Православные акафисты / Акафист благоверной княгине Ксении Тверской

Православные акафисты

Акафист благоверной княгине Ксении Тверской

Кондак 1

Избранная заступница земли Тверския, церкви православной красота и утверждение, матерей о чадех вера и поможение, новою Ольгою явилася еси. Видящие о тебе таковое Божие промышление, мы же во умилении сердечнем вопием ти:

Радуйся, святая благоверная Ксение, земли нашей заступнице и о семье нашей молитвеннице.

Икос 1

Ангелом подобная чистым житием своим, в гуще мира и в чертозех келии подвизалася еси, тем же милостиво руцы свои простерл к тебе Господь. Мы же во умилении сердечнем вопием ти:

Радуйся, княжескаго рода отрасль благословенная.

Радуйся, Иисусом на молитвы вдохновенная.

Радуйся, райских крин благоухание.

Радуйся, семе, в добрую землю упавшее.

Радуйся, иже на брачнем пиру у Царя возлежащая.

Радуйся, иже со праведники в Царстве Отца возсиявшая.

Радуйся, скорби до конца претерпевшая.

Радуйся, в молитвах утешение обретшая.

Радуйся, святаго духа исполненная.

Радуйся, ко овцам Господня стада причтенная.

Радуйся, сердце ко Спасителю расположившая.

Радуйся, стези Господни истово хранившая.

Радуйся, горнице, иже на камнех созижденная.

Радуйся, работнице виноградника Христова.

Радуйся, святая благоверная Ксение, земли нашей заступнице и о семье нашей молитвеннице.

Кондак 2

Видя тя, святая Ксение, князь Ярослав, красотою, благочестием и мудростию твоею пленяшеся. И яже купец, ищущий добрых бисерей, обрет един многоценен бисер, тако и Ярославъ обретя тя сице, поят тя в жены, поюще Богу: Аллилуиа.

Икос 2

Разуму божественному волю свою подчиняше, возсияла еси на престоле Тверском, богомудрая Ксение, и повиновалася мужу яко Самому Господу. Мы же, таковому о тебе Божиему промыслу дивящиеся, глаголем ти:

Радуйся, Божиим светом яко солнцем осиянная.

Радуйся, ниже от мнозех званная, но от малых избранная.

Радуйся, образе ангельскаго смирения.

Радуйся, примере непрестанного моления.

Радуйся, сады Отца Небеснаго насаждавшая.

Радуйся, кесарю кесарево, а Богу Божие отдававшая.

Радуйся, иже слово Господне истинно в твоих словах.

Радуйся, иже отсвет славы Божией истинен в твоих очах.

Радуйся, пред лицем Спасителя ходившая.

Радуйся, Бога непрестанно прославлявшая.

Радуйся, во страсе Божием владычествовшая.

Радуйся, иже сердце доброе и разумное даде ти Господь.

Радуйся, святая благоверная Ксение, земли нашей заступнице и о семье нашей молитвеннице.

Кондак 3

Сила свыше осияла тя, мужелюбивая Ксение, яко в семейном и молитвенном подвизех купно подвизалася еси, угождаше мужу своему и непрестанно поя Всемилостивому Богу: Аллилуиа.

Икос 3

Имущи, святая Ксение, непрестанные попечения о храмах Божиих и людях, молящихся в них, молитвами, и постами, и щедрыми милостями угождала еси Богу. Тем же и Господь, слыша непрестанные молитвы твои, лозою плодовитою в стане отечества твоего соделал тя. Сей же Божий дар тебе воспоминающе, вопием ти сице:

Радуйся, пред Господем душу изливавшая.

Радуйся, милость в очесех Божиих обретшая.

Радуйся, о чадех своих неусыпное попечение.

Радуйся, чадем своим в вере пример и утверждение.

Радуйся, в молитвах у одра детей ночи проводившая.

Радуйся, иже молитвами у Бога сына испросившая.

Радуйся, крестом веры чад своих от напастей ограждавшая.

Радуйся, иже болезни детей молитвой врачевавшая.

Радуйся, яко отроча Царство Божие приимшая.

Радуйся, иже в Царство Божие яко отроча внидостая.

Радуйся,иже исполнил Господь прошения твоя.

Радуйся, иже возрадовася о Господе сердце твое.

Радуйся, святая благоверная Ксение, земли нашей заступнице и о семье нашей молитвеннице.

Кондак 4

Бурю напастей демонских молитвою укрощая, о расточении врагов и тихом и безмятежном житии людей земли своей неумолчно молилася еси, Ксение, Всемогущему Богу, поя: Аллилуиа.

Икос 4

Слыша и видя премногие твои добродетели, о богомудрая Ксение, возлюбили тебя купно богатии и убозии, здравии и немощные, яко сделалася еси по глаголу апостола для всех всем и исповедаша тя вси яко матерь. Мы же, о таковой к тебе любви веселящиеся, глаголем ти тако:

Радуйся, на престоле тверском достойно возседавшая.

Радуйся, о дарах духовных ревновавшая.

Радуйся, возлюбившая людей яко Бога.

Радуйся, тем же еси ученица Христова.

Радуйся, страх Господень в премудрость приложившая.

Радуйся, в разуме от зла удалившаяся.

Радуйся, милосердия двери широко отверзшая.

Радуйся, глазами слепому и ногами хромому бывшая.

Радуйся, людей твоих добрая хранительнице.

Радуйся, земли своей крепкая защитительнице.

Радуйся, иже возсия свет над путями твоими.

Радуйся, иже еси ветвь с добрыми плодами.

Радуйся, святая благоверная Ксение, земли нашей заступнице и о семье нашей молитвеннице.

Кондак 5

Боготечной звезде подобен бе князь Ярослав, в путь всея земли ушедший и остави тя вдовицею, непраздную сыном, в скорби и горести денно и нощно взывати к Утешителю Богу: Аллилуиа.

Икос 5

Видя плач и печаль твою, многоскорбная Ксение, утешение о почившем супрузе дал тебе Господь, сына бо и наследника осиротевшего престола Михаила родила еси. Сию тихую радость с тобою, о благоверная мати наша, разделяющее, мы, сынове твои, сретаем тя молитвами сими:

Радуйся, яко Анна, Самуила рождшая.

Радуйся, рог свой в Бозе вознесшая.

Радуйся, княжество от мужа приимшая.

Радуйся, кормилом корабля тверскаго бывшая.

Радуйся, и отцем, и материю сыну сташе.

Радуйся, женский ум к мужскому прилагаше.

Радуйся, ложе вдовие слезами орошавшая.

Радуйся, слезы матернии о сыне изливавшая.

Радуйся, мужам тверским образец и подражание.

Радуйся, отечества врагам гроза и поругание.

Радуйся, сило, иже совершается в немощи.

Радуйся, сосуде, иже в почетном употреблении.

Радуйся, святая благоверная Ксение, земли нашей заступнице и о семье нашей молитвеннице.

***

Читайте также:

• Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
• Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.

***

Кондак 6

Проповедницею истины Божией и матерней любви была еси, Ксение, сего же ради прославил тя во святых Своих Сердцеведец Господь. Даждь и нам таковую же веру и любовь по Бозе прияти, Ему же ангельскую песнь неумолчно приносим: Аллилуиа.

Икос 6

Возсияла еси яко звезда незаходимая, благоверная Ксение, якоже святая Ольга во граде Киеве, и новый Киев — Тверь град, иже на волжских брегах, созиждела еси, в нем же каменный храм Спасов основаше и купно со всеми людьми созидашего. Тем же и нас, видящих таковые твои подвиги, яже знамение для верных, научи молиться тако:

Радуйся, иже дивными делами Господа прославльшая.

Радуйся, иже глас Господень над водами волжскими услыхавшая.

Радуйся, над врагами Божиими торжествующая.

Радуйся, веселие о Бозе препоясующая.

Радуйся, милостью Господней окруженная.

Радуйся, в тени крил Божиих покоенная.

Радуйся, иже сына страху Божию научившая.

Радуйся, иже купно с сыном Спасов храм соорудившая.

Радуйся, княжеством с молитвой управлявшая.

Радуйся, силы в молитве укреплявшая.

Радуйся, непреступная твердыня Божия.

Радуйся, чудес Господних орудие.

Радуйся, святая благоверная Ксение, земли нашей заступнице и о семье нашей молитвеннице.

Кондак 7

Хотяще злые и нечестивии агаряне землю тверскую огнем и мечем порушити и град Тверь огню предати, по твоим же молитвам, святая Ксение, отвел Господь агарянские полки от града твоего. Умоли же Владыку да отведет несметные вражеские рати греховных помыслов и дел наших от душ наших, да радостно тебе зовем: Аллилуиа.

Икос 7

Новую показа царицу Елену Зиждитель Господь в тебе, о премудрая Ксение, якоже оная страною управлявшая, и новаго Константина, князя Михаила, в боголюбии и сыновнем послушании воспитала еси, беше бо добрым сыном матери своей и чадолюбивым отцем людям отечества своего. За таковое убо Божие о тебе произволение прими от нас молитвы сии:

Радуйся, иже сына воином и мужем воспитавшая.

Радуйся, иже душу сына страхом Божиим напитавшая.

Радуйся, молитвою агарянские полки расточившая.

Радуйся, рати ханов Кавдыгая и Алчедая посрамившая.

Радуйся, княжеством премудро управлявшая.

Радуйся, мудрецов своею мудростию удивлявшая.

Радуйся, сына возлюбленного мудрости научившая.

Радуйся, премудрости начало возлюбившая.

Радуйся, иже даде тебе Господь прошенья сердца твоего.

Радуйся, иже изведе Господь яко свет правду твою.

Радуйся, еже очеса твои денно и нощно на молитву отверсты.

Радуйся, еже в очесах твоих видим отсвет Божией славы.

Радуйся, святая благоверная Ксение, земли нашей заступнице и о семье нашей молитвеннице.

Кондак 8

Странное и преславное чудо видим о тебе, многомудрая жено Ксение, якоже избра тебя Господь материю княжества тверскаго и беше бо правительницею уне и мудрее мнозих мужей, восхвалявшее Бога ангельским пением: Аллилуиа.

Икос 8

Вся предана была еси Христу Спасителю, мати Ксение, и молила еси Бога да послет сыну твоему жену, преспевающу возрастом и премудростию, украшенную страхом Господним и вельми всякими добродетельми. Тем же услыша Господь моление верного чада своего и посла Михаилу княгиню Анну. Мы же радующиеся о таковой Божией милости дивящиеся, умиленно возглашаем ти:

Радуйся, молитвою семью умножившая.

Радуйся, молитвою сыновий брак укрепившая.

Радуйся, чистаго жития младым пример показавшая.

Радуйся, Богу в нетленной красоте духа предстоявшая.

Радуйся, древним святым женам, уповавшим на Бога, подобная.

Радуйся, иже истину познаше, соделалася свободною.

Радуйся, облекшаяся в любы иже есть источник совершенства.

Радуйся, в добрых делах обретшая источники блаженства.

Радуйся, спасшая себя чрез чадородие.

Радуйся, пребывшая в любви и вере купно с целомудрием.

Радуйся, бремена ближних и дальних носившая.

Радуйся, людей паче себя возлюбившая.

Радуйся, святая благоверная Ксение, земли нашей заступнице и о семье нашей молитвеннице.

Кондак 9

Всяку стяжала еси молитвенную силу благодатию Божией, о святая молитвеннице Ксение, и в обителях Отца нашего Небеснаго изрядно молиши о здравии, благом поспешении и укреплении веры чад наших, велегласно вопия Богу: Аллилуиа.

Икос 9

Ветии суемудреннии недоумевают познати твою силу, о всепетая Ксение, ниже могут понятии, како возмогла еси бытии паче многомудрых мужей щитом и крепостию граду и людям отечества твоего. Темже нечестивии агаряне падоша от молитв твоих, не соделавше граду Твери толико зол, якоже Владимиру, Москве и Киеву. Сицевое Божие изволение мы точию воспомянувше, со удивлением ублажаем тя тако:

Радуйся, рати грозных агарян остановившая.

Радуйся, безжалостных врагов Христовых низложившая.

Радуйся, людей, Богом данных тебе, яко чад своих любящая.

Радуйся, Отцу Небесному в молитвах предстоящая.

Радуйся, страх изгнавшая любовию совершенною.

Радуйся, тем же слышит Бог твои молитвы дерзновенные.

Радуйся, похоть плоти, и очей, и гордости житейские отвергшая.

Радуйся, мир с его страстями ради Господа презревшая.

Радуйся, иже в немощи Духом Святым подкрепляемая.

Радуйся, племенем Божией воли опаляемая.

Радуйся, сердцем веровавшая к праведности.

Радуйся, устами исповедавшая ко спасению.

Радуйся, святая благоверная Ксение, земли нашей заступнице и о семье нашей молитвеннице.

Кондак 10

Спасти хотя душу, о богобоязненная Ксение, заповеди Господни соблюдаша и угодное пред Ним твориша, посему же даде ти Бог якоже просише у Него, поя Вседержителю: Аллилуиа.

Икос 10

Стеною непрестанных молитв твоих, славная заступнице наша Ксение, ограждай нас недостойных и без числа Богу согрешивших от хитросплетений и козней вражиих и даруй нам скорби терпети и в молитве пребывати, да заступлением твоим не будем побеждены злом, но победим зло добром, за еже вопием ти:

Радуйся, веры православной ревностное охранение.

Радуйся, благочестной жизни пример и утверждение.

Радуйся, чистым житием своим Иисусу угодившая.

Радуйся, своей живой водою веры всех поившая.

Радуйся, храмом Духа Божия пребывавшая.

Радуйся, храмы Духа в ближних созидавшая.

Радуйся, даров духовных купно обладательнице.

Радуйся, о сиих дарах за нас ходатаице.

Радуйся, двере, ко Господу ведущая.

Радуйся, свиреле, ко Христу зовущая.

Радуйся, причастнице трапезы Господней.

Радуйся, внидостая в чертози Бога Слова.

Радуйся, святая благоверная Ксение, земли нашей заступнице и о семье нашей молитвеннице.

Кондак 11

Пением молебным потщимся ублажить тя, мати Ксение, и дивимся о множестве чудес твоих, ихже всем с верою прибегающим в молитвах к твоему заступлению и помощи источаеши, благодарственное хваление вознося Богу: Аллилуиа.

Икос 11

Светом Божественной славы опали тя Господь, благоверная Ксение, и рассекают мрак лучи света твоего сыну твоему Михаилу, емуже отдала еси престол княжества своего и равноангельский образ прияше в тихую обитель удалилася еси, фимиам молитвы о нас ко Христу приносящее, нас же оставивша славити тя в Бозе:

Радуйся, равноангельское житие нам явившая.

Радуйся, клобук паче княжеской короны возлюбившая.

Радуйся, на келейный мрак дворца палаты променявшая.

Радуйся, людей в скорбях зело как прежде утешавшая.

Радуйся, князю молодому благоверная советнице.

Радуйся, сыну Михаилу преподобная молитвеннице.

Радуйся, все богатства мира яко тлен отвергшая.

Радуйся, нищету Христову на рамена вземшая.

Радуйся, сосуде кротости и полнаго смирения.

Радуйся, примере непрестанного моления.

Радуйся, первая, ставшая в мире последней.

Радуйся, последняя, ставшая у Господа первой.

Радуйся, святая благоверная Ксение, земли нашей заступнице и о семье нашей молитвеннице.

Кондак 12

Благодать, данную ти от Господа, щедро изливала еси, милостивая Ксение, на чад и матерей и всех, помощи у тебе просящих, темже облеклася еси в новаго человека, созданнаго по Богу в правде и в преподобии истины, усердно взывая Господу: Аллилуиа.

Икос 12

Поем ти многочисленнии твои якоже звезды небеснии подвизи, святая Ксение, почитаем твои труды и молитвы, хвалим смирение и ублажаем мирное успение твое, веруем яко аще бо и земное житие скончав плотию, но душею в Небесных обителех Отца и Бога жива еси, скорое и дивное заступничество подавая всем, восхваляющим тя тако:

Радуйся, в молитвах колены пред Богом преклонявшая.

Радуйся, Небесное Отечество стяжавшая.

Радуйся, душею яко голубица на небеса воспарившая.

Радуйся, хлеб жизни небесный возлюбившая.

Радуйся, полнотою Божиею исполненная.

Радуйся, вечнаго блаженства удостоенная.

Радуйся, яко зрим чудес твоих источение.

Радуйся, яко немощем нашим даруеши исцеление.

Радуйся, женам в скорбех вечная ходатаице.

Радуйся, семейный мир нам скорая подательнице.

Радуйся, яко на твое заступление о чадех наших уповаем.

Радуйся, яко тобою обрести отцев сиротам детям чаем.

Радуйся, святая благоверная Ксение, земли нашей заступнице и о семье нашей молитвеннице.

Кондак 13

О многомудрая и всехвальная святая благоверная Ксение! Нынешнее наше приими малое приношение, не презри молитв наших и умоли сердцеведца Господа, да дарует он мир стране нашей и домы наши утвердит в вере и благочестии и не оставит сиротами чад наших, да воспитаем их в вере и благочестии и купно с ними воспоем Богу: Аллилуиа, Аллилуиа, Аллилуиа.

Сей Кондак читается трижды, затем Икос 1 и Кондак 1.

Молитва благоверной княгине Ксении Тверской

О преблаженная и всеславная мати наша Ксение, мудрая княгине и заботливая матерь! Из чертогов княжеска дворца и во мраке иноческой келии непрестанно молилася еси Богу. И ныне на небесех предстояше Небесному Жениху, испроси нам твердую веру во Христа Иисуса Господа, да ниспослет Он мир стране нашей и отгонит вражеския полчища врагов от границ ея. Ей, благоверная Ксение, да утвердится молитвами твоими семья наша малою церковию, еже глаголаше Апостол, и помози нам, грешным, воспитати чад наших в вере и покорстве, якоже воспитала еси сына твоего Михаила. И даждь нам силы до последняго нашего издыхания купно со ближними своими славити о тебе дивного во святых Своих Бога Израилева, отца и сына и Святаго Духа во веки веков. Аминь.

Читать другие акафисты раздела "Православные акафисты"