в памяти Порфирия богомyдраго.

О чудесе! Како от юности ты претерпeл еси с родительми разлучение,  не побеждeн естественною любoвию? Возгорeся сердце твое рачением еже к Богу  и яко свет сияше уму твоему Иоанна Кyщника образ.

Слава Отцу, и Сыну, и Святому Духу.

Божия испроси благодати нам, взыскyющим помощи,  и любовию к тебе притекающим, Божественным осенeнием и заступлeнием, таинниче неизреченный, о Порфирие мудре,  яко да воспеваем тя.

И ныне и присно, и во веки веков. Аминь.

Богородичен: Сосуд благодати сущи, сердце мое радования исполни, и Господу и Сыну Твоему, Дево, усердно о всех верных всегда молися.

Песнь 3

Ирмос: Прежде век: Кроткому и смиренному сердцем Господу Иисусу подражая, смирен мудрованием, кроток и послушлив ты был еси, от Негоже и благодать тебе, Порфирие, даровася.

Припев: Преподобне наш отче Порфирие, моли Бога о нас.

Житие твое, яко солнце, возсия, преподобне, светлыми деянии, монашествующих лики просветил еси и демонскую тьму отгнал еси.

Слава Отцу, и Сыну, и Святому Духу.

Якоже Илия на колеснице, отче Порфирие, добродетельми твоими возшел еси на Небо и тамо чисте зриши Святую Троицу, к Ней же духом горя и возлетая.

И ныне и присно, и во веки веков. Аминь.

Богородичен: Спасение родила еси человеком и обновление принесла еси нам, обетшавшим грехми, Дево, Мати Божия.

Седален, глас 3:

Словесами евангельскими озаряемь, в пути, ведущий к жизни, Божественным сиянием ходив верно, вражиих отбег прилогов, сын света и дне явился еси,  Порфирие Богоблаженне.

Слава, и ныне, Богородичен:

Пречистеи Твои руце, Дево Мати, простерши, покрый уповающия на Тя и к Сыну Твоему зовущия:  всем подаждь, Христе, Твою милость.

Песнь 4

Ирмос: Жезл из корене: Всем притекающим к тебе показался еси чистый источник радости, надежды и исцелений, рoсою животoчных вод окропляяй души, отче блаженне.

Припев: Преподобне наш отче Порфирие, моли Бога о нас.

Агнца Божия закалаемаго за грех всего мира зрел еси сердечными очима, отче, священную Евхаристию совершающе, таже и ныне воздержи твои праведниируцы к Престолу Божию за люди твоя, тя почитающих.

Слава Отцу, и Сыну, и Святому Духу.

Отец преискренний показался еси, отче Порфирие, пастве твоей, любовию своею согревающий сердца чад твоих.

И ныне и присно, и во веки веков. Аминь.

Богородичен: Возсия из утробы Твоея, Отроковице Неискусобрачная, Отчее сияние - Христос, и просвети вселенную и бесовскую тьму потребил есть.

Преподобный Порфирий Кавсокаливит. Икона

Преподобный Порфирий Кавсокаливит. Икона

Песнь 5

Ирмос: Бог сый мира: От Афонскаго затвора твоего уединеннаго песни благоумиленно, хвалы и славословия Христу Богу воспевал еси присно, Порфирие блаженне, Того Божественное снизхождение прославляя.

Припев: Преподобне наш отче Порфирие, моли Бога о нас.

Естеством кроток и милостив, не остави нас, на твоя молитвы уповающих и молящихся тебе, покрый нас, отче, от навет вражиих святыми твоими молитвами и пути наша направи.

Слава Отцу, и Сыну, и Святому Духу.

Образ добродетелей был еси пастве твоей, Богопросвещенный наставниче наш Порфирие, от всякия злыя вещи удален: яко да избавиши нас от соблазна, преткновения и кознодейства вражия.

И ныне и присно, и во веки веков. Аминь.

Богородичен: Закона исполнение, высшая Херувим, родила еси Божия Слова воплощена, Сына Единородна, Егоже о рабех Твоих умоли.

Песнь 6

Ирмос: Из утробы Иону: Образ был еси верным: словом, житием, любовию, сего ради вселися в тя Дух Святый, отче Богоносе, и нам, помолися, стяжати благодать Того.

Припев: Преподобне наш отче Порфирие, моли Бога о нас.

Истине Евангельской с детства наученный, животворныя заповеди Спасовы исполнил еси ревностно, отче Порфирие, и явился еси проповедник деятельный пути спасительнаго.

