Православные каноны
Канон священномученику Афиногену Пидахфойскому
Память: 16 / 29 июля
Священномученик Афиноген мужественно
пострадал с десятью своими учениками в Севастии в начале
IV века. Примечательно то, что святитель Афиноген пред
казнью перекрестил воспитанную им лань со словами: "Иди
с миром в пустыню. Бог веков да не предаст тебя и семени
твоего в сети ловцов, но да будет племя твое приводить
потомство свое на заклание в нашу память и во славу
Божию и в пищу тем, кто будет поминать нас". По слову
святого из пустыни ежегодно в день его смерти приходила
эта лань с молодым оленем. Во время чтения Евангелия она
входила в храм и, оставив там оленя, снова удалялась в
пустыню. Священномученик Афиноген почитался в народе как
покровитель скота. В день его памяти крестьяне приводили
к церкви домашний скот, где над ними читалось особое
последование для их умножения и здравия.
Глас 8
Песнь 1
Ирмос: Поим Господеви, проведшему люди
Своя сквозе Чермное море, яко Един славно прославися.
Припев: Святый священномучениче
Афиногене, моли Бога о нас.
С чинми Небесными ныне ликуя,
достославне святителю и мучениче, поющия тя верою
спасай.
Законы Владычними собор наставляемь
честный Христовых страдалец, беззаконных советы
разористе.
Слава Отцу, и Сыну, и Святому Духу.
Якоже непорочно заколение, весь сожегся,
Богоблаженне, огнем мук привелся еси к Богу веры ради.
И ныне и присно, и во веки веков. Аминь.
Богородичен: Плоть бывшаго от Твоих
кровей, Неискусобрачная, Превечное Слово паче ума же и
слова родила еси.
Песнь 3
Ирмос: Утверди наш ум и сердца, Небеса
словом утверждей, во еже пети и славити Тя во спасение
душ наших.
Припев: Святый священномучениче
Афиногене, моли Бога о нас.
Разорив вражия лютая коварства к Богу
неразоримою любовию, Афиноген, мученик и святитель, со
ученики славы сподобися.
Притупиша врагу стрелы и жала
терпеливным противлением Божественнии и озаряют всех
мысли светолучными своими сиянии.
Слава Отцу, и Сыну, и Святому Духу.
Простер, твердым ременем безумный
стружает нещадно, ураняя непрестанно, но не поколеба сих
помысла, еже паче слова твердость.
И ныне и присно, и во веки веков. Аминь.
Богородичен: Херувимов и Серафимов
превышши явилася еси, Богородице: Ты бо едина прияла еси
Невместимаго Бога в Твоем чреве, Нескверная. Темже Тя,
вернии вси, песньми, Чистая, ублажаем.
Седален, глас 4
Воздержанием первее предочистив душу,
страданием второе и совершенным умом Богу угодил еси,
святитель и мученик быв, Богоносе. Собор же привел еси
ученик Владыце, с нимиже о нас молися прилежно, славне.
Песнь 4
Ирмос: Услыших, Господи, смотрения
Твоего таинство, разумех дела Твоя и прославих Твое
Божество.
Припев: Святый священномучениче
Афиногене, моли Бога о нас.
Ума всякаго превышши Божественными
мечтаеми восхождении, плотских не убояшася горьких ран,
Богомудрии.
Христопроповедник Богоприятен и
священномученик непорочен быв, сподобися Афиноген
Божественныя благодати.
Слава Отцу, и Сыну, и Святому Духу.
Витийствующе мученицы воплощение Слова,
претерпесте раны и смерть, к безсмертию прешедше.
И ныне и присно, и во веки веков. Аминь.
Богородичен: Равносильна, сопрестольна
Родителю, Пресущнаго воплотила еси, Пренепорочная,
земным за милосердие приобщившагося.
Песнь 5
Ирмос: Утренююще, вопием Ти: Господи,
спаси ны, Ты бо еси Бог наш, разве Тебе, иного не вемы.
Припев: Святый священномучениче
Афиногене, моли Бога о нас.
Заградив безстрастием мудрование плоти
твоея, страсть изобразил еси Безстрастнаго, досточудне.
Божественными предповелении приведе
Владыце учеников лик Афиноген славный.
Слава Отцу, и Сыну, и Святому Духу.
Светлу сотвори память твою, мучениче,
Светодавец, исполняя прошения твоя к тем, иже верою тебе
притекающим.
И ныне и присно, и во веки веков. Аминь.
Богородичен: Матерь и Деву ведуще Тя,
Пресвятая, согласно почитаем и благочестно ублажаем.
Песнь 6
Ирмос: Очисти мя, Спасе, многа бо
беззакония моя, и из глубины зол возведи, молюся, к Тебе
бо возопих, и услыши мя, Боже спасения моего.
Припев: Святый священномучениче
Афиногене, моли Бога о нас.
Благозвание мученическое Афиноген
получи, и с ним учеников лик венчася, постився первее и
демонския побеждь козни.
Светлу содевает твою честную память
Владыка Христос, исполняя твоя яже к Нему моления,
блаженне: се бо елень свое тебе исчадие приводит
Божественным мановением.
Слава Отцу, и Сыну, и Святому Духу.
Рай мысленный явился еси, достославне,
иже древо жизни посреди имея, и Божественных цветов
благовонием вся благоухаеши ясне.
И ныне и присно, и во веки веков. Аминь.
Богородичен: Яко мысленный ковчег,
Законодавца носила еси, яко свещник светозарен, Свет
породила еси, яко корень ненапоен, жизни грозд,
Богородице, прозябла еси.
Кондак, глас 4
Владычню речению последовав, яко пастырь
изрядный душу твою положил еси за Христовы овцы,
священномучениче Афиногене, сего ради восхваляем тя и с
тобою десятину ученик твоих, иже пострадаша, страхом
Божиим и твоим учением наставляеми. Тем угодивших
Владыка венча вас живоначальною десницею, Егоже о всех
нас молите.
Песнь 7
Ирмос: Халдейская пещь, огнем
распалаемая, орошашеся Духом, Божиим предстоянием,
отроцы пояху: благословен еси, Боже отец наших.
Припев: Святый священномучениче
Афиногене, моли Бога о нас.
Токами кровей твоих прелести угасив
пламень, огнем подвиг твоих попалил еси вещь злобы,
блаженне, благословен,- вопия,- Бог отец наших.
Плоти взыграния воздержания болезньми и
прелести служения кровными тучами потребльше, мученицы,
яко воини Христовы, да восхвалятся.
Слава Отцу, и Сыну, и Святому Духу.
Глав отсечением беззаконных повелением,
и плоти строганием, и многообразными муками, яко столпи
непреклонни, не поколебастеся, преподобномученицы.
И ныне и присно, и во веки веков. Аминь.
Богородичен: Избавльшеся, Пренепорочная,
Тебе ради перваго прародительнаго падения, Радуйся, Тебе
вопием и верою славим Тобою нас от тли Избавльшаго.
Песнь 8
Ирмос: Богоглаголивии отроцы, в пещи со
огнем пламень попирающе, пояху: благословите, дела
Господня, Господа.
Припев: Святый священномучениче
Афиногене, моли Бога о нас.
Взирая к Божественным светозарением,
идольския лести Афиноген разори глубокую тьму, и свет
был есть.
Ангельский лик и мученик, святителей и
преподобных в памяти веселятся честных страстотерпец,
славяще Господа.
Слава Отцу, и Сыну, и Святому Духу.
Причелся еси мученическим стадом со
ученики десятьми, на мучение идый, святителю, с нимиже
тя верно ублажаем.
И ныне и присно, и во веки веков. Аминь.
Богородичен: Егоже породила еси Слова
паче слова, Богородительнице Марие, о нас моли, верно Тя
поющих и ублажающих, Пречистая.
Песнь 9
Ирмос: Проявленное на горе
законоположнику во огни и купине Рождество Приснодевы в
наше, верных, спасение песньми немолчными величаем.
Припев: Святый священномучениче
Афиногене, моли Бога о нас.
Се светозарный день днесь мученик,
облистающ благодатию и Божественными светлостьми озаряют
верных сердца, приидите, просвещение почерпем.
Якоже приношения чистая и непорочнии
агнцы, приведостеся, мученицы, нас ради Заклавшемуся, от
Него венцы победы, яко от Подвигоположника, приемше.
Слава Отцу, и Сыну, и Святому Духу.
Каплют сладость твоя, страдальче,
болезни и горесть всяку страстей отгонят, верою храму
твоему притекающим и память твою празднующим
спасительную.
И ныне и присно, и во веки веков. Аминь.
Богородичен: Носиши на руку Бога,
носящаго всяческая, питаеши Питателя, Чистая, нам
уподобльшася, Егоже моли людем Твоим даровати всех лютых
избавление.
***
Молитва священномученику Афиногену Пидахфойскому:
-
Молитва священномученику Афиногену Пидахфойскому.
Священномученик Афиноген мужественно пострадал с
десятью своими учениками в Севастии в начале IV
века. Примечательно то, что святитель Афиноген пред
казнью перекрестил воспитанную им лань со словами:
"Иди с миром в пустыню. Бог веков да не предаст тебя
и семени твоего в сети ловцов, но да будет племя
твое приводить потомство свое на заклание в нашу
память и во славу Божию и в пищу тем, кто будет
поминать нас". По слову святого из пустыни ежегодно
в день его смерти приходила эта лань с молодым
оленем. Во время чтения Евангелия она входила в храм
и, оставив там оленя, снова удалялась в пустыню.
Священномученик Афиноген почитался в народе как
покровитель скота. В день его памяти крестьяне
приводили к церкви домашний скот, где над ними
читалось особое последование для их умножения и здравия.
Акафист священномученику Афиногену Пидахфойскому:
- Акафист священномученику Афиногену Пидахфойскому
Канон священномученику Афиногену Пидахфойскому:
Житийная и научно-историческая литература о священномученике Афиногене Пидахфойском:
|
