Православные акафисты
Акафист священномученику Павлу Старобельскому
Кондак 1
Возбранный священномучениче и преславный
угодниче Христов, верным людем истину являяй и нечестие
сергианское мужественно обличаяй, восхваляем тя любовию,
святителю Павле, ты же яко имеяй дерзновение ко Господу,
Церковь Православную от волков душетленных защити, да
зовем ти: Радуйся, Павле, священномучениче
преславный.
Икос 1
Ангельский нрав и ревность по Бозе
Вседержителе яви в тебе Господь, преславне отче Павле,
нас же чтущих тя, научи звати тебе тако:
Радуйся, ревностию по Бозе горяй.
Радуйся, светильниче горних обителей.
Радуйся, звездо тверди небесныя.
Радуйся, выну созерцаяй лице Иисусово.
Радуйся, новый пророче, нечестие
обличаяй.
Радуйся, апостольския проповеди зерцало.
Радуйся, о немже ликуют ангели.
Радуйся, имже просвещаются вернии.
Радуйся, Павле, священномучениче
преславный.
Кондак 2
Видяще кончину супружницы своея, познал
еси отче Павле яко в мире сем вся скоропреходящая суть.
Душу же свою молитвою теплою утешающе, воспевал еси
кротце Богу: Аллилуиа
Икос 2
Разум имеяй просвещен от Господа,
служитель ревностный Церкви Христовой, жидобожными
гонимой, явился еси, сего ради вернии воспеша тебе:
Радуйся, благоговейный служителю Церкви
Христовой.
Радуйся, молитвы кадило благоуханное,
Радуйся, скрижале одушевленная духовных
наставлений.
Радуйся, свеще любовию к Богу пламенеяй.
Радуйся, верных наставниче богомудрый.
Радуйся, пристанище ищущих спасение.
Радуйся, Павле, священномучениче
преславный.
Кондак 3
Сила, данная ти свыше, укрепляше тя,
отче преславный, понести крест тяжкий и многоскорбный
служителя Церкви Христовой, да послужиши спасению
ближних и научиши их верно пети Богу: Аллилуиа
Икос 3
Имеяше воистину с небесе песнь тебе
воспеваема быти, а не от земли, преславне святителю
Павле: добродетельми бо христианскими, яко бисером
многоценным, душу свою украсивше, образ благочестиваго
жития верным явил еси, от них же вознесеся сия ти
похвала:
Радуйся, уста богомудрыя имеяй.
Радуйся, ум свой в горняя вперивый.
Радуйся, смиренный агнче.
Радуйся, голубиной кротости образе.
Радуйся, взыскавый мудрость небесную.
Радуйся, презревый славу земную.
Радуйся, сребролюбия, яко огня отбегий.
Радуйся, на диавола крепце возмогий.
Радуйся, Павле, священномучениче
преславный.
Кондак 4
Буря гонения лютаго на Церковь Христову
не поколебаша тя, угодниче Божий, веру и любовь ко
Христу бо в сердце имеяй, пострадати за Господа велие
рачение имел еси, поя: Алилуиа
Икос 4
Слышаша о доброте души твоея, отче
Павле, святителей собор во епископа граду Старобельску
тя постави и возопи тебе таковая:
Радуйся, орле, на высоту небесную
возлетевый.
Радуйся, столпе Церкви Православныя.
Радуйся, пастырю добрый.
Радуйся, святителю Божий.
Радуйся, апостольския благодати
преемниче.
Радуйся, житию святых подражателю.
Радуйся, монашеского жития рачителю.
Радуйся, распявый плоть свою со
страстьми и похотьми.
Радуйся, Павле, священномучениче
преславный.
Кондак 5
Боготечная звезда явился еси,
священномучениче Павле, землю Луганскую пришествием
своим озаривше, верни же зряще тя святым святителем
подобна, возопиша всем сердцем о тебе Богу: Аллилуиа
Икос 5
Видеша верных града Старобельска
святителю Павле, от жидобожных гонение лютое терпящие,
пришел еси малодушныя укрепити, страждущия утешити,
гонимыя ободрити, от них же благодарне услышал еси сия:
Радуйся, Луганския земли предрагое
украшение.
Радуйся, града Старобельска крепкое
ограждение.
Радуйся, покровом молитв своих защищаяй.
Радуйся, благословением своим верныя
укрепляяй.
Радуйся, пастырей боголюбивых
покровителю.
Радуйся, иночествующих благий
наставниче.
Радуйся, яко Донбасская страна тобою
похваляется.
Радуйся, яко тобою верным истина
является.
Радуйся, Павле, священномучениче
преславный.
***
Читайте также:
- Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
- Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.
***
Кондак 6
Проповедует мир весь тебе, преславне
отче Павле, твердого в вере святителя Христова, яко
прещений безбожных никогдаже устрашился еси, страх Божий
един в сердце имуще, Господу же на всяк день поя:
Аллилуиа
Икос 6
Возсиял еси тобою свет правды, лукавство
Сергиево обличающее, священномучениче Павле. Ты бо
беззакония в Церкви Христовой не терпяще, истину
небоязненно вещал еси. Мы же тебе похвалити достойно не
могуще, токмо сице вопием:
Радуйся, громе, устрашаяй беззаконныя.
Радуйся, молние, поражаяй лукавнующия.
Радуйся, вещаяй правду, не взираяй на
лица.
Радуйся, глаголов истинных златая
цевнице.
Радуйся, указуяй исполняти церковныя
каноны.
Радуйся, призываяй хранити Православную
веру.
Радуйся, волцы хищныя обличеньми
уязвляяй.
Радуйся, поборников лжи правдою попаляй.
Радуйся, Павле, священномучениче
преславный.
Кондак 7
Хотя лукавое Сергиево злосмрадие
отгнати, дивное благоухание правды явил еси,
священномучениче Павле, весь мир светом Истины озаряюще.
Мы же к предстательству твоему прибегающе, молим от
лукавого помрачения сергианскаго верных свободити, да
вси богоугодно поживем, верно поя Христу Богу: Аллилуиа
Икос 7
Новаго тя Илию, грознаго беззаконных
обличителя, разумеем тя отче Павле, отступство Сергиево
от Истины обличающе, верных от пагубныя тины избавляюще,
нас же в вере укрепляюще, за сие же ныне от нас слышиши
сия:
Радуйся, новый Илие в грозных
обличениях.
Радуйся, новый пророче в вещании истины.
Радуйся, новый апостоле в любви ко
Христу.
Радуйся, новый Златоусте в глаголании
правды.
Радуйся, новый Василие в противлении
жидоборным.
Радуйся, новый Григорие в терпении
гонений.
Радуйся, новый Богоносец, в сердце
Христа имеяй.
Радуйся, новый Николае, нечестие
посрамляй.
Радуйся, Павле, священномучениче
преславный.
Кондак 8
Странно бысть верным зрети тя, угодниче
Божий, в темнице за глаголы правды пребывающа. Нас же в
помрачении греховнем сущих светом истины просвети, да
верно вопием Творцу всяческих: Аллилуиа
Икос 8
Весь во Христе пребываяй, сынов тьмы не
убоялся еси, святителю Павле, ныне же зрением Владыки
своего наслаждаяйся, от нас земных слышиши пения
таковая:
Радуйся, венцы небесными блистаяй.
Радуйся, от земных похвалы слышаяй.
Радуйся, скорьбми на небеса восшедый.
Радуйся, любити Христа научаяй.
Радуйся, темничной теснотою широты
небесныя достигнувый.
Радуйся, погибельнаго пути отвращатися
вразумляяй.
Радуйся, прещения беззаконных нивочтоже
вменивый.
Радуйся, ко спасению путь нам указуяй.
Радуйся, Павле, священномучениче
преславный.
Кондак 9
Всякое нечестие, в сердцах наших
гнездящееся, попали молитвами твоими, святителю, да
храмы Духу Святому явимся, воспевающее верно Царя
Небесного пением: Аллилуиа
Икос 9
Ветия суемудренныя нечестивых видим
тобою посрамленныя, премудре святителю Павле, ты бо
мудрость горнюю имеющее, лукавая уста писаньми своими
заградил еси. Сего ради верных соборы тако тя похваляху:
Радуйся, помраченных умов просвещение.
Радуйся, слепых духовне скорое
прозрение.
Радуйся, спящия совести пробуждаяй.
Радуйся, лживыя уста заграждаяй.
Радуйся, глухоту духовную исцеляяй.
Радуйся, наготу духовную добродетельми
одеваяй.
Радуйся, сердца наша от скверн очищаяй.
Радуйся, разум наш от суетных избавляяй.
Радуйся, Павле, священномучениче
преславный.
Кондак 10
Спасти хотя верныя от волков
душетленных, овцы стада Христова погубити хотящих,
мужественне глаголы правды вещал еси, священомучениче
преблаженный. Мы же твоей велией любви к верным
дивящееся,о тебе поем Распятому за ны Христу: Аллилуиа
Икос 10
Стена еси верным явился еси святителю
Павле, от враг видимых и невидимых ограждающая. Нас же
чтущих память твою от бед и скорбей свободи, да
безпреткновенно славословим тя тако:
Радуйся, Царя Небеснаго воин
добропобедный.
Радуйся, Утешителя Духа Истины храме
преукрашенный.
Радуйся, имя Иисусово пищей имевый.
Радуйся, мудростью горнею душу напоивый.
Радуйся, от горних высот верныя
посещаяй.
Радуйся, у Престола Божия чтущия тя
поминаяй.
Радуйся, яко любы твоя никогдаже
оскудеваяй.
Радуйся, яко помощь твоя нас укрепляет.
Радуйся, Павле, священномученнниче
преславный.
Кондак 11
Пение Пресвятей Троице приносяще,
воспомяни о нас, святителю, земное течение многоскорбное
совершающих. Яко да твоими молитвами бесовских козней
свободшеся, лице Сладчайшего Иисуса зрети сподобимся и
пети с лики праведных песнь: Аллилуиа
Икос 11
Светозарное светило в земли Харьковстей
зашедшее явился еси, славный священномучениче. Вернии же
страдания твоя воспоминающе, тя, новаго мученика
Христова прославляху, соплетающе хвалебные венцы
сицевыя:
Радуйся, землю Харьковскую мощами
освятивый.
Радуйся, страну Донбасскую благодатию
озаривый.
Радуйся, к покаянию падшия призываяй.
Радуйся, от потопления греховнаго
свобождаяй.
Радуйся, бурю растления духовнаго
укрощаяй.
Радуйся, свирепыя волны страстей
изсушаяй.
Радуйся, Истинно - Православныя Церкви
адаманте.
Радуйся, катакомбных пастырей
наставниче.
Радуйся, Павле, священномучениче
преславный.
Кондак 12
Благодать, данную ти от Бога сведущии,
восхваляем тя, святителю Христов, яко писаньми своими
нас от помрачения духовнаго свобождаеши и ревности по
Бозе Вседержителе исполняеши, да верно похваляем
Подателя жизни, поя: Аллилуиа
Икос 12
Поюще житие твое преславное, угодниче
Божий Павле, прославляем терпение твое, восхваляем
добродетели твоя и любовь к верным, еюже,яко лучами
солнечными озаряеши нас, тако ти воспевающих:
Радуйся, Царственных Великомучеников
сомолитвенниче.
Радуйся, Новомучеников сликовствователю.
Радуйся, Исповедников сожителю.
Радуйся, собора святых радование.
Радуйся, землю Русскую просвещающий.
Радуйся, верныя земли Слободския
укрепляющий.
Радуйся, телесных болезней исцеление.
Радуйся, вечныя смерти избавление.
Радуйся, Павле, священномучениче
преславный.
Кондак 13
О, святый священномучениче Павле,
угодниче Христов преславный, нынешнее наше прими
приношение и от погибели вечныя всех чтущих тя избави,
да с тобою купно воспеваем: Аллилуиа.
Сей Кондак читается трижды, затем
Икос 1 и Кондак 1.
Молитва священномученику Павлу Старобельскому
О всехвальный и всечестный архиерею,
священномучениче Христов отче Павле, днесь собрании
любовию твоею, восхваляем подвиги и труды твоя,имиже
веру Христову в сердцах верных укрепил еси.
Ты же, яко имеяй велие дерзновение ко
Христу Богу, тепле предстательствуй о нас и испроси
божественную благодать чтущим тя. Церковь Христову,
врагами стужаему, молитвами своими защити, стадо овец
Христовых ,волками душепагубными разделяемое и
погубляемое, ко спасению и единомыслию приведи. Умоли
Христа Бога, Его же ради пострадал еси, да воздвигнет в
стране нашей Престол Православных Царей. Укрепи
молитвами твоими, святе, Благочестивейшего,
Самодержавнейшого, Великого Государя нашего Императора,
[Его же Имя, Господи, Ты веси] всея Руси и вся врази его
вскоре сокруши и ревность по Бозе Вседержителе ему
даруй.
Отечество же наше, в нечестии
потопляемое, лучами веры Православныя облистай и
познанием истины погибающия души напитай.
Да тобою укрепляеми и храними,
безпреткновенно течение ко спасению совершати рачение
имуще, потщимся Богу угодити и наследовати селения
праведных, идеже ты ныне в славе небесней пребываеши и
молиши о нас усердно Единого в Троице славимого Бога,
Отца и Сына и Святого Духа ныне и присно и во веки
веков. Аминь.
Тропарь священномученику Павлу Старобельскому, глас 4
Столп непоколебимый Церкви Православныя
и нечестия сергианского грозного обличителя, яви тя
верным Христос Бог; сего ради стяжал еси страданьми
радость вечную, кровьми своими славу небесную отче
священномучениче Павле, моли Пресвятую Троицу спастися
душам нашим
Кондак священномученику Павлу Старобельскому
В земле Русской светильник Православия
явился еси, заповедь Христову святе исполнив, положил
еси душу твою о людях твоих и спасл еси верныя от
прелести лукавых, сего ради верных соборы тя
прославляют, великий угодниче Христов священномучениче
Павле.
Величание первое
Величаем, тя священномучениче Павле и
чтем честная страдания твоя, яже за Христа претерпел
еси.
Величание второе
Величаем тя, священномучениче Павле, и
чтим честная страдания твоё, яже за Христа во
утверждение на Руси Православия претерпел еси.
|
