Православные каноны / Канон святителю Иоанну Златоусту

Православные каноны

Канон святителю Иоанну Златоусту

Память: 27 января / 9 февраля, 30 января / 12 февраля (Собор вселенских учителей), 14 сентября / 27 сентября, 13 ноября / 26 ноября

Святитель Иоанн Златоуст - величайший и самый творчески плодовитый христианский богословов, апологет, нравоучитель, библейский толкователь и гимнограф.

Святитель Иоанн Златоуст. Икона, первая половина XVI века. Ярославль

Глас 8

Песнь 1

Ирмос: Колесницегонителя фарабня погрузи чудотворяй иногда Моисейский жезл, крестообразно поразив и разделив море, Израиля же беглеца, пешеходца, спасе, песнь Богови воспевающа.

Припев: Святителю отче Иоанне, моли Бога о нас.

Покаяния быв теплейший проповедник, Златоусте, покаятися мне, отче, Богу молися от всего сердца моего и древних прегрешений исцелити язвы твоим страдательством умоли.

Всю зарю Святаго Духа, отче, приим, всесветел явился еси столп, предводителей Церкве, преподобне, светел же облак, всеблаженне, осеняющ православных соборы.

Слава Отцу, и Сыну, и Святому Духу.

От Христа рукоположен учитель, Божественная учения златовидным языком, мыслию же Богомудрою богатно ты источил еси: Божия бо река, вод исполнен Духа, явился еси, Богоявленне Златоусте.

И ныне и присно, и во веки веков. Аминь.

Богородичен: Преукрашена различием благодати, Богорадованная, Отчее Слово, плоть бывшее за благоутробие многое паче ума и словесе, Благословенная, родила еси, пребывши Дева нескверная.

Песнь 3

Ирмос: Утверждей в начале Небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, едине Человеколюбче.

Припев: Святителю отче Иоанне, моли Бога о нас.

Умом Ты Христовым обогащся, твоим чистым житием человеком спасения был еси споспешник и повествователь, действитель, Златоусте, учительства точа спасительная, Богодохновенне.

От невещественных сокровищ Духа ты обогатився, от источников спасения почерпл еси приснотекущий источник учений и напоил еси все Церкве, преподобне отче, лице.

Слава Отцу, и Сыну, и Святому Духу.

Оляденевшия душевныя, Златоусте, нивы, премудрым земледеланием словес изчистил еси, мудре, и плодоносны показал еси, Небесными тучами сия напаяя, Богоприятне.

И ныне и присно, и во веки веков. Аминь.

Богородичен: Порока в Тебе и скверны несть отнюд, Дево, обитель же паче явилася еси Небесных благостей, в Тебе бо вселися добродетелей вся святыня, Всенепорочная.

Господи, помилуй, трижды.

Седален, глас 8

Неизреченныя мудрости Боговидно почерпл еси богатство разума, всем сокровищствовал еси Православия воды, верных убо сердца Божественне веселящия, неверных же мнения достойно погружающия: тем отобоюду благочестия потами показался еси непобедный Троицы поборник, Иоанне Златоусте. Моли Христа Бога грехов оставление даровати празднующим любовию святую память твою.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча, и нашу нищету посетив. Тем с пророком Аввакумом зову Ти: силе Твоей слава, Человеколюбче.

Припев: Святителю отче Иоанне, моли Бога о нас.

Инаго нам апостолов единонравнаго, иже промышлением всех промышляя, яко Благ, даде Христос тя, Небеснаго тайноводства проповедника и Божественнаго сказателя таин Горних, Иоанне всеблаженне Златоусте.

Златозарнаго и златословеснаго, почтим Златоустаго Иоанна, вся позлатившаго златовидными сиянии учения и мир языком просветивша, злата светлейшим и света полнейшим, источающим благодать Божественную.

Слава Отцу, и Сыну, и Святому Духу.

Весь был еси Божие жилище, весь явился еси орган Духа, возглашающ всякия добродетели Богодохновенную песнь, и спасения вину, и доброту являя Небеснаго Царствия, Иоанне всеблаженне Златоусте.

Ты Божие благоутробие проповедал еси, покаяния образы излагая, и злых отбежания изящнейше поучая, преблаженне и всесовершеннейше, и о делех изрядных поучения источая, всечестне отче Златоусте.

И ныне и присно, и во веки веков. Аминь.

 Богородичен: По Бозе предстательницу Тя стяжахом, Ты бо Божия Мати была еси Творца и Содетеля, и наш зрак приемшаго, Всенепорочная, и сей спасшаго от тли и смерти и славою Божественною прославившаго.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго; но обрати мя и к свету заповедей Твоих пути моя направи, молюся.

Припев: Святителю отче Иоанне, моли Бога о нас.

Церковнаго светильника вси тя вемы световиднейшаго и душам спасительнаго, восхищающаго сия из гортани смертоносныя и к жизни путеводяща вечней, отче приснопеваемый.

Разрушаеши ополчения еретичествующих, треблаженне, оградився благочестия оружии и мужеством души, священнейше, собираеши же, радуяся пресветло, православных лики союзом Духа.

Слава Отцу, и Сыну, и Святому Духу.

Исполнены, якоже фиалы, Божественных аромат ланиты твоя и вселенную умными благовонии веселят мироварным тайноводством разумений и добротою словес твоих, всемудре.

И ныне и присно, и во веки веков. Аминь.

Богородичен: Яко Бога заченши, Содетеля же, и Зиждителя, и Господа, роди Тя вси человечестии, Чистая, ублажают, и Безтелесных разумная чиноначалия яко Матерь Божию Тя славят.

Песнь 6

Ирмос: Очисти мя Спасе, многа бо беззакония моя, и из глубины зол возведи, молюся: к Тебе бо возопих, и услыши мя, Боже спасения моего.

Припев: Святителю отче Иоанне, моли Бога о нас.

Мудростию духовною мир весь обогатил еси, словесе раздаватель быв богатый: богата бо свыше, иерарше, благодать излияся твоим устнам.

Во всю, яко молния, землю изыде вещание твое, и сила же твоих глагол, Златоусте, яко труба велегласная, вселенныя вся огласи концы.

Слава Отцу, и Сыну, и Святому Духу.

Свыше во истканную ризу одеявся, всеблаженне, добродетелей и словес красотою обложився, истины явился еси славное утверждение.

И ныне и присно, и во веки веков. Аминь.

Богородичен: Вседержительною силою носяй всяческая, в немощную плоть из Тебе одеявся, Дево Пренепорочная, на благодеяние человеков Человеколюбец.

Господи, помилуй, трижды. Слава, и ныне:

Кондак, глас 6

От Небес приял еси Божественную благодать, и твоими устнами вся учиши покланятися в Троице единому Богу, Иоанне Златоусте, всеблаженне преподобне, достойно хвалим тя: еси бо наставник, яко Божественная являя.

Икос

Всех Творцу преклоняю колена, превечному Слову руки простираю, слова ища дарование, да воспою преподобнаго, егоже Сам возвеличи, глаголет бо пророком Живый во веки: прославлю верою славящия Мя. Иже убо в древних Самуила возвысивый, прослави ныне иерарха: талант бо, емуже вверися, добре купльствовав, Царю принесе, тем и превозвышши его Пресущественный. Сего благодати прошу недостоиный аз слово прияти ми, да возмогу благочестно воспети того: концей бо той есть наставник, яко Божественная являя.

Песнь 7

Ирмос: Божия снизхождения огнь устыдеся в Вавилоне иногда, сего ради отроцы в пещи радованною ногою, яко во цветнице, ликующе, пояху: благословен еси, Боже отец наших.

Припев: Святителю отче Иоанне, моли Бога о нас.

Благости бездну и благоутробия навык Божия, поручник явился еси спасения кающимся тепле и вседушно Господу зовущим: благословен Бог отец наших.

Управляеши, Златоусте, учении твоими всякую мысль, и душевныя врачуеши немощи, яко сострадательнейший, и благотекущим споеши, веселяся: благословен Бог отец наших.

Слава Отцу, и Сыну, и Святому Духу.

Возвысился еси, быв избран, преподобен, незлобив, священник Высочайшаго, правдою одеян светло и веселием, зовый, всебогате: благословен Бог отец наших.

И ныне и присно, и во веки веков. Аминь.

Богородичен: Зачала еси, Пречистая, Сущаго над всеми Бога и Господа, благоволившаго спасти человеческий род от тления и смерти. Егоже, достойно поюще, зовем: благословен Бог отец наших.

Песнь 8

Ирмос: Седмерицею пещь халдейский мучитель Богочестивым неистовно разжже, силою же лучшею спасены, сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Припев: Святителю отче Иоанне, моли Бога о нас.

Иже разумно словесем твоим беседующе, Златоусте, Богословия честному учимся, и всеплодствуем благих полезное, и злобы отбегаем вреда: общий бо строитель спасения был еси, вопия: превозносите Христа во веки.

За ны моли Владыку, Златоусте, сострадательнейшее дерзновение имея и милостивною и человеколюбною твоею, отче, любовию: тя бо ко Спасу предлагаем, вернии, ходатая же, и предстателя, и теплейша молитвенника, Богомудре иерарше, всеблаженне Иоанне.

Слава Отцу, и Сыну, и Святому Духу.

Юношское противление, и непреклонное мудрование, и царствующих неправду обличил еси, тепле предстательствуя обидимыя, преподобне; и сирот, и вдов, и нищих отец был еси любовным предложением, превозносите, вопия, Христа во веки.

И ныне и присно, и во веки веков.

Аминь. Богородичен: Телесными образовании, и различными гадании, и символическими, и знаменательными предъявленьми, Твое провозвестиша Богоглаголивии рождество, преестественное и чудное, Дево; тем Тя, веселящеся, благочестно воспеваем, Христа превозносяще во вся веки.

Песнь 9

Ирмос: Ужасеся о сем Небо, и земли удивишася концы, яко Бог явися человеком плотски, и чрево Твое бысть пространнейшее Небес: тем Тя, Богородицу, Ангелов и человек чиноначалия величают.

Припев: Святителю отче Иоанне, моли Бога о нас.

Истинно наслаждаяся, отче, жизни, о нейже подвизался еси, елико мощно, на земли житием преизяществовав Ангельским и Христов стяжав язык и уста тихая: спастися, Богоглаголиве, моли тя верою изящне блажащим.

Словеса твоя, треблаженне, словеса жизни, жизнь ходатайствующая неконечную: тя бо источника текуща показа Христос и реку, проливающу Божественных потоки учений, сладости истинно поток, оставления же струю и покаяния светла проповедника.

Слава Отцу, и Сыну, и Святому Духу.

Ходатай явился еси, священноначальниче, Бога и человеков пресветлый, ты бо светильник явился еси благочестия Богосветлый и Божественнаго знания и милостыни наказатель: тем тя, златослове, сердечною люобвию ныне достойно величаем.

И ныне и присно, и во веки веков. Аминь.

Богородичен: Чистая препрославленная Мати Божия, поющия Тя любовию спасай, искушений молву разрешающи милостивно. Яко бо Бога рождши, вся, елико хощеши, совершаеши, успеваеши невозбранно и можеши, Дево. Тем Тя вси величаем.

Светилен

Златозарными словесы твоими Христова Церковь светлеется ясно, о Златоусте отче! Души же веселятся верных, почитающия всесвятую твою память, ты бо всем показался еси покаяния наставник и вождь спасения.

***

Молитва святителю Иоанну Златоусту:

• Молитва святителю Иоанну Златоусту. Святитель Иоанн Златоуст - величайший и самый творчески плодовитый христианский богословов, апологет, нравоучитель, библейский толкователь и гимнограф. Святитель Иоанн Златоуст небесный покровитель ученых, всех церковнослужителей, богословов, апологетов, миссионеров. Святителю Иоанну молятся об укреплении веры, в том числе и при гонениях, даровании молитвенности, разумения веры и Священного Писания, об обращении иноверцев, сектантов и раскольников. К его помощи прибегают при душевных недугах, в состоянии отчаяния и мыслях о самоубийстве

Акафист святителю Иоанну Златоусту:

• Акафист святителю Иоанну Златоустому
• Акафист трем святителям Василию Великому, Григорию Богослову и Иоанну Златоустому

Канон святителю Иоанну Златоусту:

• Канон святителю Иоанну Златоусту
• Канон первый трем святителям Василию Великому, Григорию Богослову и Иоанну Златоустому
• Канон второй трем святителям Василию Великому, Григорию Богослову и Иоанну Златоустому

Житийная и научно-историческая литература о святителе Иоанне Златоусте:

• Святитель Иоанн Златоустый, архиепископ Константинопольский - Православие.Ru
• Святители Василий Великий, Григорий Богослов, Иоанн Златоуст - Александра Кузьмичёва

Труды святителя Иоанна Златоуста:

• Шесть слов о священстве
• Огласительное слово на Пасху
• Святого отца нашего Иоанна Златоустого уроки о воспитании - святитель Феофан Затворник
• Против еретиков
• Беседа на день Крещения Христова святителя Иоанна Златоустого, архиепископа Константинопольского - святитель Иоанн Златоуст
• Слово на Богоявление Господне
• Поучения святого Иоанна Златоуста о сквернословии
• На Святое Рождество Христово
• "Беседа о воскресении мертвых"
• "К иудеям и эллинам, и еретикам; и на слова: "был... зван Иисус... на брак""
• "О судьбе и провидении"
• "Против аномеев"
• "Против иудеев"
• "Рассуждение против иудеев и язычников о том, что Иисус Христос есть истинный Бог"
• "Слово к тем, которые соблазняются происшедшими несчастьями"
• "Беседа на слова: "Отче Мой! если возможно, да минует Меня чаша сия; впрочем, не как Я хочу, но как Ты""
• "Беседа сказанная в великой церкви, после того как (епископ) сказал немного на Евангелие, на слова: "Сын ничего не может творить Сам от Себя, если не увидит Отца творящего""
• "Беседы о святых Маккавеях"
• "Восемь слов на Книгу Бытия"
• "Беседы на книгу Бытия"
• "Пять слов об Анне"
• "Беседы о Давиде и Сауле"
• "Беседа об Илии и вдовице, а также и о милостыне"
• "Беседы на Псалмы"
• "Две Беседы на слова пророка Давида: "Не бойся, когда разбогатеет человек""
• "Беседа в великую седмицу"
• "О праведном и блаженном Иове"
• "В отношении отсутствующих и изложение состязаний и подвигов блаженного и праведного Иова"
• "Отрывки на книгу блаженного Иова"
• "Толкования на Притчи Соломона"
• "Толкование на пророка Исайю"
• "Толкование на пророка Иеремию"
• "Беседы на слова пророков Исаии и Иеремии"
• "Толкование на книгу пророка Даниила"
• "О неясности пророчеств"
• "О Сусанне"
• "Об Иосифе и целомудрии"
• "Слово о змее, повешенном на кресте Моисеем в пустыне, и о божественной Троице"
• "Слово о пророке Илие"
• "Слово о трех отроках и о печи вавилонской"
• "Обозрение книг Ветхого Завета"
• "О творении мира"
• "Беседа о жене хананейской, сказанная по возвращении святителя из ссылки"
• "Беседы на Евангелие от Матфея"
• "Беседы на святую Пятидесятницу"
• "Беседы о кресте и разбойнике"
• "Беседы о предательстве Иуды"
• "Беседы на Евангелие от Иоанна Богослова"
• "Беседы на Деяния Апостольские"
• "Беседы о надписании книги Деяний"
• "Беседы на Послание к Римлянам"
• "Беседы на первое послание к Коринфянам"
• "Беседы на второе послание к Коринфянам"
• "Толкование на послание к Галатам"
• "Толкование на послание к Ефесянам"
• "Толкование на послание к Филиппийцам"
• "Толкование на послание к Колоссянам"
• "Толкование на первое послание к Фессалоникийцам"
• "Толкование на второе послание к Фессалоникийцам"
• "Толкование на первое послание к Тимофею"
• "Толкование на второе послание к Тимофею"
• "Толкование на послание к Титу"
• "Толкование на послание к Филимону"
• "Толкование на послание к Евреям"
• "Беседа на притчу о должнике десятью тысячами талантов, взыскивавшем сто динариев Мф. 18:23–35, и о том, что злопамятство хуже всякого греха"
• "Семь слов о Лазаре"
• "Беседа о расслабленном, спущенном чрез кровлю; о том, что он не тот же самый, о котором говорится у Иоанна; и о равенстве Сына с Отцом"
• "Слово о четверодневном Лазаре"
• "Гомилия на слова: "И не сим только, но хвалимся и скорбями""
• "Беседа о жизни по Богу и на слова: "Тесны́ врата" и пр. Мф. 7:14, и изъяснение молитвы: "Отче наш""
• "Беседа на слова Апостола: "Знаем, что любящим Бога, ...все содействует ко благу" Рим.8:28, о терпении и о том, сколько пользы от скорбей"
• "Беседа против непришедших в собрание"
• "Две беседы на слова: "Приветствуйте Прискиллу и Акилу" и проч. Рим. 16:3"
• "Беседа на слова апостола: "Не хочу оставить вас, братия, в неведении, что отцы наши все были под облаком, и все прошли сквозь море" 1Кор.10:1"
• "Гомилия на слова апостола: "Ибо надлежит быть и разномыслиям между вами, дабы открылись между вами искусные" 1Кор. 11:19"
• "Беседы на слова апостола: "Но, имея тот же дух веры, как написано..." 2Кор.4:13"
• "Беседа на слова апостола: "О, если бы вы несколько были снисходительны к моему неразумию!" 2Кор.11:1"
• "Беседа против тех, которые злоупотребляют апостольским изречением: "Как бы ни проповедали Христа, притворно или искренно" Флп. 1:18, и о смирении"
• "Беседа сказанная в старой церкви на слова апостола: "Когда же Петр пришел в Антиохию, то я лично противостал ему" Гал.2:11"
• "Беседа на апостольские слова: "Знай же, что в последние дни наступят времена тяжкие" 2Тим.3:1"
• "Четыре беседы "О перемене имен""
• "Беседа на слова: "Какою властью Ты это делаешь?" Мф.21:23"
• "Отрывки толкований на Соборные Послания"
• "Беседа о Мелхиседеке"
• "О реке Иордане"
• "Беседа о мучениках и о сокрушении и милостыне"
• "Беседа о наслаждении будущими благами и ничтожестве настоящих"
• "Беседа против оставивших церковь и ушедших на конские ристалища и зрелища"
• "Слово о том, что кто сам себе не вредит, тому никто вредить не может"
• "Слово против упивающихся и о воскресении, сказанное во святую и великую неделю Пасхи"
• "К Феодору падшему увещания"
• "О душевном сокрушении"
• "К враждующим против тех, которые привлекают к монашеской жизни"
• "К Стагирию подвижнику"
• "Беседы о бессилии дьявола"
• "Книга о девстве"
• "Слово к жившим вместе с девственницами"
• "Слово к девственницам, жившим вместе с мужчинами"
• "К молодой вдове"
• "Беседы о браке"
• "Беседы о покаянии"
• "Беседа о том, что говорить к народу с угодливостью опасно как для тех, кто говорит, так и для тех, кто их слушает, и что речь против собственных прегрешений – полезна и является величайшей справедливостью"
• "Гомилия "О милостыне""
• "Беседа о том, что не должно разглашать грехов братий и молиться о вреде врагам"
• "Беседа о скорбях"
• "Беседа о воздержании"
• "Беседа о том, что никому не должно отчаиваться"
• "Об утешении при смерти"
• "Беседа о совершенной любви, и о воздаянии по достоинству дел, и о сокрушении"
• "Беседа о том, что один Законодатель Ветхого и Нового заветов, также об одежде священника, и о покаянии"
• "Слово о проклятии"
• "Беседа, когда Сатурнин и Аврелиан были отправлены в ссылку, и Гайна вышел из города, и о сребролюбии"
• "Беседа после землетрясения"
• "Беседы о св. Апостоле Павле"
• "Беседы о статуях"
• "Огласительные гомилии"
• "Похвала египетским мученикам"
• "Похвала епископу Диодору, который предварительно проповедывал и восхвалял Иоанна Златоуста"
• "Похвала святому отцу нашему Евстафию, архиепископу Антиохии великой"
• "Похвалы святым"
• "Слова огласительные"
• "Слово на Новый год"
• "Беседа на кладбище и о Кресте Господа и Бога и Спасителя Иисуса Христа"
• "Похвальные беседы на праздники Господни и святых"
• "Беседа по рукоположении во пресвитера"
• "Беседа по возвращении из изгнания"
• "Слово о принятии Севериана"
• "Беседа пред отправлением в ссылку"
• "Беседы по возвращении из первой ссылки"
• "Письма к разным лицам"
• "Выборки из разных слов св. Иоанна Златоуста"
• "Духовный жемчуг"
• "Одиннадцать бесед св. Иоанна Златоуста"
• "Златые струи от Златых уст"
• "Наставления причастникам святых Христовых Тайн по творениям св. Иоанна Златоустаго"
• "Дополнения к беседам"
• "Две молитвы Иоанна Златоуста"
• "Молитвы об одержимых демонами и всякою немощию"

Читать другие акафисты раздела "Православные акафисты"