Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные акафисты / Акафист старцу Даниилу Елисаветградскому


Православные акафисты

Акафист старцу Даниилу Елисаветградскому

Кондак 1

Избранник Божий, в земле елисаветградской просиявший, святый блаженный отче Данииле, имея любы неизреченную, всю злобу вражую сокрушил немилосердно. Всякому коварству демонскому посмеялся, за всякого приходящего к тебе в печали усердно подвизался. И ныне радуясь твоему заступлению и покровительству небесному, поем ти: 

Радуйся, блаженне Данииле, любы неизреченная.

Икос 1

Вемы дивный угодниче Божий суровость жития твоего. Яко ты мира отрешившись всего себе схоронил в землянке тобой самим отрытою. Место избрал благодатное идеже греческие иноки в скиту прежде подвизались. Во славную память твою поем сия похвалы:

Радуйся, великий подвижниче Антонию и Феодосию Киево-Печерским подражавый.

Радуйся, себе в трудах не пожалевый.

Радуйся, тело свое в труде, бдении и пощении изнуривый.

Радуйся, темже все страсти поправший.

Радуйся, благодати усердный стяжателю.

Радуйся, безмолвия ревнителю.

Радуйся, подвигами своими добре Господеви угодивый.

Радуйся, блаженне Данииле любы неизреченная.

Кондак 2

Велий крест воздвиг на ся блаженне отче Данииле. В подвизе юродства Христа ради многая лета Господу и ближнему своему послужил. Себе отрешившись и к Богу прилепившись многое дерзновение в Небесном Царстве обрел. Усердно молясь о всем мире у Престола Божия поминай нас вопиющих: Аллилуиа

Икос 2

Помня заповедь Божию "Кто из вас хочет быть большим, да будет вам слугою...", ты блаженне отче, взрастил сад фруктовый у реки Бианки. И плодами питал всех приходящих нищих и бездомных и детей тобою сугубо возлюбленных. Сего ради зовем ти:

Радуйся, труд и молитву к древу приложивый.

Радуйся, темже плод благодатный произрастивый:

Радуйся, яко всяк приходящий к тебе здравие телесе своему обретает.

Радуйся, яко всем прибегающим к тебе и души молитвою исцелявый.

Радуйся, усердный стяжателю благодати.

Радуйся, себе для ближнего не пожалевый.

Радуйся, угодниче Божий кроткий и трудолюбивый.

Радуйся, блаженне Данииле, любы неизреченная.

Кондак 3

Благословен град имущий святых заступников живущих в нем. Аще не укрепляется град многими воздыханиями угодников Божих к своему Владыке, не устоит во время лютое. Мы же радующеся яко имеем тебе заступником взываем ко Господу: Аллилуиа

Икос 3

Узнав о печали живущих близ тебе людей, яко не имуть источников водных, стал об нощ на молитву и три дня воздымал руце свои ко Господу, приклонив колена на камне, молил о даровании целебного источника. Услышав моление угодника своего, Владыка всякой твари утешил людей и забил благодатный источник, оный и ныне не иссяк. Радуясь яко молишися за нас и внимает тебе Господь вопием ти:

Радуйся, ходатаю наш милосердый.

Радуйся, молитвенниче неусыпающий.

Радуйся, упование всех елисаветградцев.

Радуйся, тобою дерзновение в молитве обретаем.

Радуйся, источник благодатный нам испросивший.

Радуйся, всех скорбящих утешение и заблудших вразумление.

Радуйся, блаженне Данииле, любы неизреченная.

Кондак 4

Николиже умолкала твоя молитва о граде нашем и в годы лютых гонений на Святую Соборную и Апостольскую Церковь усердствовал о нас. Молил о неразумных чадах, наследниках некогда великой православной державы. Уповая на скорое Воскресение Руси вопием ко Господу: Аллилуиа.

Икос 4

Ослепшие безбожники страха пред святыней не имея тщались погубить память о святем угоднике Божиим среди людей православных. Яко те, невзирая на гонения, во множестве притекали к твоей могилке и на источник за исцелением и укреплением духовным. И тамо пели ти:

Радуйся, скорый помощниче во всех обстояниях.

Радуйся, всегда молиши спастися душам нашим.

Радуйся, до скончания века заступник сему граду явился.

Радуйся, безбожные власти много посрамивший.

Радуйся, множество людей от разных недугов благодатию Божией исцеливший.

Радуйся, немощную дерзость демонскую нивочтоже вменивший.

Радуйся, град наш своею молитвою покрывший.

Радуйся, блаженне Данииле, любы неизреченная.

Кондак 5

Ревнуя о славе Божией многие чудеса при жизне своей явивый. Многия заблудшие к пути истинному обративый, врагов веры Христовой дерзновенно смиривший, поборников православия много укреплявый. О сем поем: Аллилуиа.

Икос 5

Упорный иноверец ища доказательств существования Божия к тебе прибегох и от тебе силу правыя веры уразумел. Яко ты засохшую палку в оледеневншую землю воткнул, молитву в землянке своей сотворил и вскоре палка расцвела дивным цветом на уверение всем о всемогуществе Христианского Бога. Иновернцы к правой вере обратившись православно вопиют ти:

Радуйся, чудотворче предивный.

Радуйся, славы Божия ревнителю.

Радуйся, иноверия искоренителю.

Радуйся, молитвенниче за весь мир неутомимый.

Радуйся, избранниче Божий.

Радуйся, помошниче наш добрый.

Радуйся, душ наших врачевателю благодатный.

Радуйся, блаженне Данииле, любы неизреченная.

Кондак 6

Подвизаясь возле кладбища не забывал и об упокоении успоших братий и сестер наших. По сорок дней молитву на могилках за успоших творил. Многие души лютых мучений избавил и к Горним селениям направил. Уповаем на многомощную помощь в час кончины нашея взываем ко Господу: Аллилуиа.

Икос 6

Мнози человецы недоумевая вспоминают како с палкой ополчился окрест усопшего богача и отгонял невидимых врагов. У гроба бедняка же воспевал в радости псалмы и с улыбкой молитвы творил. Богач погубил душу свою в суетных утехах мира сего и повели его беси восвояси. Праведную душу бедняка прияли ангелы Божии. Разумея вся сия воспеваем ти:

Радуйся, ведый сокрытое от человек.

Радуйся, яко ополчаешися за души усопших на падшие духи.

Радуйся, сведущий духовная еще бывше во плоти суще.

Радуйся, соеденившись с Господом падших духов ясно зрел и неубоялся.

Радуйся, бесплотных ангелов яснозрителю.

Радуйся, святость велию стяжавый.

Радуйся, в скорбях не роптавый.

Радуйся, блаженне Данииле, любы неизреченная.

Кондак 7

Небесный заступниче всех с верою имя твое призывающих. Унаследовал обетованное всем христианом райское блаженство, но и от нас не удалился, во всех наших скорбех пребываеши и скоро помогаеши, тем же зовем ти: Аллилуиа.

Икос 7

Кое прошение отринеши, коего ходатая скоро не услышиши, кого в беде сущаго не пожалееши? Гибнет род человеческий во гресех и страстех. Смрадом греховным помраченные прибегаем к заступничеству твоему. И якоже Господь не гнушался ни единого от человек, так и ты блаженне Данииле, всех любовью своею покрываеши. Мы же зовем ти:

Радуйся, блаженне отче, могущий нас от смрада греховного очистити.

Радуйся, угодниче Божий, подражавый Христу в великом снисхождении к людем.

Радуйся, к покаянию призывающий и покаяться много помогающий.

Радуйся, мног плод в земном житии твоем Владыце принесый.

Радуйся, Сыну Божию многие заблудщие овцы приведый.

Радуйся, ублажаемый от всех концев земли.

Радуйся, со ангелы возносиши Творцу хвалы.

Радуйся, блаженне Данииле, любы неизреченная.

Кондак 8

Юродствуя Христа ради многи дивные вещи творил блаженне отче. Много молитв в пещи просфорницы ко Господу вознесый и иные дела чудные во славу Божию совершал взывая Богу: Аллилуиа.

Икос 8

Божий человече, по слову Святого Евангелия многое самоотвержение совершил. Токмо Един Господь весть какую жертву ты смог Ему вознести. Мы же разумевая сугубую тяжесть такого делания зовем:

Радуйся, самоотверженный тружниче Божий.

Радуйся, трудами многими в друзи Божии причтенный.

Радуйся, многие поношения стерпевый.

Радуйся, многоразличных лишений неустрашивыйся.

Радуйся, в скорбех радующийся.

Радуйся, всего себе вверил Творцу своему.

Радуйся, своей воли отрешивыйся.

Радуйся, Господу соеденивыйся.

Радуйся, блаженне Данииле, любы неизреченная.

Кондак 9

Чада Божия препростые существа с велией радостию притекали к тебе и во время твоего земного жития и после блаженной кончины. И как прежде так и теперь взывают о тебе Богу: Аллилуиа.

Икос 9

Сладкое диво явил Господь на твоей могилке. Человецы прикладывающиеся ко мраморному кресту обоняли дивное благоухание и сладко бывало в гортани. Отроцы сугубо сей милостью Божией восхищались и взывали ти:

Радуйся, велие утешение дарованное человекам.

Радуйся, старче преславный.

Радуйся, воине Христов добропобедный.

Радуйся, мрака греховного разгонителю.

Радуйся, тьмы страстей потребителю.

Радуйся, отроком ангел хранитель.

Радуйся, блаженне Данииле, любы неизреченная.

Кондак 10

Много любы имея в сердце своем, всегда восхоте всякое благо ближнему творити. С велиим усердием заповедь Божию соблюдал, в каждом человеце образ Божий зрел. Всяких своих похотений отвергся и токмо Господу во всем угождал взывая: Аллилуиа.

Икос 10

Мнози человецы проплывая на кораблех мимо твоего сада бывали свидетели твоего о них промышления. Дивились проплывающие видя посреде древ человека в длинном власяном покрове и осенявшего их крестом. И не разумели яко ты милости для них у Господа просиши и благословение им свое посылаеши. Мы же поем ти:

Радуйся, безкорыстный добротворче.

Радуйся, яко возненавидел земную славу и возлюбивый небесную.

Радуйся, яко твоими молитвам греси прощаются.

Радуйся, яко твоим предстательством многая милости людем посылаются.

Радуйся, яко о многом можеши Владыку умолити.

Радуйся, яко ныне на Небесех Господа и вся Небесные Силы зриши.

Радуйся, яко и на земле сущих не забываеши.

Радуйся, блаженне Данииле, любы неизреченная.

Кондак 11

Врачу скорый и благодатный, тебе Господь открывал души человеческие и ты не медля помогал им. Подавая болящим исцеления укреплял их в вере в Бога и тако врачуя плоть спасал и души. Исцеленные же тобою взывают: Аллилуиа

Икос 11

Ныне, почивая не Небесех, в Бозе всякую язву нашу зриши и врачевание для нее веси. Мы же взыскуя твоего покрова во всех наших бедах и печалех веруем яко сможеши помощи аще токмо восхощеши и поем ти:

Радуйся, для всякия язвы врачевство в Господе имеющий.

Радуйся, врачевателю винопития непомерного.

Радуйся, могущий от рака избавити.

Радуйся, курильщикам и наркоманам помогающий.

Радуйся, болезни сердца исцелющий.

Радуйся, и плодоносящих не оставляющий.

Радуйся, всякой хвори могущий облегчение и врачевство подати.

Радуйся, блаженне Данииле, любы неизреченная.

Кондак 12

Многих дарований сподобил тя Господь. Вся сия прияв усердно людем служил. Ибо не для ся дарования приял, но для служения ближнему пребывающему в многоразличных скорбных обстояниях. Сего ради поем Богу: Аллилуиа.

Икос 12

Яко подобает угоднику Божию дар прозорливости, чудотворения и пророчества имел. Видел будущая аки настоящая, многобразная чудеса творил и помыслы человеческие Господь тебе открыл. Человецы приявшие от тебе милость взывают радостно:

Радуйся, лозо винограда Христова мног плод принесшая.

Радуйся, и ныне множество плодов приносиши.

Радуйся, яко исхищаеши человецы из пасти львов.

Радуйся, яко молиши Бога пробавити нам время на покаяние.

Радуйся, яко ходатайствуеши для всех нас райския селения улучити.

Радуйся, яко ты молиши о граде нашем.

Радуйся, яко твоими молитвам вера православная утверждается.

Радуйся, царства русского столпе непоколебимый.

Радуйся, блаженне Данииле, любы неизреченная.

Кондак 13

О славный и всехвальный угодниче Божий много потрудивыйся в земном житии и в Небесном Царстве блаженства унаследовавый. Моли Владыку о всех призывающих тя, о граде нашем и о всей земле русской и испроси нам вся благая ко спасению. Да зовем ти в радости: Аллилуиа, Аллилуиа, Аллилуиа.

Сей Кондак читается трижды, затем Икос 1 и Кондак 1.

Молитва старцу Даниилу Елисаветградскому

Многомощный молитвенниче наш, избранниче земли елисаветградской. Ты творил токмо угодное Богу и Господь Иисус Христос всегда пребывал с тобою. И ныне обретя дерзновение на Небесах можешь многия милости нам грешным испросити. Молим тя отче Данииле, испроси у Господа телу здравие, души спасение, в семьях пробави любы и терпения, болящим ослабу и грехов прощения, скорбящим утешение, граду нашему утверждение, Святой Руси Воскресение, Вере Православной от расколов и ересей сохранение, начальствующим страха божия, отроком воспитания и всем вся благая коемуждо благопотребно.
Наипаче моли Господа уберечься православным от антихристовых прельщений. От печати зверя сохранение; от глада, труса, мора и нашествия иноплеменников спасение. Аще случатся гонения, укрепи нас в мужестве и терпении до смерти исповедывать Имя Иисуса Христа во славу Бога Отца во веки. Аминь.

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru