Молитвы святым
Все молитвы преподобному Гавриилу Афонскому
Память: 19 октября / 1 ноября
Преподобный Гавриил Афонский, родился в
России, подвизался во второй половине
XIX века на Афоне. Аскет и талантливый церковный
управленец, храмоздатель, исполнявший в свое время
послушания казначея, эконома. Стал архимандритом и
настоятелем Ильинского скита на Афоне. От его мощей,
находящихся сейчас в Одессе, исцеляются тяжелобольные
люди и бесноватые. К нему обращаются за молитвенной
помощью при храмостроительстве, поиске средств и
благотворителей, получения дара управления, при
различных заболеваниях и особенно опорно-двигательного
аппарата.
***
Тропарь преподобному Гавриилу Афонскому, глас 6
От суетнаго и многомятежнаго мира
удалився, к немерцающему свету горы Афонския притекл
еси, чистотою и говением, молитвами и трудом прославил
еси Бога, храмы православныя во славу Трисвятаго имене
Его воздвигл еси, преблаженне Гаврииле, мы же святых
мощей твоих обретение празднующе, с верою и любовию
взываем: моли Христа Бога, да сотворит нас победители
греха и храмы Духа Святаго.
Молитва преподобному Гавриилу Афонскому
О, преподобне и богоносне отче наш
Гаврииле, угодниче Христов, теплый о нас молитвенниче и
скорый помощниче! Се ныне мы, грешнии и недостойнии, с
благоговением притекающе к раце мощей твоих, усердно
молим тя: яко имеяй дерзновение ко Христу Богу, потщися
богоприятным твоим ходатайством испросити у Господа сил,
яко да пробавит великия и богатыя милости Своя на нас
грешных, да подаст нам дух правыя веры, дух ведения и
любве, дух мира и радости о Дусе Святе. Моли, отче
священне, милосерднаго Бога, да возсияет свет благодати
Его сущим во тьме лжеверия, и да познают Христа, Бога
истиннаго, да возсияет свет сей блуждающим на распутиях
раскола, да вразумятся и приидут во ограду Православныя
Церкве, в нейже единой несомненно содевается вечное
спасение верных. Помози нам, угодниче Божий, да призовет
Господь народ наш к великому покаянию и плачу о гресех
отечества нашего, да не погибнем со беззаконии нашими,
да утолит шатания и раздоры в земле нашей, оградит нас
от гнева, убийства, вражды и злобы, да паки возлюбим
друг друга и едино пребудем в Господе и Спасителе нашем,
Емуже подобает всякая слава, честь и поклонение, со
Безначальным его Отцем, и Пресвятым и Благим и
Животворящим Его Духом, ныне и присно и во веки веков.
Аминь.
***
Акафист преподобному Гавриилу Афонскому:
Канон преподобному Гавриилу Афонскому:
- Канон преподобному Гавриилу Афонскому
Житийная и научно-историческая литература о преподобном Гаврииле Афонском:
|
