Молитвы святым
Все молитвы святителю Афанасию Третьему Константинопольскому
Память: 2 / 15 мая, вторая неделя (воскресенье) по
Пятидесятнице (Собор Афонских преподобных)
Высокообразованный человек и талантливый
проповедник, столп Православия, святитель Афанасий
Константинопольский выдержал немало клеветы и гонений от
турок и католиков за верность Церкви. После смерти
Господь прославил этого патриарха-исповедника
многочисленными исцелениями от его нетленных мощей. Его
просят о крепости вере, помощи в гонениях, нужде и
болезнях.
Святитель Афанасий Третий
Константинопольский. Икона, 1654 год
Тропарь святителю Афанасию Третьему Константинопольскому, глас 8
Премудростию учений твоих царствующий
град просветив, тьму неведения еретического разгнал еси,
преблаженне; твое благословение земли Российстей принесл
еси, отче наш, святителю Афанасие, идеже скончав течение
твое, на крилех чистоты возлетел еси в Небесное Царство.
Моли Христа Бога непрестанно о душах наших.
Кондак святителю Афанасию Третьему Константинопольскому, глас 8
О, всесвятейший пастырю и учителю
вселенныя, преблаженне отче наш святителю Афанасие! К
раце мощей твоих припадающе, усердно молим тя: приими от
убогих душ наших любовию приносимая тебе моления и, яко
имея дерзновение у Престола Владычня, испроси молитвами
твоими чтущим тя со Ангелы и всеми святыми непрестанно
Пресвятей Троице воспевати: аллилуия.
Молитва первая святителю Афанасию Третьему
Константинопольскому
Святителю Христов, угодниче Божий
Афанасие! Велением Божиим жребий служения святительскаго
восприим и крест Христов на рамена своя возложив, был
еси пастырь добрый, светильник всесветлый, столп
непоколебимый, Церкве служитель верный, иерархов
начальник,Православия защитник, нечестия искоренитель,
сего ради и водворился еси в дому Господа твоего.
Тебе убо просим: молися о нас, с верою и
любовию притекающих к честным и многоцелебным мощем
твоим, не отрини просящих у тебе помощи в скорбех и
болезнех. Молитвою твоею предстани ко Всевышнему
Владыце, исходатайствуй яже на пользу душ и телес наших
и отверзи нам двери милосердия Божия. Ходатайством твоим
сохрани Церковь Святую тверду и непоколебиму от навет
вражиих.
Моли Господа и Владыку, да тихое и
безмолвное житие поживем во всяком благочестии и
чистоте. Соблюди храм сей, в немже вселился еси, от
всяких бед и напастей и от всех враг видимых и
невидимых, и, якоже в жизни критския люди от
неправеднаго агарянскаго убиения избавил еси, тако и
ныне на Небесех непрестанно молися ко Господу избавитися
нам от всякаго злаго обстояния.
Подаждь руку помощи и всем православным
христианам, притекающим к честным и нетленным мощем
твоим и в молитвах своих тя призывающим.
Ускори на молитву и потщися на помощь,
имиже веси судьбами, да вси, бесприкладное Божие
милосердие видяще и чаемую помощь получивше, славят
подавшаго тебе силу и славу Отца и Сына и Святаго Духа,
во Единем Существе славимаго Бога, ныне, и присно, и во
веки веков. Аминь.
Молитва вторая святителю Афанасию Третьему
Константинопольскому
Великий и дивный святителю Христов
Афанасие Богомудре, светильниче Церкве вселенския,
Лубенский и всея России чудотворче и покровителю! Ты, от
юности вся житейская оставль, к Богу любовию и духовным
благоразумием наставляемь, увещевал еси вся человеки,
глаголя: что нам богатство, что нам злато, слава и
могутство? - дымове, расходящийся по воздуху: вся та
исчезнут, вся та понесет ветр! Многорачительно же в
будущем веце да будет нам богатство. Тако поучая, сам
щедр, благосерд, кроток, смирен и всем благоприступен
был еси.
Темже и во успении твоем Всеблагий
Господь тмочисленными чудесы озари и прослави нетленныя
мощи твоя. Имея убо ко Господу дерзновение, заступи и
спаси твоим ходатайством всю хранимую тобою землю нашу и
град сей, в немже святыми мощами твоими почивати
благоизволил еси. Моли Христа Бога, да отпустятся всем
нам согрешения наша вольная и невольная, да избавимся от
всех враг видимых и невидимых, от всяких бед и скорбей и
всяких недугов.
Моли, да милостив будет всем нам
Господь, и зде, и в будущем веце, и преставлыпияся от
нас отцы и братию, матери и сестры и чада наша, в лики
святых вчинив, в месте светле упокоит, да, предстояще и
поклоняющеся раце мощей твоих, имамы тя неусыпающаго
молитвенника и предстателя о нас ко Господу и благодарно
с любовию величаем прославлыпаго и послушающаго тя, в
Троице славимаго Бога, Отца и Сына и Святаго Духа, ныне,
и присно, и во веки веков. Аминь.
***
Акафист святителю Афанасию Третьему Константинопольскому:
Житийная и научно-историческая литература о святителе Афанасии
Третьему Константинопольскому:
|
