|
|
Разделы • Вопросы • На злобу • Библиотека • Поиск |
Православные акафисты / Акафист всем Святым |
Православные акафистыАкафист четвертый всем СвятымПамять: первое воскресение после ПятидесятницыВ "Откровении Иоанна Богослова" описывается, что Собор всех святых означает поклонение всех без исключения святых (без учета фактической канонизации) Агнцу Божьему. После этого произойдет снятие седьмой печати. Таким образом, Неделя всех святых является христианским праздников, в который Церковь почитает всех известных и неизвестных праведников. Православная Церковь почитает всех святых в первое воскресенье после Пятидесятницы, то есть это переходящий праздник, приходящийся на конец восьмой недели после празднования Пасхи. История праздника и иконы Собора всех святых уходит корнями в IV - V века, и связывается с именем Иоанна Златоуста и Ефрема Сирина. В частности, святой Иоанн Златоуст рассказывал о празднике в своих проповедях, указывая точную дату празднования, совпадающую с настоящей. Что касается святого Ефрема Сирина, то он указывал на праздник в своих песнопениях, называя дату 13 мая. Многие другие источники также указывают на то, что праздник всех святых празднуется в первую неделю по Пятидесятнице. Православные богословы указывают на то, что все святые хоть и жили в разное время, и прославились разными подвигами, но вся их благодать изливается на Православную Церковь именно в этот период. День всех святых считается пограничным годовом кругу богослужений. В частности, в этот день оканчивается период песнопений Цветной Триоди, с переходом на период Октоиха. В день после праздника начинается Петров пост. Что касается иконы "Собор всех святых", то она рассказывает нам о дне Страшного суда, изображая всех праведников, торжествующих в Раю. Многие иконописцы посредством данной иконы попытались изобразить свое видение Неба. Причем самым ранним образом является икона XX века, на которой изображены ангелы и святые, поклоняющиеся Иисусу Христу, восседающему в центре. Святые, как правило, коленопреклонны, протягивают венцы в сторону Иисуса Христа. Очень часто возле Сына Божьего на иконе изображаются Иоанн Креститель и Дева Мария, которые находятся в одной сфере с Иисусом Христом. Существует также вторая сфера, где располагается хор святых, расставленных по ликам святости. Иногда можно увидеть святых, которые изображены в отдельных арочных проемах, а также фигуры пророков Иезекииля, Исайи, Даниила и Соломона.
Икона Всех Святых от века Богу угодивших. Греческая икона, 1600 год.Кондак 1Всем Святым, иже от века Богови благоугодивших, в концех Земля, паче Солнца провсиявшим, пение недостойныи приношю, яко имуще убо дръзновение к Христу, от враг видимых мя и неведимых избавите, да верою вьпию вы: Радуйтеся раистиии жителе. Икос 1Ангел предстатель и страшьнаго царьскаго престола превысокаго приидоша ныне в память святых вселенную уяснити и просветити верныя вставляющи к торжеству похваленья достойно тем пети таковая: Радуйтеся, иже преже закона и по законе Богу угождешии Патриарси вси Праведнии. Радуйтеся вси, иже от века Святии, с Предтечею новыя благодати проповедателем. Радуйтеся богогласнии Пророци Божияго Пришествия провозвестителье. Радуйтеся Святым Духом предувидевше Божия Слова от Девы воплощение. Радуйтеся Богоноснии Апостоли, самовидци и служителие Божия Слова. Радуйтеся Божествении ученици Спаситлье человеком. Радуйтеся Мученици Христове Спасене и Страсти ревнителье. Радуйтеся Господеви жертвы непорочныи себе принесше. Радуйтеся Священноначальници, Божествении Спаситлье. Радуйтеся, Пастырье словесных овец Небесныя ограды. Радуйтеся, Преподобнии, Праведнии, ангелом единосжителье. Радуйтеся вси Святии всемирныи светильници. Радуйтеся Святии раистии жителе. Кондак 2Владычней вольней Страсти подобящеся Святии на подвигы телеса своя предавше прозряще горьняго Иерусалима божественное с ангелы вселенье и сладкаго раи присносущьное наслаждение еже и получивше вопиюще Аллилуия. Икос 2Разумно проразсудивше святи, тленная скоропроходящая презревше, яко не суща и мнозими страстьми и труды подвизавшеся от земля прешедше ко Царю Вечьному, почести велики приимьше веньца, киим же въпием сице: Радуйтеся таиници ученици Христови Апостоли славьнии. Радуйтеся остависте тлеющая и Владыце последовасте. Радуйтеся личе Святыи Пророческыи Божественых даров обогатителье. Радуйтеся провозгласителье Божия Сына пришествие. Радуйтеся страстотерьпьци, страдании ваших светлостьми всю просветливше подъсолнечную. Радуйтеся обагривше своя багряница от своих кровей и Царю Силам предстаста. Радуйтеся Святителье священныи, служителье Божествении. Радуйтеся ерарьсии премудрии и добре упасше Христово стадо. Радуйтеся преподобниих собори любьве ради Зиждителя земная преобидоша. Радуйтеся блажении небесных благ вечьных всеприятелье. Радуйтеся вси преподобнии и святых жен съсловие. Радуйтеся вси святии и спричастници пророческыя светлость. Радуйтеся святии раистии жителе. Кондак 3Светила светла светозарьная в мире явльшеся святии, якоже насвещнице положении честных добродетелеи множество святых досточюднее Апостол, и Пророк, и Мученик ликове преподобных праведных Божественых жен благочестивых всех воставляющи пети Аллилуия. Икос 3И Едеме веселися и прекрасный
радуйся раю, приими своих жетелей, створенъ быв
первых ради житель бо и Творец и Владыка в веде я в
свет твой неисповедимый, сего ради в память тацех ти
гражан дары те приносим таковыя: Радуйтеся Божии провозвестници со ангелы в купе водворяющеся. Радуйся Апостолский личе, мрежьци языком и человеком ловци. Радуйтеся учении своими мрежами вся конца уловльше. Радуйтеся мученици адаманти душею, различьныя мукы подимше за Истинны Животъ. Радуйтеся странии ради венца почести приимше от Небеснаго Владыки. Радуйтеся Архиереи служителье Страшнаго Божия Таинства. Радуйтеся Божии Ерарси блажении учителье наставници заблуждешим. Радуйтеся отци преподобнии въздержаньем умертвисте страсти плоти. Радуйтеся ум свой вперивше Божественым желанием, и на Небеса вшедше. Радуйтеся постници и вси праведни трудившеся и подвизавшеся в всяком месте и стране. Радуйтеся новоявльшеся исцелении даром обогащашемся мужь святых Христовых повелений. Радуйтеся святии раистеи жителье. Кондак 4Добротою прекрасный Жениих Небесный Своей любезней Царьский красный садове подал еси множество Святых взращении труди подвигы и страстотрьпческыми кровьми оросении и слезами преподобническыми напоени приводящи к Ьожественой жизни верою зовущих Аллилуия. Икос 4Песньми яко цветы исплетше принесем благодаренья Божественныя венца к торъжеству Святых благоухают бо, яко мирови кровьми страдальческыми и постническыми труды друзи, иже проповедми и ученми тем радостныя грасы рцем: Радуйтеся страстотрьпци Небеснаго винограда красныи плод. Радуйтеся цвети раистии не уведающии. Радуйтеся Боговидци Апостоли, свидетелеи проповедьници Слова Божия. Радуйтеся причастници Небесныя Божественыя светлости. Радуйтеся Пророци с суди Богопотребнии навосприятие Святаго Духа. Радуйтеся вместилише себе сотворьшеи Святому Духу. Радуйтеся Священноерарси премудии в чертозе светле радующеся. Радуйтеся Священноучителье венцем почести украсистеся. Радуйтеся Преподобнии, Праведнии, яко кедри умножистеся исправлении. Радуйтеся крини прекраснии в юдолех райскых красне процветше. Радуйтеся Святии древеса Божественая осеняюще верныя. Радуйтеся светильници пресветли просветивше вселенную. Радуйтеся святии раистии жителье. Кондак 5От буря житийския прешедше святии к отишью Небесному на местех злачнех почивающе идеже потоци пища пенья и гласи празднующех светове Божествении Присносущаго Света почестьми венци увязении в белах одежах ходяще наслажающися пищи сладьчайшаго рая поющих Аллилуия. Икос 5Услышим Павла Церковнаго ветию Ангелом равностоятеля чистоты ради умныя, Третьяго Небеси достигшаго и тамо Небесных таин огласившеся являюще рече яже, око не виде и ухо не слыша, яже уготова Бог Святым Его, к нимже рцем сице: Радуйтеся Апостоли Боговидьци силою Святаго Духа прельсти многобожии упразниша. Радуйтеся Утешителеву Силу приимше в огненных языцех. Радуйтеся пророци Богогласныя трубы возгласивше Божия вещанья. Радуйтеся цевнице Духовныя Богогласяще таинъства Божия. Радуйтеся страстотрьпци вечныя ради жизни за всех Живота себе предавше. Радуйтеся Божие благоуханье, прелести бо злосмрада прогнасте. Радуйтеся священноучителье светли, недремлющеи стражье Божия Церкви. Радуйтеся блазии пастирье Христовых овць за них же душа своя положисте. Радуйтеся преподобнии и праведнии в пощении и во бьдении просиясте. Радуйтеся финииски в дворех святых красне процветше. Радуйтеся Святии общии молитвеници о нас к Христу, заступници мои избавительи. Радуйтеся с помощьници покоянью моему и о спасении душа моея праведнаго Судию умолителье. Радуйтеся Святии раистии жителье. Читайте также:
***Кондак 6Христови сраспенше себе Святии земьную славу презревше и любомудроствовавше Небеснаа сладъкаго Владыку желающе со Ангелы срести во скорбная века сего себе предавше за Божественое наслажение и отечество получивше, горнюю митрополью, гражане и сплеменьници ангели поюще вкупе Троице песнь Аллилуия. Икос 6Воздвижющеся к любомудрию Святых житья ревностью тех присно призовем на помощь, ибо по Бозе спасителье нам, яко имуще дръзновение предстояще у Страшнаго Престола Владычня, сияньем Троичьскыим просвещаеми, сего ради вопием к ним таковая: Радуйтеся пророци Божествении Апостольская самовидци слугы Божия Слова. Радуйтеся Божествении пречестни храми в них же почила еси Святая Троица. Радуйтеся страстотрьпци деръзновенно Имя Христово исповедавше пред мучители. Радуйтеся священномученици сугубы венца от Христа приимше. Радуйтеся священейша Божественыи Святителье Апостольскых престол наместници. Радуйтеся Священнопастырье Православныя Веры правителье Апостолом спрестольници. Радуйтеся Преподобни и Праведнии своими подвигы Христа възвеличившее. Радуйтеся постници трудов своих подвиг мзду восприимши. Радуйтеся Священных жен пречестный сборе, мученици преподобныя. Радуйтеся Святыя девы мученици радостно в чертогъ Божественыи внидосте. Радуйтеся Святии общии молебници о нас к Христу, заступници мои и избавителье. Радуйтеся общии помощьници покоянью моему о спасении душа моея, праведнаго Судью молитьеле. Радуйтеся Святии раистии жителье. Кондак 7Яко раи насаженныя вися посреди Церкви множество Святых Древо Жизни имуще Господа, от Него же вкусивше вся, яже на Земли тленная скорогыбнущая красная в мире призревше, Тому от душа любовью последоваста радостно в прекрасный град вшедша, поюще Аллилуия. Икос 7Иже от конец Земля даждь до конца повсюду провосиявшимь Святых во Божественых подъвизех, в страстотрьпьческих страданиих, и в постническых трудех, мужь духовных, и жен Божественых, и дев святых, благодарьственныя глаголы рцем тем вопиюще сице: Радуйтеся Пророци Богозрачьныи по прореченью ваю Господь на Земли от Девы явися. Радуйтеся Богозрителье прореченья ваша делом свершишася. Радуйтеся Апостоли Всеславнии благовестовавше Господне Евангелие миру. Радуйтеся противу трудом мзду приемше Евангельскыя ради проповеди. Радуйтеся Священнопастырье, добре упасше словесное стадо, на пажитех злаконоснех. Радуйтеся Ерарси жезлом наказания в ограду Небесную наставльше словесная овца. Радуйтеся священнострадальци Мученици достойно приемшеи венца от Бога. Радуйтеся и верных основанье и Божественыя радости исполнителье. Радуйтеся Преподобнии вси Праведнии горьняго Иерусалима граждане приимше венца Небеснаго. Радуйтеся, яже к веселью и к радости, к неизреченному Свету всельшеся. Радуйтеся Святии, общии молитвеници о нас к Христу и заступници мои и покровителе. Радуйтеся общии спомагателье покоянья моего и о спасении моем праведнаго Судию и умолителье. Радуйтеся святии раистии жителье. Кондак 8Солнца праведнаго луча просветивше четвероконечьныи мир, добродетелеи светлостьми, святых тмочисленых