Православные акафисты
Акафист мученикам Виктору, Зотику, Акиндину, Зинону, Севериану и Кесарию Никомедийским
Кондак 1
Избранные от Рима Ветхаго и в
Иерусалим Небесный пришедшие, мученицы святые
Викторе, Зотиче, Акиндине, Зиноне, Севериане и
Кесарие, купно со святым победоносцем Георгием за
Христа Царя добле воинствовавшие, венцами от Него
нетленныма увенчаннии и у Престола Святыя Троицы
ныне предстоящие, о нас молитеся, да утвердит в нас
Господь в любве и вере, зовуших вам сице:
Радуйтеся, святые шесточисленные
мученицы Никомедийские, присные о нас пред Богом
молитвенницы!
Икос 1
Ангелов сомолитвеницы, всепобедные
страдальцы Никомедийстии, образ терпения и упования
непреложнаго нам явившие, и ко Христу Иисусу чрез
смерть лютую пришедшие, к сонму мучеников Им
сопричтенные и молитвы теплые за чтущих вас
Спасителю мира возносящие, приимите и от нас похвалы
сия:
Радуйтеся, возложившая все упование
ваше на Господа.
Радуйтеся, претерпевшие муки
Царствия ради Небеснаго.
Радуйтеся, многое озлобление за
Христа приявшие.
Радуйтеся, терпением своим адаманту
крепкому уподобившиеся.
Радуйтеся, огнем любви к Богу
всецело возгоревшие.
Радуйтеся, в крове крил Его небесный
покров обретшие.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 2
Видевше, прехвальные воины римстии,
святаго Георгия во исповедании веры своея чудеса
велия творящего, яко колесо мучительское ему без
вреда бысть, уверовали есте в Бога Истиннаго,
сотворшего небо и землю, и явистеся добрыми воинами
ни кесарю зверонравному, а Христу - Царю
Милосердному. Мы сие поминающе Господеви поим
Аллилуйя!
Икос 2
Разум Богопросвещенный даровася вам,
святые мученицы, яко уразумели есте, что не своею
силою святый Георгий чудеса творит, абаче благодатию
Бога Всемогущего. Вас бо прещения мучителей не
устрашиша, но свет ваш просветися пред человеки.
Сего ради Церковь Святая, кровию исповедничества
вашего, за Христа пролиянною, украшаема, сретает вы
приветствии сими:
Радуйтеся, воини Христовы, не
обязавшиися куплями житейскими, да Ему угодни
будете.
Радуйтеся, к Распеншемуся нас ради
на Кресте разум свой выну возводившия.
Радуйтеся, невинно от пребеззаконных
за веру и любовь к Нему пострадавшия.
Радуйтеся, венцев неувядаемых от
Небеснаго Царя славы сподобившиися.
Радуйтеся, страдальческою кончиною
вашею незлобие Агнца Божия проповедавшия.
Радуйтеся, в небесном всевеселом
пребывании в лике Ангелов и всех святых от Него
прославленыя.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 3
Силою благодати Божия укрепляемые,
страстотерпцы прехвальные, изощренных пыток и
мучений не убоялися есте, воистину воины Христовы
непобедимые явистеся, яко на мучения грядуще,
воспевали есте песнь победную: Аллилуйя!
Икос 3
Имуще ныне радость вечную в небесных
селениих, святые мученицы Викторе, Зотиче, Акиндине,
Зиноне, Севериане и Кесарие, не престайте и о нас,
память вашу молитвенно чтущих, у Престола Иисуса
Сладчайшего молитися, да низпослет нам Спаситель
милости Своя богатыя, имиже облагодетельствовани
бывше и Господа благодаряще, вам воспоем сице:
Радуйтеся, Бога во славе
неприступней созерцающие.
Радуйтеся, Трисияннаго Божества
таинницы.
Радуйтеся, со святыми на Небеси
вечно царствующие.
Радуйтеся, души наша светом веры
Христовы просвещающие.
Радуйтеся, о мире всего мира
непрестанно Господа умоляющи.
Радуйтеся, на враги видимыя и
невидимыя крепцыи нам споборницы.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 4
Бурю гонений воздвигоша правителие
римстии супртив верующих во Иисуса Христа, юже
устроял еси, Викторе прехвальне ты бо ведением
небесным озаренный, вверив судьбы братии твоея Божию
Промышлению усердно моляся с нею Спасителю, с велием
упованием взывая Ему: Аллилуиа!
Икос 4
Слышавше безбожнии гонителие твердое
ваше исповедание, злобою распаляхуся на вы, призывая
вас от Христа – Жизнедавца отрещитися и суетным
богом жертвы принести. Вы же верны Спасителю
пребысте. Сего ради, веру и верность вашу восхваляя,
со умилением взываем вам сице:
Радуйтеся, яко память ваша с
похвалами и успение со святыми.
Радуйтеся, яко имена ваша честны и
благоговейны в Церкви Христовой.
Радуйтеся, житием и кончиною вашею
Агнца Божия проповедавщия.
Радуйтеся, первее слез ваших теченми
фараона мысленнаго потопившия.
Радуйтеся, последи во успении вашем
пролиянием мученическия крови того сокрушившия.
Радуйтеся, к жизни нестареемой и
присносущной преставльшиися.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 5
Боготечными звездами явистеся нам,
святие мученицы Никомедийстии, вашим бо стопам в
любве ко Христу- ада Низложителю последуя, Царствия
Небеснаго достигнути чаем, аще токмо веру вашу и
терпение стяжати потщимся, поюще о вас Иисусу
Сладчайшему: Аллилуйя!
Икос 5
Видяще взором духовным Господа
Ииссуа Христа через угодника своего великомученика
Георгия чудеса пачеественныя творящего, верными Богу
Истинному себя быти исповедали есте, святые мученицы
Викторе, Зотиче, Акиндине, Зиноне, Севериане и
Кесарие, (егда отвергли есте путь Иуды Искариота),
не устрашившись муки лютыя и смерти позорныя. Темже,
моляще вас быти о нас, духом слабеющих, ходатаями
пред Искупителем Распятым, воскресшим и нас
совоскресившим, поем вам тако:
Радуйтеся, крепкою волею своею
благое иго Христово на себе понесшие.
Радуйтеся, уподобльшиеся Распятому
на Кресте Сыну Божию.
Радуйтеся, последовавшие страстем
Христовым.
Радуйтеся, украсившиеся победоносною
славою.
Радуйтеся, молитвенно у Престола
Божия нас воспоминающие.
Радуйтеся, неверных светом веры
просвещавшие.
Радуйтеся, святые шесточисленные
мученицы Никомедийские, присные о нас пред Богом
молитвенницы!
***
Читайте также:
- Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
- Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.
***
Кондак 6
Проповедником богоносным явился еси,
предивный Викторе, соратником твоим, верою и
подвигом твоим возвестивше, яко много может вера
истинная, истление и смерть вечную побеждающая. Ныне
же со ангелы Иисусу Сладчайшему воспеваеши песнь
пасхальную: Аллилуия!
Икос 6
Воссия сила Христова в вас, мученицы
святии шестоточисленнии, яко надеястеся на Христа
Бога нашего, имать бо с высоты смотрети на подвиг
ваш со множеством святых Ангелов и помогати вам,
немощным, будет. Верен же Бог, Иже не остави вас в
годину смертную, егда во главу усеченные, души
святые ваши с надеждою предали есте. Темже приимите
от нас похвалы сия:
Радуйтеся, умы и сердца горе
обращавшии.
Радуйтеся, вы бо, ветхаго отложивше
человека, плотское мудрование отринули есте.
Радуйтеся, яко пред очима суть
Божиима путие и подвизи ваши.
Радуйтеся, Христа вседушно
возлюбившии.
Радуйтеся, яко со Христом
пострадасте, да с Ним и прославитеся.
Радуйтеся, вечную славу и одеяние
нетления от Него приемшии.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 7
Хотяще верными Спасителю быти и
истину Его на земли утвердити, мученицы
шесточисленные преславные, не противоборствовали еси
мучителем убивавщим вы, обаче в руце Божии душу ваша
во мгновение предали есте, вопиюще: Аллилуйя!
Икос 7
Новыя жизни со Христом Воскресшим
явистеся воистину причастницы, святые мученицы
Викторе, Зотиче, Акиндине, Зиноне, Севериане и
Кесарие, приявше смерть от рук мучителей
зверонравных, темже на подвиг вас Укрепившего,
Спасителя прославляем, зовуще вам таковая:
Радуйтеся, от лампады небесныя
светильники сердечныя возжегшии.
Радуйтеся, узкими враты Небеснаго
Царствия достигшии.
Радуйтеся, вся прелести мира и славу
его нивочтоже вменившии.
Радуйтеся, благодать врачевания душ
и телес от Бога получившии.
Радуйтеся, достойнии Небеснаго
Царствия наследницы.
Радуйтеся, усерднии о нас пред Богом
молитвенницы.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 8
Странствие земное злостраданием
скончавающе, вы, чада света, аки орли небопарнии к
небесному селению Солнца Правды возлетесте, Едемския
сладости причастницы явистеся; ныне бо воспеваете
Христу: Алилуйя!
Икос 8
Все упование на Христа возложившие,
мученицы всепобедные, разумея яко чрез страдания
временныя, готовися верным радость вечная. Сие убо
ныне вспоминающе, просим вы прилежно купно со святым
Георгием сотворите молитвы ваша за всех, в новых
испытаниих веры сущих, за всех скорбьми обдержимых,
да всем вашего соборного предстательства ради
ниспошлет Господь отраду и утешение. Сего ради зовем
вам таковая:
Радуйтеся, в небесном всевеселом
пребывании в лике Ангелов и всех святых от Него
прославленыя.
Радуйтеся, дерзновение молитвенное о
нас к Нему имущия.
Радуйтеся, потемненныя грехми очеса
душ наших светом евангельским просвещающия.
Радуйтеся, грехов оставление и в
добродетельном житии укрепление нам подающия.
Радуйтеся, молитвами вашими от
многих бед нас избавляющия.
Радуйтеся, вся благая прошения наша
исполняющия.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 9
Всякия болезни душевныя и телесныя,
всякия беды нужды плоти и духа нашего избавите ны,
всехвальные мученицы, да веру вашу в Подателя жизни
вечныя видевше, в вере нашей да укрепимся
невозбранно и дерзновенно с вами пети крепость
дающему Богу: Аллилуия!
Икос 9
Витий, многовещанных словеса не
довлеют воспети ни терпение, ни славу вашу,
богоносные мученицы Викторе, Зотиче, Акиндине,
Зиноне, Севериане и Кесарие, яко примеру благому
святаго Великомученика Георгия последовали есте и за
Христа учены быша, убелили есте ризы ваша в крови
агнчей и ныне со ангелы престолу Ангца Божия
предстоите. Сего же ради и мы с умилением величаем
вас сице:
Радуйтеся, отвергшие вся мира сего
красная.
Радуйтеся, избравшие прияти муки за
Христа.
Радуйтеся, с любовию на смерть идти
возхотевшие.
Радуйтеся, и самех мучителей
терпением твоим удивившие.
Радуйтеся, страданиями твоими
Церковь Христову украсившие.
Радуйтеся, сокровенное жительство о
Бозе аки маргарит обретшии.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 10
Спасения нашего усерднии ходатаи
есте, всехвальнии мученицы, сего ради молим:
испросите нам у Христа укрепление в вере и
благочестии, яко да, все время живота нашего
потщимся в молитвех и творении дел благих пребывати
и за вся Бога благодарити, взывающе Ему: Аллилуиа.
Икос 10
Царю Предвечному, Христу во всем
послушливи бывше, мученицы многострадальнии, со
святым и прехвальным великмучеником и чудотворцем
Георгием пострадавшие и воссиявшие, с ним же
Спасителя умоляющие, примите от нас с надеждою
возносимыя величания сия:
Радуйтеся, Трисиянным Светом
озареннии.
Радуйтеся, Творца своего и Господа
присно созерцающии.
Радуйтеся, с Царицею Небесе и земли
о всем мире молящиеся.
Радуйтеся, с небесными силами Бога
прославляющии.
Радуйтеся, светильницы, любовию
Божией горящии.
Радуйтеся, мрак душ наших благодатию
озаряющии.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 11
Пение умиленное приносим вам,
угодницы Божии, и смиренно просим вас, мученицы
святые: молите о нас Единаго Человеколюбца Бога, да
не отвратит Он от нас лица Своего, и дарует нам по
предстательству вашему прощение многих наших
согрешений, Мы же, прославляя Бога о вас,
заступниках наших вопием Ему: Аллилуиа.
Икос 11
Святоносным Троическим сиянием горе
осиянная, святые мученицы шесточисленные, озарите
наша сердца, тьмою греховною помраченныя, да елеем
благих дел возжегша угасшия светильники наша,
сподобимся делы благими и молитвами усердныма Христу
Подвигоположнику угодити, и в царствие Небесное
внити, идеже вы веселитешеся со святыми и слышите
проносимые от нас благохваления сия:
Радуйтеся, воини Христовы, явльшии
мужество необоримое.
Радуйтеся, оружием Креста видимыя и
невидимыя враги победившии.
Радуйтеся, маслины многоцелебныя,
недуги наша исцеляющии.
Радуйтеся, в земных нуждах
благовременно нам помогающии.
Радуйтеся, духом радования нас
исполняющии.
Радуйтеся, приводящии заблуждших к
свету истины.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 12
Благодатию данною вам от Бога, всех
чтущих священную память вашу, добропобедные
мученицы, и молитвенно вас призывающих, от бед
избавляете, недуги исцеляеши, ко спасению
руководствуете и научаете со умилением и
благодарением взывати к Богу: Аллилуия.
Икос 12
Поюще песнь хвалебную, премногими
глаголы не возможем изрещи крепость любве вашей ко
Господу, Его же до конца возлюбили и за Него же муки
лятыя до конца претерпели; сего ради величаем вас:
Радуйтеся, Трисиянным Светом
озареннии.
Радуйтеся, Творца своего и Господа
присно созерцающии.
Радуйтеся, с Царицею Небесе и земли
о всем мире молящиеся.
Радуйтеся, с небесными силами Бога
прославляющии.
Радуйтеся, светильницы, любовию
Божией горящии.
Радуйтеся, мрак душ наших благодатию
озаряющии.
Радуйтеся, святые шесточисленные
мученицы Никомедийские, присные о нас пред Богом
молитвенницы!
Кондак 13
О, святии мученицы шесточисленные,
во граде Никомедии купно со святым Георгием
просиявшие, приимите песнь сию, приимите милостивно
нынешнее малое моление наше, от любящих сердец
благоговейно вам приносимое. Яко велие имуще
дерзновение ко Господу, молитеся о всех нас, да
сподобимся в Царствие Небесное внити и купно с вами
Христу Богу воспети песнь победную: Аллилуия!
Сей Кондак читается трижды, затем
Икос 1 и Кондак 1.
|
