Молитвы святым
Все молитвы священномученику Антипе епископу Пергамскому
Память: 11 апреля / 24 апреля
Принял мученическую смерть одним из
первых в гонение императора Домициана. О святителе
Антипе, епископе Пергамском, упоминает в Апокалипсисе
апостол Иоанн Богослов (Откр. 2:13). Гробница
священномученика стала источником чудес и исцелений от
различных болезней. При этом народом примечено, что
молитвы к
священномученику Антипе особенно помогают при сильных зубных болях.
***
Тропарь священномученику Антипу Пергамскому, глас 4
Идольския лести упразднил еси, Антипо,
и, диавольскую поправ силу, пред богоборцы дерзновенно
Христа исповедал еси. Темже со Ангельскими чины в Вышних
водворяяся, Владыце всех славословие принося, и о нас
молебное благодарение предлагаеши, благодать цельбы
даруя. Сего ради тя чтим, священномучениче Антипо, моли
Христа Бога, да спасет души наша.
Кондак священномученику Антипу Пергамскому, глас 4
Апостолов сопрестольник и святителей
украшение был еси, блаженне, мученически прославився,
возсиял еси, якоже солнце, всех просвещая, Антипо
священне, разрушил еси безбожия нощь глубокую. Сего ради
тя почитаем, яко Божественнаго суща священомученика и
целеб подателя.
Молитва священномученику Антипу Пергамскому
Архиерею Божий, свяшенномучениче
Христов, Антипо преблаженне, иже апостолом сопрестольник,
и святителем слава, ты еси, архиерею, церковное светило
и утверждение веры, пред противными богоборцы
дерзновенно Христа исповедал еси, и принеслся еси яко
кадило благовонно, и яко агнец незлобив и мученик
праведен, в вол медян разжжен ввержен, святителю, и
молитвы благодарственныя в нем Богу и Отцу возсылая, яко
солнце возсиял еси, и мучением своим томителя велиара до
конца сокруши. Сего ради Христос тя прослави на небеси,
и на земли всю вселенную осияваеши данною ти благодатию,
страждущим от неутешимыя зубныя болезни цельбы подаеши,
непрестанно призывающим тя с верою. И ныне, услыши мя,
грешнаго и недостойнаго раба Твоего (имя), в час
сей с верою призывающаго тя, яко и молебное пение
приносити ходатая и молебника к Богу тя предлагаю.
***
Смотрите также:
|