множество, неисчетное створьших дела Свету и ко светлости превьселившеся Божествна горая, в радости тамо ходяще белыми украшении одеждами поюще Аллилуия. Икос 8Евангельскому реченью последствующе вы братиями есте и друзи, и еже, аще кто слово Мое съблюдеть рекша Христа, како убо можем ублажити вас Святии, наречени бо Гласом друзи и братье Тому сутъ, но абие сердечною любовью привлачими от усердья и веры еже въпию к вам: Радуйтеся Апостоли Боговидци ближьнии друзи Божию Слову, в всем Тому последствовавше Ему. Радуйтеся искрении друзи Господу и братье всех Его повелений исполнителье. Радуйтеся славнии Пророци Божествении аргании, ударяеми Духа бряцалом. Радуйтеся Духом движимии цевници огласивши будущая. Радуйтеся мученици красотою разричьных ран черьвленица себе украсивша. Радуйтеся победительныя венца от Живоначальныя десница приимше. Радуйтеся Священномученици и Ерарси блажении, оросении Богодухновении облаци. Радуйтеся Священноучителье одождяюще верныя Божествеными ученми каплями. Радуйтеся Преподобньи Праведнии и постьници сокрушивше главу злоначальнаго змия. Радуйтеся жен Святых Божественая чета, низложивше силу велехвальнаго злоначалнаго змия. Радуйтеся Святии общии молебници о нас к Богу заступници мои избавители. Радуйтеся общии спомогателие покоянью моему и о спасении моем праведнаго Судьи умолителье. Радуйтеся святии раистии жителье. Кондак 9Вся красная миру отринувше тленных приходящих небрегоша Святии и к самем, к премирным на Небесех блаженьство достигше Отчество наследствоваша, матере перьвенець вышний Иерусалим сладкаго краснаго причастия честне наслаждающеся, радостно поюще Аллилуия. Икос 9Глаголы съставными песней святых всех почтем пречюдное множество, похваляюще тех труды и болезни мученик страданья, Апостол, Пророк проповеди, Священноерарх ученья, Преподобных и Праведных священныя о Дусе подвигы, пощенья и бденья взываем к ним тако: Радуйтеся Апостоли Самовидьци радости Божественныя Христова Воскресения. Радуйтеся ученци Слова, зрителье Божественьго Славнаго Того Вознесенья. Радуйтеся Пророци, невещественною зарею Святыя Троица просвещаеми. Радуйтеся ныне вышних всельшеся близ Света Трисияннаго. Радуйтеся Мученици земнаго сана пояс отрешившеся и Небесному Царю в славе предстояще. Радуйтеся земное воньство от връгьше и Церькви силам ввоинившеся. Радуйтеся Священносвятителье блазии, раби добрии вонограда Христова делателье. Радуйтеся Ерарси сердець нашь запустевшую землю Евангельскым ралом возделасте. Радуйтеся Преподобнии, Праведнии постническы житье свое препроводивше. Радуйтеся постници пищею разумною ныне в вышниих питающеся. Радуйтеся Святии вси общии молитвеници от нас к Христу и помощници мои избавители. Радуйтеся спомогателье покоянью моему и о спасении душа моея праведного Судью умолителе. Радуйтеся святии раистии жителье. Кондак 10В солнечных лучь светлейши облиста память всех Свытых Патриарх и Пророк, Апостол и Мученик и Священноучителье Иерарх и Преподобных и Праведных, и Святых Мучениць и Преподобных жен, и всех иже от века Праведных озаряюще душа Божественою благодатью и просвещают сердца вопиющих Аллилуия. Икос 10Стена еси человеко Святии, верою к вам приющим, и молитвеници к Христу, тем же днесь свершаем ваше празднество, проповедаем доблести, страданья и труды ваша, бденья и Божественая боренья, имже ниизложисте многокозненаго, и вопием вы сице: Радуйтеся, Пророци богогласнии, сбытьем проповеданий ваших Царьскии украсившеся. Радуйтеся, Богозрителье, образ благочестья бывше Христови Церкви. Радуйтеся, премудрии ловци, вселенную всю обьемше Евангельскою мрежею. Радуйтеся Церковную мреждю полну к Христу Евангелием привлекосте. Радуйтеся Страстотрьпци, своею кровью в вышьнии град внидосте. Радуйтеся победе прекрасны веньца от Небеснаго Царя венчавшеся. Радуйтеся Священноучителье, реки Богомысленныя исходящая от Божияго Рая. Радуйтеся, спасителнаго учения Мир напоивше Иерарси Богомудрии. Радуйтеся Преподобьнии Праведнии, земное мудрованье