Слава Отцу, и Сыну, и Святому Духу.

Предведый Бог, отче Порфирие, твоей души красоту и разума чистоту, священнопроповедника мудра людем показа тя.

И ныне и присно, и во веки веков. Аминь.

Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человекиизбавльшаго.

Кондак, глас 3:

Радуйся, Афона смиренное овча, Порфирие, Любве проповедниче, монахов славо, святых удобрение. Овому бо Духом дадеся слово премудрости, другому же слово разума и действия сил, тебе же купно вся открышася, яко таиннику Божия благодати.

Песнь 7

Ирмос: Из утробы Иону: Мудростию вышнею очистив телесная и душевная чувства, премудре, возжег сердце Божественным рачением, и со Ангелы Богу усердно поеши ныне: отцев Боже, благословен еси.

Припев: Преподобне наш отче Порфирие, моли Бога о нас.

Вболезнех горьких взывал еси радостно, Порфирие, мне еже жити Христос и еже умрети приобрeтение многое, не престaну бо воспевати милость Его и вопити: отцев Боже, благословен еси.

Повеления отеческая храня невредимо, правоверным смыслом, ты от юности имел еси житие чисто и милостивен нрав, Порфирие досточудне и ко Творцу всех взывал еси: отцев Боже, благословен еси.

Слава Отцу, и Сыну, и Святому Духу.

Слово твое, мудростию срастворенное и Божиею благодатию преудобренное, радостию насыщает и веселием верных сердца, иже поют любовию: отцев Боже, благословен еси.

И ныне и присно, и во веки веков. Аминь.

Богородичен: Радуйся, Владычице Дево, яко всем людем похвала еси, непрестанно молися Христу Богу сохранити град сей и люди молитвами всеблаженнаго Порфирия.

Песнь 8

Ирмос: Чудо преестественное: Отец чадолюбивый был еси всем приходящим к тебе со скорбию сердечною и нуждою, и никтоже неутешен отыде от твоего лица, блаженне.

Припев: Преподобне наш отче Порфирие, моли Бога о нас.

К тебе, отче Порфирие, припадающе, умиленным гласом вопием: посети немощи наша, буди ходатай о нас, тебе ради благословящих Христа во веки.

Слава Отцу, и Сыну, и Святому Духу.

Рай истинно соделал еси пустыню, в ней преизяществовав во всякой добродетели, темже и рая сладости сподобился еси, Порфирие преподобне.

И ныне и присно, и во веки веков. Аминь.

Богородичен: Бога нам родила еси, Пречистая Богорадованная Дево, спаси место сие и люди, на Тя уповающия, Богородице Пренепорочная, и Сыну Твоему вопиющия: благословите Христа во веки.

Песнь 9

Ирмос: Таинство странное вижду: Красно убо Церковь веселится в памяти твоей, о пастырю дивный отче Порфирие! Вернии же людие стекаются, празднственная тебе приносяще, восхваляюще Христа, тебе прославльшаго.

Припев: Преподобне наш отче Порфирие, моли Бога о нас.

Обрати свой взор с превыспренних высот на нас, в памяти твоей ликующих и Христа славословящих, и отеческим твоим благословением осени всех, пастырю священнейший Порфирие.

Слава Отцу, и Сыну, и Святому Духу.

Весь во Свет Божественныя Троицы с веселием прешел еси, ангельским воинством ныне срадуешися, пречудне отче Порфирие, с нимиже непрестанно моли всем спастися, поющим тя.

И ныне и присно, и во веки веков. Аминь.

Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.

Светилен:

Светом Превечнаго сияния озарився, отче Порфирие, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.

Слава Отцу, и Сыну, и Святому Духу. И ныне и присно, и во веки веков. Аминь.

Богородичен: Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.

***

Молитвы преподобному Порфирию Кавсокаливиту

  • Молитвы преподобному Порфирию Кавсокаливиту. Преподобный Порфирий Кавсокаливит – греческий аскет и молитвенник, отличавшийся как терпеливым перенесением своих собственных болезней, как даром исцеления от болезни других. К нему обращаются за молитвенной помощью в болезнях и скорбях.

Акафист преподобному Порфирию Кавсокаливиту:

Канон преподобному Порфирию Кавсокаливиту:

Житийная и научно-историческая литература о преподобном Порфирие Кавсокаливите:

Труды преподобного Порфирия Кавсокаливита:

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2021

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru