Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные акафисты / Акафист cвященномученику Косьме Саратовскому


Православные акафисты

Акафист cвященномученику Косьме Саратовскому

Кондак 1

Избранный от труда земледельческого, будучи сеятель хлеба насущного, в сеятели Хлеба Животного, Иже есть Слово Божие, не убоялся ни гонений, ниже прещений безбожныя власти, иже тщашася веру Православную в Российской стране истребити, до смерти верен Христу пребыл еси, отче наш Косьмо, подобен Пастыреначальнику и Господу нашему воистину пастырь добрый явился еси. Сего ради ублажаем тя сице:

Радуйся, священномучениче Косьмо, похвало Земли Саратовския.

Икос 1

Ангелов Творец, предуведев веру добрую и чистого сердца твоего изволение, святый отче Косьмо, во дни лютых гонений избра тя в пастыри народу нашему, имже до смерти верен пребывал еси и венцом исповедническим благочестно увенчан еси. Сего ради ублажаем тя похвалами сими:

Радуйся, верный пастырю стада Христова.

Радуйся, святыня Православныя Церкви.

Радуйся, Земли Саратовския отрадо и утверждение.

Радуйся, исповедников похвало.

Радуйся, нечестие безбожныя власти обличивый.

Радуйся, Православие в земле Саратовской утвердивый.

Радуйся, на небесех о нас добрый предстоятелю.

Радуйся, Церкви и земли нашей славный защитителю.

Радуйся, священномучениче Косьмо, похвало Земли Саратовския.

Кондак 2

Видя, яко Церковь Христова попираема от безбожныя власти пребывает, не стерпел еси поругания Православныя веры, славный отче Косьмо, делом верность Православию подтверждая. Сего ради и сан священнический, как залог венца исповеднического приял еси, вопия Богу: Аллилуйя.

Икос 2

Разум Самим Богом наученный и просвещенный дал тебе Господь наш Иисус Христос, к славному подвигу пастырского служения тебя предуготовляя. Аще бо грамоте книжной и не научен быв, сам устав Богослужебный добре изучил еси, образ пастырям и всем ревнующим о Православии был еси. Сего ради по праву вопием ти:

Радуйся, Православия славный исповедниче.

Радуйся, благодати всех мучеников причастниче.

Радуйся, разума Христова ищущим премудрый наставниче.

Радуйся, о славе Божией ревнующим крепкий споспешниче.

Радуйся, добрый помощник всем ищущим от Бога вразумления.

Радуйся, ревностный проповедниче Христова учения.

Радуйся, всех заблуждений обличителю.

Радуйся, всем ищущим ума Христова доблий научителю.

Радуйся, священномучениче Косьмо, похвало Земли Саратовския.

Кондак 3

Силу духовную неодолимую дал Тебе Христос Бог наш, пастырю наш добрый Косьмо, еяже не смогли одолети служители безбожныя власти, иже тщашася людей земли нашея от Христа отвратити. Сего ради и нам подаждь от духовного елея твоего, да вместе с тобою вопием Богу: Аллилуйя.

Икос 3

Имеяше воистину от Ангелов тебе песнь с неба воспеваема быти, а не от земли, славный наш отче Косьмо, яко на земле за Христа добре подвизался еси, ныне на небеси вместе с Ангелы Тому предстоиши. Сего ради, как верный пастырю стада Христова, прими от нас похвалы сия:

Радуйся, славный за Христа воителю,

Радуйся, на небесах Тому наш доблий предстоятелю,

Радуйся, святых Ангел сожителю,

Радуйся, благ небесных нам добрый ходатаю.

Радуйся, на небеса наш доблестный путеводителю.

Радуйся, в Царствие Христово Пути верным указателю.

Радуйся, покаяния нам, земным сродникам твоим, всеусерднейший у Бога просителю.

Радуйся, в земных делах нам, меньшим братиям твоим, всемилостивый помощниче.

Радуйся, священномучениче Косьмо, похвало Земли Саратовския.

Кондак 4

Буря недоумения смущает ми ум, како достойно есть пети подвиг твой, святый отче Косьмо. Ты во дни гонений лютых, егда люди русские плакашася горько, восклицая: "Увы всем нам. Неужели погибла Россия?" и видя, како вера Православная от звероподобных мучителей поругаема страшно бывает, не убоялся, ниже смутился духом, но веру до конца сохранил еси, вопия Богу: Аллилуйя.

Икос 4

Видяще овцы словесныя пажити твоея, славный наш отче Косьмо, твое твердое Православия исповедание, егоже ни прещения, ниже гонения безбожныя власти поколебати не смогли еси, укреплялися духом, твердое основание веры своея в исповедничестве твоем полагая. Сего ради купно с ними и мы, грешнии, ублажаем тя словесами:

Радуйся, непоколебимый Православия исповедниче,

Радуйся, похвало Христовыя Церкви.

Радуйся, образе пастырей.

Радуйся, охранителю Христовых нравов.

Радуйся, обычаев и нравов злых искоренителю.

Радуйся, всех добрых в земле нашей насадителю.

Радуйся, яко небесней Церкви от земныя дар совершенный явился еси.

Радуйся, яко о земле нашей ходатаю славный являешися.

Радуйся, священномучениче Косьмо, похвало Земли Саратовския.

Кондак 5

Богоносный пастырь воистину явился еси словесным овцам твоим, исповедниче отче Косьмо, во дни гонений лютых, падающих воздвизая, малодушных утешая, неведущих вразумляя, маловерных в вере укрепляя, всем воистину во всем помощник явился еси. Сего ради вопием о тебе Богу: Аллилуйя.

Икос 5

Слышаша тя, исповедниче отче Косьмо, славного проповедника Православия, гнусные защитники безбожныя власти распыхахуся на тя злобою, воистину обличения безбожия их и утверждение веры Православныя в тебе добре ведуще. Сего ради тя, аки и многих ревнителей Православия, в темницу неправедно ввергли еси, венец мученический тебе уготовляя. Сего ради ублажаем тя:

Радуйся, Христу до смерти верность сохранивый.

Радуйся, от безбожныя власти пострадавый, оболганный и убиенный.

Радуйся, неправедныя власти обличение.

Радуйся, Православия в земле Саратовской прославление и утверждение.

Радуйся, жизнь свою за Православную веру отдавый.

Радуйся, самого себя в жертву чисту, святу, непорочну Господину Жатвы принесый.

Радуйся, яко в Соборе Новомучеников Российских достойно вселился еси.

Радуйся, яко до самого Страшного Суда о земле нашей ходатаю доблий являешися.

Радуйся, священномучениче Косьмо, похвало Земли Саратовския.

***

Читайте также:

  • Православные акафисты и каноны - постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
  • Православный молитвослов - постоянно пополняемый сборник православных молитв, канонов, псалтырь, толкования на молитвы и многое другое.

***

Кондак 6

Проповедует Церковь тебе, священномучениче Косьмо, яко славного защитника Православия, даже до крови и самыя смерти Христа исповедывавшего и чистоту веры соблюдшего. Сего ради мы, младшии братия твои, вопием о тебе Богу: Аллилуйя.

Икос 6

Возсиял еси в Земле Саратовской, священномучениче Косьмо, в утверждение непоколебимое Православныя Церкви: умом, словом и делом за Православие добре подвизался еси. Сего ради мы вседушно прославляем тя званиими сими:

Радуйся, утверждение Земли Российския.

Радуйся, Православныя Церкви похвало.

Радуйся, Земли нашея очищение.

Радуйся, безбожия и суеверия в ней искоренение.

Радуйся, залог в ней Православныя Церкви возрождения.

Радуйся, православных всех увеселение.

Радуйся, гражданин Небесного Царствия, от Земли Саратовския Самим Богом избранный.

Радуйся, житель Града Вышняго, верным чадам Церкви Православныя небесный дом уготовляяй.

Радуйся, священномучениче Косьмо, похвало Земли Саратовския.

Кондак 7

Хотя в годы лютых гонений, святый отче Косьмо, сохранити Православную веру в земле нашей, добрый защитник и охранитель Православия явился еси. Сего ради во веки светильник Христовой Церкви утвердился еси, подвизая нас вопити о тебе Богу: Аллилуйя.

Икос 7

Нового защитителя и проповедника Православныя веры исповедуем тя, славный отче Косьмо, яко до самыя смерти веру Христову в Отечестве нашем исповедал еси и кровью своею исповедание свое запечатлел еси. Сего ради и ныне, на небесех Царю всех предстоя, хлопочеши нам, меньшим братиям твоим, до самой кончины своея оставаться верными Святой Православной Церкви. Сего ради благодарно вопием ти:

Радуйся, упование наше непоколебимое.

Радуйся, утверждение Православия непостыдное.

Радуйся, пастырю предобрый.

Радуйся, исповедниче предивный.

Радуйся, в ограду Православной Церкви приводяяй.

Радуйся, всех верных чад Христовой Церкви тем увеселяяй.

Радуйся, до самыя смерти Христовой Церкви верным быти научаяй.

Радуйся, к исповедническому подвигу во вся дни жития своего уготовляти душу наставляяй.

Радуйся, священномучениче Косьмо, похвало Земли Саратовския.

Кондак 8

Странно есть людям безбожным маловерного века сего дивное житие твое, славный отче Косьмо: как, все земное стяжание свое отдав и звания сеятеля хлеба земного отрешився, сеятель Хлеба Небесного пребыл еси, не токмо ничего своего не жалея, но и саму жизнь за Христа полагая. Сего ради слышаши от всех верных: Аллилуйя.

Икос 8

Весь еси всем воистину пастырь добрый явился еси, славный мучениче Косьмо, не токмо делом, но и самим житием своим верныя чада Церкви во Православии утверждая. Сего ради отныне все вернии ублажают тя:

Радуйся, образе пастырям предивный,

Радуйся, наставниче премудрый,

Радуйся, мудрецов суетного века сего простотой евангельского учения обличивый.

Радуйся, саму жизнь за него, яко жертву чисту, святу, непорочну, на алтарь Христов усердно возложивый.

Радуйся, овец своих словесных в истиннем учении утвердивый.

Радуйся, аки Добрый Пастырь, душу свою за верных положивый.

Радуйся, всех верных Христу до смерти верным быти научивый.

Радуйся, житием своим Небесный Иерусалим возвеселивый.

Радуйся, священномучениче Косьмо, похвало Земли Саратовския.

Кондак 9

Вси философы суемудренные и безбожныя не разумеют, отчего во дни нашествия иноплеменных, грех ради наших на Землю Русскую Богом попущенного, безбожная власть лютые гонения на веру Христову ослабиша, попуская верным храмы поруганные открывати и службы в них совершати. Не ведуща бо, яко сила молитв новомучеников и исповедников российских о братиях своих, в гонениях сущих, сие сотвори, дабы вси на земли и на небеси воздаша славу Богу: Аллилуйя.

Икос 9

Вития суесловные суетного самонадеянного века сего, не ведаша премудрости Божией, не могут вместити, како во дни беды народныя верные сыны России на защиту поруганного от безбожной власти Отечества своего воссташа, от порабощения иноземного его защищая. Сего ради и Саратовская Земля жертву свою принесе. И – о чудо – двадесять и восемь богатырей наших сорок чудищ стальных остановили суть, дух и плоть свои крепче стали соделав. Сей подвиг предивный в день памяти кончины твоея, святый отче Косьмо, руками славных российских сынов совершив, Подвигоположник Господь чудное знамение показа, всесильное заступление твое и иных новомучеников и исповедников российских за Родину земную свою знаменуя. Сего ради мы, соотечественники твои, вопием ти:

Радуйся, за Русь Святую преславнеший воителю.

Радуйся, помощник нам во бранех на сопротивных.

Радуйся, Земли Саратовския и Всея России молитвенное ограждение.

Радуйся, Православия в ней защищение и утверждение.

Радуйся, всем воюющим за правду всеревностный споспешниче.

Радуйся, всех ревнующих об Отечестве своем всеусерднейший помощниче.

Радуйся, совопросников суетного века сего удивление и посрамление.

Радуйся, наше твердое молитвенное в разуме Христовом утверждение.

Радуйся, священномучениче Косьмо, похвало Земли Саратовския.

Кондак 10

Спасти хотящим душу свою всем воистину помощник явился еси, славный священноисповедниче Косьмо, всех в Православии назидая, от суеверия и обольщений века сего сохраняя, в Истине, Иже есть Христос Бог наш, утверждая и подвизая всех верных вопити о тебе Богу: Аллилуйя.

Икос 10

Стена еси всем верным чадам Православныя Церкви заступление твое, славный мучениче Косьмо. Яко сам во дни лютых гонений пребыл еси до конца верен святой Апостольской Православной Церкви, тако и ныне, на небесех Господу всех предстоя, ходатайствуеши о всех ищущих Пути спасения. Сего ради ублажаем тя:

Радуйся, наше истинное в вере православной утверждение.

Радуйся, всех с верой несогласных обличение и наставление.

Радуйся, истины Православия усерднейший ревнителю.

Радуйся, отступников от веры грозный обличителю.

Радуйся, богатство веры Православныя неистощимое.

Радуйся брашно нескончаемое жаждущим живота вечного.

Радуйся, кладезю неисчерпаемый воды живой.

Радуйся, светильник веры Православной, всем горяй и светяй.

Радуйся, священномучениче Косьмо, похвало Земли Саратовския.

Кондак 11

Пение Богу о тебе непрестанно приносим, отче святый: во дни гонений лютых, егда же отступление страшное в народе православном свершися и стадо Христово, грех ради наших, попираемо и уничтожаемо от неверных бысть, до конца верен пребыл еси Христу и Его Православной Церкви, Богу вопия: Аллилуйя.

Икос 11

Светоносному лучу и светильнику горящу было подобно славное житие твое, Священномучениче отче Косьмо. Во дни всеобщего обольщения верен евангельскому Свету Истины до конца пребыл еси, заставляя на небесех и на земли воспевати тебе:

Радуйся, твердый Православия исповедниче.

Радуйся, Церкви Православныя славнейший защитниче.

Радуйся, Православия в Земле Саратовской усерднейший поборниче.

Радуйся, веры Православныя в ней доблий проповедниче.

Радуйся, отступления от веры Православныя грозный обличителю.

Радуйся, Апостольских преданий и уставов всеусердный охранителю.

Радуйся, светильниче, нам в Царствие Небесное Путь указующий.

Радуйся, нам уклонятися от Пути истинного, Иже есть Христос Господь наш, грозно возбраняющий.

Радуйся, священномучениче Косьмо, похвало Земли Саратовския.

Кондак 12

Благодать, данную тебе в священстве, обильно умножил еси, исповедниче отче Косьмо, всех верных в ограде Святыя Православныя Церкви сохраняя и даже до конца жития своего верен Истине пребыл еси, сего ради и ныне на небесех достойно веселишися, поя всех Подателю Богу: Аллилуйя.

Икос 12

Поя славное житие твое, святый мучениче отче Косьмо, ныне вседушно тя прославляем, яко доброго защитника Православия и славного исповедника Христова. Сего ради прими от нас, немощных, похвалы сия:

Радуйся, Православныя Церкви всеусерднейший служителю.

Радуйся, всех христианских мучеников благодати сопричастниче.

Радуйся, пастырю стада Христова добрый и милостивый.

Радуйся, мысленных от волков от него отгонителю и истребителю.

Радуйся, святых небесных Ангел сожителю.

Радуйся, о нас, немощных, к Творцу Богу славный ходатаю.

Радуйся, похвало Небесная Земли Саратовския.

Радуйся, Церкви Православныя в Земле Российской охранение и утверждение.

Радуйся, священномучениче Косьмо, похвало Земли Саратовския.

Кондак 13

О, пречудный и преславный наш отче Косьмо, похвало Земли Саратовския и Всея Церкви Православныя украшение. Прими от нас похвалы сия, по долгу тебе приносимыя, и не остави ходатайством твоим у Престола Владыки нас грешных, вопиющих о тебе Богу: Аллилуйя.

Сей Кондак читается трижды, затем Икос 1 и Кондак 1.

Молитва cвященномученику Косьме Саратовскому

О славный священномучениче Косьмо, пастырю и учителю наш добрый, Церкви Православныя исповедниче и Земли Саратовския велие украшение. Ты, в годы лютых гонений безбожныя власти, иже тщашася веру Христову в Российской земле истребити, воистину пастырь добрый явился еси, делом, словом и самим житием своим Православие в Российской Земле утверждая и безбожие в ней обличая и искореняя. Темже исповедническим венцом от Пастыреначальника увенчан еси и к славному Собору Святых Новомучеников и Исповедников Православныя Церкви причтен.

Ныне, на небесех Царю всех предстоя, молишися ему о нас недостойных и грешных. Сего ради мы, меньшии братия твои, скорбями и искушениями обуреваемии, вопием ти сице: помоги нам, кроткий угодниче Христов, веру Христову до конца соблюсти, во всех заповедех и оправданиях Господних беспорочно пребывая. Исторгни нас от лютых страстей и искушений суетного и лукавого века сего, иже грех ради наших, ослабления любви и умножившихся беззаконий на нас находящих, злых клеврет и слуг их, иже суть волки хищные, что всуе тщатся вновь веру Православную в земле Российской истребити, обличи, да не возмогут ничесо же сказати противу Слова Истины, неправедно гонимых и обидимых оправдай, зло обличи и искорени, веру Православную на нашей Земле утверди.

Буди о Родине нашей до самого Страшного Суда Христова верный пред Богом Ходатаю.

Аще бо крест искушений и злостраданий наших терпеливо понести не возможем, но и тогда, угодниче кроткий Христов, не лиши нас небесного твоего заступления, вразумления и утешения, пастырю наш милостивый.

Буди также нам всем и во всем помощник и покровитель, и, как и во дни земного жития твоего, падающих воздвизай, малодушных утешай, заблудших вразумляй, упорствующих обличай, да не погибнем во злем упорстве нашем и не отпадем от Истины, Иже есть Господь наш Иисус Христос, но паче во Православии утвердимся.

Буди нам помощник во все дни жития нашего и по смерти нашея, да, водительством твоим укрепляеми, непреткновенно пройдем воздушныя мытарства и достигнем рая нам вожделенного, идеже с тобой и со всеми Святыми прославим дивного во Святых Своих Пастыря нашего Иисуса Христа, Ему же слава, честь и поклонение подобает со Безначальным Его Отцем и Единосущным Его Духом во веки веков. Аминь.

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru