Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные каноны / Канон Киприану и Иустине


Православные каноны

Канон священномученику Киприану и мученице Иустине

Память: 2 / 15 октября

Будучи колдуном, Киприан по заказу богатого юноши язычника, наводил чары на святую деву Иустину, чтобы склонить ее браку. Однако, видя тщетность своих попыток сломить ее, обратился в христианство, и сам принял мученическую кончину за Христа в сане епископа вместе со святой девою Иустиной. Воин Феоктист, видя невинные страдания святых, объявил себя христианином, и был казнен вместе с ними.

По молитвам святых Киприана и Иустины многие христиане избавились от лукавых духов, получили защиту от бесовских искушений, им молятся о вразумлении людей, занимающихся оккультизмом, магией, гаданиями и т.п.

Священномученик Киприан и мученица Иустина. Икона

Глас 4

Песнь 1

Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

Припев: Священномучениче Киприане и мученице Иустино, молите Бога о нас.

С Премирными чинми ныне водворяяся, о священная и Божественная главо, с Небесе призри на благочестно поющия тя и твоими молитвами сохраняй.

Во мраце неведения, преподобне, люте одержим и душегубными страстьми плоти невоздержанием ты разжигаем, преложение преславно обрел еси внезапу, всеблаженне.

Слава Отцу, и Сыну, и Святому Духу.

Губителей убо на седалищи прежде, отче, седел еси и на седалищи пресвитеров паки Христа прославил еси, изменився явленно Владычнею Божественною благодатию.

И ныне и присно, и во веки веков. Аминь.

Дева по рождестве пребыла еси: Самаго бо рождши Творца всех и Господа, необычно и странно нам явльшася телом, Богородительнице Мати Приснодево.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Припев: Священномучениче Киприане и мученице Иустино, молите Бога о нас.

Яко Павел, ко Христу душевную любовь преложив, Киприане всемудре, того ученик был еси.

Обручает ти Христос, вместо риз страстных одеяние славы даруя и возрождения одежду.

Слава Отцу, и Сыну, и Святому Духу.

Поустник постнический прежде бывый терпелив, послежде, Киприане всехвальне, свидетель Истины был еси.

И ныне и присно, и во веки веков. Аминь.

Господьственно и истинно Тя, Богородицу, вернии почитаем, Ты бо Бога родила еси, плоть бывша, Всенепорочная.

Господи, помилуй, трижды.

Седален, глас 8

Наказан в прелести прилежно, яко Павел, зван бысть с Небесе, Крестом наставляем к свету знания, честныя бо девы любовию разжигаем, тоя ради сочетался еси Зиждителю человеков. Тем обличив немощь вражию, с нею сподобился еси лику мучеников, Киприане, архиереев удобрение, моли Христа Бога грехов оставление подати чествующим любовию святую память твою.

Слава, и ныне, Богородичен: В напасти многоплетенныя впад от враг видимых и невидимых, бурею одержим безчисленных согрешений моих, и, яко к теплому заступлению и покрову моему, Чистая, ко пристанищу притекаю Твоея благости. Темже, Пречистая, из Тебе Воплощенному без семене молися прилежно о всех рабех Твоих, непрестанно молящих Ти ся, Богородице Пречистая, молящи Его присно согрешений оставление даровати воспевающим достойно славу Твою.

Песнь 4

Ирмос: Вознесена Тя видевши Церковь на Кресте, Солнце праведное, ста в чине своем, достойно взывающи: слава силе Твоей, Господи.

Припев: Священномучениче Киприане и мученице Иустино, молите Бога о нас.

Возбнув, Богогласе, от неистовства перваго, демонскую лесть и душетленную прелесть всю обличил еси и, радуяся, взывал еси: слава силе Твоей, Господи.

Доблественно Иустина укрепляема и Чистую Деву и Обрадованную зело молящи, сетей избеже и козней же вражиих.

Слава Отцу, и Сыну, и Святому Духу.

Укрепляема верою твоего Жениха и Крестною силою одеяна, демоны неятна, вопиющи, пребыла еси: слава силе Твоей, Господи.

И ныне и присно, и во веки веков. Аминь.

Иже естеством свободен сый, образом раба обнища богатством благости, Мати Приснодево, из Тебе по Ипостаси все приемь человечество.

Песнь 5

Ирмос: Ты, Господи, мой свет, в мир пришел еси. Свет Святый, обращаяй из мрачна неведения верою воспевающих Тя.

Припев: Священномучениче Киприане и мученице Иустино, молите Бога о нас.

Поборницу имущи яве Чистую Богоматерь, обогащшися, Иустино, честное девство сохранила еси невредно.

Одушевленный Христов и краснейший образ, почтим Иустину, сокровенную доброту и некрадомое возложение.

Слава Отцу, и Сыну, и Святому Духу.

Невеста Христова присная и нескверная, страданием и пощением восприемши, праведно сугуб венец носит.

И ныне и присно, и во веки веков. Аминь.

Ум Ангельский и человеческий не может сказати неизреченнаго и преславнаго чудесе Рождества Твоего, Всечистая.

Песнь 6

Ирмос: Пожру Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.

Припев: Священномучениче Киприане и мученице Иустино, молите Бога о нас.

Злобы дна преисподняго дошел еси, к крайнейшей же паки добродетели, отче, возшел еси на высоту, преславно изменився Божественным Крещением.

Был еси служитель демонов первее, но Христов Богоявленный ученик показался еси, присною любовию желание возлюбив последнее.

Слава Отцу, и Сыну, и Святому Духу.

Многия ты Владыце привел еси мученики, куплей величайшую являя, кровию малейшею Царство Небесное, Богомудре, купити.

И ныне и присно, и во веки веков. Аминь.

