Молитвы святым
Все молитвы мученикам Адриану и Наталии
Память: 26 августа / 8 сентября
Когда святого Адриана взяли на мучения
за исповедание христианской веры, его жена Наталья
убеждала супруга сохранять твердость. После же
мученической кончины супруга она сохраняла верность ему,
отвергая все предложения и понуждения к новому
супружеству. Почитаются как помощники в благочестивом
христианском супружестве, молитвенники о верности и
согласии между мужем и женой.
***
Тропарь мученикам Адриану и Наталии, глас 3
Богатство неиждивущее вменил еси веру
спасенную, треблаженне, оставль отеческое нечестие и
Владыки стопами шествуя, Божественными даровании
обогатился еси, Адриане славне; Христа Бога моли
спастися душам нашим.
Второй тропарь мученикам Адриану и Наталии, глас 4
Мученицы Твои, Господи, во страданиих
своих венцы прияша нетленныя от Тебе, Бога нашего: имуще
бо крепость Твою, мучителей низложиша, сокрушиша и
демонов немощныя дерзости. Тех молитвами спаси души
наша.
Кондак мученикам Адриану и Наталии, глас 4
Жены богомудрыя Божественная словеса в
сердце положив, Адриане, мучениче Христов. К мучением
усердно стремился еси. С супругою венец прием.
Второй кондак мученикам Адриану и Наталии, глас 4
Мученик возсия Божественная память и
земныя озари вся концы светло, с веселием зовущих: Ты
еси мучеников, Христе, радование.
Молитва к мученикам Адриану и Наталии
О священная двоице, святии мученицы
Христовы Адриане и Наталие, блаженнии супрузи и доблии
страдальцы! Услышите нас, молящихся вам со слезами, и
низпослите на ны вся благопотребная душам и телесем
нашим, и молите Христа Бога, да помилует нас и сотворит
с нами по милости Своей, да не погибнем во гресех наших.
Ей, святии мученицы! Приимите глас моления нашего, и
избавите ны молитвами вашими от глада, губителъства,
труса, потопа, огня, града, меча, нашествия
иноплеменников и междоусобныя брани, от внезапныя смерти
и от всех бед, печалей и болезней, да присно вашими
молитвами и предстательством укрепляеми, прославим
Господа Иисуса Христа, Емуже подобает всякая слава,
честь и поклонение, со безначальным Его Отцем и
Пресвятым Духом, во веки веков. Аминь.
***
Акафист мученикам Адриану и Наталии:
Канон мученикам Адриану и Наталие:
Житийная и научно-историческая литература о
мучениках Адриане и Наталии:
|