Божественному Духу повинусте. Радуйтеся сущих приходящих преобидевше на Небесех славно ликующе. Радуйтеся Святии Троицие предстоятели и о нас общии молитвенници. Радуйтеся общии помощници покоянью моему и о спасении моем праведнаго Судью умолителе. Радуйтеся Святии раистии жителье. Кондак 11Присно животныя плоды Святии Богорасных древеса Едемьскаго раия, имже насадитель Небесныи, хитрець хотяще насладитися сладких тех плодов, маловремяных отступим, и подщимься добродетельми внити и сих плодов вкусити нетленныя присноживотныя пища, вопиющих Аллилуия. Икос 11Светозарная светила повселенней всюду восиявьших зрим Святыя, с невещественым во Вышних, предстояще Престолу Владычню, радости неисповедимыя, исполнении славы и Божествеными лучами и Трисолнечнаго Света осияеми вопиющих таковая: Радуйтеся Боговидци Апостоли, научивьше конца покаятися с Отцем Сыну и Святому Духу. Радуйтеся Богомудрии, изведше языки от тмы прелести к Свету Боговиденья. Радуйтеся Пророци честнии, высокогласнии аргани Святаго Духа, взъгласивше будущих зрение. Радуйтеся высокопарящии орлие, издалече прозревше Божия Таинства. Радуйтеся Мученици, вместо копья, Крест Господень приимше вражья полкы спрободьше. Радуйтеся прелестная требища разористе и Богу Единому служити возлюбисте. Радуйтеся Святители Божествении, ученици и Евангальскыми верных душа усладисте. Радуйтеся Иерарси премудрии и светильници миру наставници заблужбшим. Радуйтеся Преподобнии Праведнии душевныя сердца плод слезными источьникы напоисте. Радуйтеся постьници добродетелей семя взрастисте и во сто труды расплодисте. Радуйтеся Святии вси общии о нас к Господу молитвеници заступници мои и хранителье. Радуйтеся общии спомогателье покаянию моему и о спасении моем праведнаго Судью умолителе. Радуйтеся Святии раистии жителье. Кондак 12Благодатью Святаго Духа Божественая Церкви просвещьщися Пророк проповедьми, Апостол и Святителей Евангельскыми ученми и яко червленицею и виссом украсившися Страстотрьпческыми кровьми и Преподобничеми подвигы и Христа славят от Девы пришедшаго поюще Аллилуия. Икос 12Поюще тя Владыко, славим, яко явил еси преславныя Святыя Твоя в коньцех вселенныя в всяком месте и странах тех Пресвятым Духом освяти в Христе и нас тех молитвами от злодейств вражьих избави и от грех прости, освяти и просвети и научи пети сице: Радуйтеся Пророци, Патриарси, Светлости душа просвещании. Радуйтеся Богогласни зельцала Божия бо зрительных словес, явленье приимьши. Радуйтеся Боговидци Апостоли, ясноязи вселенныя, Святым Духом поставленныя Божественую проповедь. Радуйтеся Господемь хотяще сести на двоюнадесяти престолех судяще обеманадесяти коленома Израилевыма. Радуйтеся Страстотерьпци и бесом погубителье, и кумиром протребителье. Радуйтеся Священномученици и прелести обличителье, и православью проповедници. Радуйтеся Священоучителье, таибници, Пресвятыя Троици служителье. Радуйтеся Ерарси священии животыя обители в нихже почила есть Святая Троица. Радуйтеся Преподобнии и вси Праведнии, и красила миру отвръгьше, и в вышних Сион всельшися. Радуйтеся Святых жен, Мучениц и Преподобных дев Священноличе радостно в Небесном невестнице всельшися. Радуйтеся вси Святии о нас молитвеници к Христу и помощници мои, заступьници. Радуйтеся общии спомогателье моему покоянью и о спасении душа моея праведнаго Судью умолителье. Радуйтеся Святии раистии жителье. Кондак 13Святии Апостоли и Пророци, и Патриарси, и Преподобномученици, мученици, Святителье, и Священномученици, и Ерарси, Преподобнии и Правнии, и Святы Мученици и Преподобьныя жены, и вси, иже от века Святии приимите сие приношение и от всех злъ измете и вечнаго извите мученья, Христу въпиюще Аллилуия. Сей Кондак читается трижды, затем Икос 1 и Кондак 1. ***Читайте также:
Читать другие акафисты раздела "Православные акафисты" |
Разделы проекта: |
|
© Миссионерско-апологетический проект "К Истине", 2004 - 2024 При использовании наших оригинальных материалов просим указывать ссылку: |
|
|