Расторгни моя пленицы согрешений, Богоневесто, греховнаго закона, Жизни законом свободу дарующи, Владыку закона рождшая.

Господи, помилуй, трижды. Слава, и ныне:

Кондак, глас 1

От художества волшебнаго обратився, Богомудре, к познанию Божественному, показался еси миру врач мудрейший, исцеления даруя чествующим тя, Киприане со Иустиною: с неюже молися Человеколюбцу Владыце спасти души наша.

Икос

Целений твоих, святе, дарования мне низпослав, и недугующее мое сердце гноем греховным молитвами твоими исцели, яко да слово пения от скверных устен моих ныне принесу ти и воспою болезни твоя, яже показал еси, священномучениче, покаянием добрым и блаженным и Богу приближающимся. Того бо удержан рукою, направился еси, яко по лествице, к Небесным, непрестанно моляся спасти души наша.

Песнь 7

Ирмос: Спасый во огни Авраамския Твоя отроки и, халдеи убив, яже правда праведно уловляше, препетый Господи, Боже отец наших, благословен еси.

Припев: Священномучениче Киприане и мученице Иустино, молите Бога о нас.

На священноначальство вшед, священнейший образ священноначальником себе и правило явил еси, взывая: препетый Господи, Боже отец наших, благословен еси.

Живоначальныя тебе десницы истинно изменение, отче, нашедшее, мудра тя сотвори Боговещателя, поюща: препетый Господи, Боже отец наших, благословен еси.

Слава Отцу, и Сыну, и Святому Духу.

Оружие непобедимое нам на противнаго, блаженне, ты явился еси, того обличая лести, поющим: препетый Господи, Боже отец наших, благословен еси.

И ныне и присно, и во веки веков. Аминь.

Небеснии лицы и Пренебеснии собори песнословят из Тебе, Богородице, Рожденнаго, зовуще: препетый Господи, Боже отец наших, благословен еси.

Песнь 8

Ирмос: Веселися, Иерусалиме, торжествуйте, любящии Сиона: царствуяй бо во веки, Господь Сил прииде. Да благоговеет вся земля от Лица Его и да вопиет: благословите, вся дела Господня, Господа.

Припев: Священномучениче Киприане и мученице Иустино, молите Бога о нас.

Премудро еллинския мудрости небрегл еси, славне, апостолов же Божественное вещание, Духом бряцаемо, отче, и огненными языки ясно изглашаемо, вопиял еси: благословите, вся дела Господня, Господа.

Востекл еси на высокая и премирная светло селения, Христу кровию, яко жертвою непорочною, приносим, отче, заколение живо, приятно и благоугодно, воспевая: благословите, вся дела Господня, Господа.

Слава Отцу, и Сыну, и Святому Духу.

Побеждаеми от в тебе всельшияся благодати, демонстии полцы отгоняются и отбегают страсти недугующих, Богомудре, вернии же Божественнаго света насыщаемся, вопиюще: благословите, вся дела Господня, Господа.

И ныне и присно, и во веки веков. Аминь.

Ликуют со Ангельскими, Пречистая, силами о Рождестве Твоем, Богомати, и Богородицу верою Тя именующии: Ты бо Владыку и Избавителя нам родила еси, Емуже поем: благословите, вся дела Господня, Господа.

Песнь 9

Ирмос: Ева убо недугом преслушания клятву вселила есть, Ты же, Дево Богородице, Прозябением чревоношения мирови благословение процвела еси, тем Тя вси величаем.

Припев: Священномучениче Киприане и мученице Иустино, молите Бога о нас.

Свыше нас, благочестно поющих тя, назираеши Божественною благодатию, твоими молитвами, Богоглагольниче, и оружием благоволения венчавая, мир и спасение даруй нам, яко священноначальник божественнейший.

Течение исцелений обильно персть твоя любящим тя воздает; тебе же, Киприане, жены Богоносны яко Божественно сокровище приемлют и усердно являют сокровеннаго, да вси тебе насладимся.

Слава Отцу, и Сыну, и Святому Духу.

Направити наше ко Христу, пребогате, шествие деянием, и Богоугодным житием, и чистейшим очищением сущо Божию тихость умоли, яко иерарх сострадательнейший.

И ныне и присно, и во веки веков. Аминь.

Укрепи нашу душевную немощь, Богомати, силою Твоею, разреши тяготу, Пресвятая, налагаемую рабом Твоим, миру правды Солнце несказанно возсиявшая.

Светилен:

В волхвах несосужденна и единаго пребольша, пременшаго нрав и попалившаго книги, наставляющия ко прелести, и свидетельства венец страннолепно приемшаго, Киприана похвалим, страдальцев зерцало.

Слава, и ныне: Древле божества надеждею прельстивый мя злокозненный, плотным предложением премудренно паки прельщается от Девы Возсиявшаго; и сице осуждение плотное плотию разрешися, смерти умертвившейся.

***

Молитва священномученику Киприану и мученице Иустине:

  • Молитва священномученику Киприану и мученице Иустине. Будучи колдуном, Киприан по заказу богатого юноши язычника, наводил чары на Иустину, чтобы склонить ее браку. Однако, видя тщетность попыток сломить ее, обратился в христианство, и сам принял мученическую кончину за Христа в сане епископа вместе со святой девою Иустиной. По молитвам святых Киприана и Иустины многие христиане избавились от лукавых духов, получили защиту от бесовских искушений, им молятся о вразумлении людей, занимающихся оккультизмом, магией, гаданиями и т.п.

Акафист священномученику Киприану:

Канон священномученику Киприану и мученице Иустине:

Житийная и научно-историческая литература о священномученике Киприане и мученице Иустине:

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2022

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru