Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Авторы
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Библиотека
• Миссия

• Молитвослов
• Акафисты
• Календарь
• Праздники

• О посте

• Мы - русские.
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист всем Сербским святым


Православные акафисты

Акафист всем Сербским святым

Кондак 1

Избраннии угодницы Божии, честнейшии леторасли рода Сербскаго, премирнии крини райскии, от вертограда Церкви Сербския узбраннии и в Раи небеснии изнесеннии, улучили бо спасение от Господа. Молим вас, отцы Богоноснии: помозите нам молитвами вашими и свободите нас плена греховнаго, да вам всегда взываем:

Радуйтеся, вси святии угодницы Божии, рода Сербскаго молитвенницы.

Икос 1

Ангели рода Сербскаго вы есте, отцы Богоноснии, ангельски на земли поживши, со Ангелами днесь на Небеси водворилися есте, отнюдуже присно согревает нас благодать теплая молитв ваших, светом Небесным озаряя и мрак греховный от душ наших отгоняя. Сего ради от сердец приносим вам похвалу сию:

Радуйтеся, ангели добрии рода Сербскаго.

Радуйтеся, путеводители наша стезями спасения.

Радуйтеся, столпи утверждения Сербския Православныя Церкви.

Радуйтеся, светоноснии светила Небеснии.

Радуйтеся, дивнии учители Православия.

Радуйтеся, благоухании цветове благочестия.

Радуйтеся, святии иерарси Христовы.

Радуйтеся, святии благовернии царие.

Радуйтеся, князи и деспоты Сербстии.

Радуйтеся, мученики и мученицы неисчетнии, за Христа пострадавшии.

Радуйтеся, преподобнии отцы и матери наша, усердно Христу послужившии.

Радуйтеся, праведницы Христовы.

Радуйтеся, молитвенницы наша пред Господом.

Радуйтеся, вси святии угодницы Божии, рода Сербскаго молитвенницы.

Кондак 2

Ведяще вас, свтлии столпи огненнии, пути наша в нощи живота сего ясно озаряющие, преподобный Симеоне Мироточиве и святителю Савво, рождие онаго честное, бысте бо яко первенцы святительства в роде Сербстем, восхвалим Господа Бога за милость Его и принесем Ему: Аллилуия.

Икос 2

Разумом небесным разсудиша, богомудрии отцы наша, презрели есте все лепоты мира сего, и во Христе обрели утешение и мир душам вашим. И ныне купно со Христом пребываете в Царствии Небеснем, славяще Бога и моляше Его о благоустроении, мире и спасении рода Сербскаго. Сего ради приносим вам хвалы сицевыя:

Радуйтеся, сосуды благодати Христовой.

Радуйтеся, подвижницы, яко подвигами своими всю землю Сербскую озаряете.

Радуйтеся, постницы, яко постом и молитвою все освящаете.

Радуйтеся, чудотворцы, яко чудесами своими весь род Сербский осияваете.

Радуйтеся, бисери духовнии, яко от Сербскаго рода до Горнего Сиона возблистали есте.

Радуйтеся, яко добротою душ ваших Христу Богу угодили есте.

Радуйтеся, вси святии угодницы Божии, рода Сербскаго молитвенницы.

Кондак 3

Силою Христовой исполнени святители Сербстии, богомудрии отцы наша, архиепископы и епископы: Арсение, Савво вторый, Григорие, Евстафие, Иакове, Савво третий и Никодиме, вернии пастыри духовнаго стада Сербской Церкви Христовой. Молите пастыреначальника Христа, да и нас, заблудших овец Своих приимет, утвердит и наставит – да будем достойнии наследницы ваша; праведно и богоугодно поживши в веце сем, да возможем купно с вами вовеки пети Богу: Аллилуия.

Икос 3

Едино желание имевши: Единому Христу Спасу угодити и праведно и истинно Ему послужити, святии и преблаженнии отцы наша, архипастыри стада Христова, удостоилися есте от Господа Царства Небеснаго и яко победители венчалися венцем Славы непреходящия. Молим вас, отцы святии, молитеся Господу Христу, да и нас удостоит удела спасаемых, дабы возмогли благодарственно приносити вам овую похвалу:

Радуйтеся, вернии архипастыри Сербския Православныя Церкви.

Радуйтеся, добрии учители и просветители рода Сербскаго.

Радуйтеся, достойнии наследницы небесной радости и непреходящия славы святых.

Радуйтеся, причастницы заслужливии Райскаго блаженства и света невечернего.

Радуйтеся, яко с горних высот славы вашей милостивно призираете на нас, долу приметающихся.

Радуйтеся, яко нас, духовное стадо ваше и чад рода вашего, ныне с любовию присещаете.

Радуйтеся, вси святии угодницы Божии, рода Сербскаго молитвенницы.

Кондак 4

Бурю животную неустрашимо подъяли, и царство земное на Небесное пременили, богоблаженнии иерарси и мудрии правители Сербския Православныя Церкви: Данииле вторый, Иоанникие, Спиридоне, Ефреме, Кирилле и Никоне, и Максиме, деспоты Сербстии. Того ради обогати вас Христос вечным и некрадомым богатством. Молим вас, отцы святии, не забудите нас, но молите о спасении всех, взывающих Богу: Аллилуия.

Икос 4

Вашу любовь ко Господу видевше, святии Сербстии, и ревность вашу во исполнении заповедей Христовых свидетельствоваше, примером вашим возогреваемии, понуждаем себе, да всякую леность отринувши, ополчимся к подвигом духовным. Имаши вас в пути сем, яко незаблудливых учителей и путеводителей, радостно приносим вам похвалу сицевую:

Радуйтеся, неустанни молитвенницы пред Богом за мир всего мира.

Радуйтеся, достойнии наслдницы райскаго блаженства.

Радуйтеся, яко вы постом и молитвою души ваша хранили.

Радуйтеся, яко терпением и неусыпным бдением врага невидимаго всяко препобедили есте.

Радуйтеся, яко своими усердными молитвами ко Господу народ свой сохраняли.

Радуйтеся, яко примером жития богоугоднаго народ Сербский к Богу обращали.

Радуйтеся, вси святии угодницы Божии, рода Сербскаго молитвенницы.

Кондак 5

Яко богосветлии звезды показастеся на небесе Православныя Сербския Церкви, славнии иерарси Христовы: Макарие, Гаврииле первый, Клименте Охридский, Василие Острожский, Савво Ердельский, Петре Цетинский и Евстратие. Молимо вас, боголюбивии отцы наша, не престайте молитися ко Господу, да избавит нас от всякия напасти и всякаго зла; да вашим предстательством спасеннии, воспоем Богу Спасу нашему во веки веков: Аллилуия.

Икос 5

Слышавши о вашем святем житии, коим вы землю Сербскую освятили и народ Сербстий просветили, дивимся ревности вашей и любви ко Христу. Милосердному Господу яко вернии подражающе, осените и нас молитвами вашими и на стезю покаяния и спасения наставьте, да вам усердно вопием:

Радуйтеся, орли небопарнии, от земнаго долу смело горе возлетевшии.

Радуйтеся, ластовицы сладкогласнии, землю Сербскую исполнившии велелепотою молитв ваших.

Радуйтеся, яко вас Господь, еще на земли, прослави благодатию чудотворений и дарами исцелений.

Радуйтеся, яко вас с небесе осия трисолнечным светом.

Радуйтеся, яко награда ваша многа на небеси.

Радуйтеся, яко души ваша, солнцу подобящеся, светом сияют незаходимым.

Радуйтеся, вси святии угодницы Божии, рода Сербскаго молитвенницы.

Кондак 6

Проповедницы Евангелия не токмо словесы, но и житием своим пказастеся, подобящеся апостолом Христовым, преподобнии отцы наша: Науме Охридский, Горазде, Ангеларие и Савво, Гаврииле Лесновский, Прохоре Печинский, Иоакиме Осоговский, Симоне монаше, Давиде и Петре Коришские. Сего ради увенча вас Христос Господь венцем славы, да царствуете с Ним вечно в обителех Райских. О преблаженнии отцы наша чудотворцы, молите Христа Спаса, да не лишит и нас небеснаго наследия, радостно взывающих Ему: Аллилуия.

Икос 6

Возсиясте на небеси Церкви Сербския, яко светила богосветлии, всю землю Сербскую чудесами вашими осиявая, присноблаженнии отцы наша. Се бо святии имена ваша с любовию и похвалой поминаем, от края до края земли Сербския, и поем вам со тщанием:

Радуйтеся, усерднии вестницы всемощности и славы Христовой.

Радуйтеся, ревностнии подвижницы, свидетелие любви Христовой.

Радуйтеся, яко молитвами вашими исцеляете болезни душевнии и телеснии.

Радуйтеся, яко коротостию своею множество верных привлекли Царю Небесному Христу.

Радуйтеся, яко бо от Господа восприяли власть на духов нечистых.

Радуйтеся, ратоборцы духовнии, Честным Крестом вооруженнии, смирением же и правдою.

Радуйтеся, вси святии угодницы Божии, рода Сербскаго молитвенницы.

Кондак 7

Праведно жити во Христе возжелавшии, в вас обрели пример жития богоугоднаго, преподобнии и богоноснии отцы наша: Феоктисте- Драгутине, царю Сербский, Григорие молчальниче, Иоанникие Девиченский, Евфимие, Ефреме и Несторе Дечанстии, Иоасафе, царевиче Метеорский, и Нектарие Битольский, яко вы оставиша вся красная мира сего, да у Христа обрящете мир душам вашим. Молитеся ко Господу Христу о благоденствии и спасении народа Сербскаго, яко да и нас, убогих, удостоит Царствия Небеснаго. Темже вопием Творцу: Аллилуия.

Икос 7

Новый Сион возста на земли Сербстей, аще убо из нея произыдоша чада духовнии, деннонощно Господа славословящии. И тако ныне светлии соборы отцев преподобных, яко многоценнии адаманты рода Сербскаго, влекут нас к радости о Дусе Святе; труды же и подвизи их славнии понуждают нас приносити им достойнии хвалы сицевыя:

Радуйтеся, велиции угодницы Божии, яко величием подвигов ваших Ангелов удивили есте.

Радуйтеся, преславнии чудотворцы, вы бо во всех бедах и нуждах людем добрии помощницы есте.

Радуйтеся, благодатнии избранницы рода Сербскаго.

Радуйтеся, духовная красо и радование Сербския Церкви.

Радуйтеся, усерднии ходатаи пред Богом, радосте наша и венцы славнии.

Радуйтеся, добрии поспешницы во благих желаниях наших.

Радуйтеся, вси святии угодницы Божии, рода Сербскаго молитвенницы.

Кондак 8

Дивен и предивен венец, коим Господь увенчал вас, славнии Божии угодницы, преподобнии отцы наша: Никодиме, Виссарионе, Стефане Пиперский, Ромиле Раванический, Романе, Несторе, Мартирие, Данииле и Сисое Синаиты, Зосимо Туманский, Григорие Горнячский, Иове Драчанский и Рафаиле Банатский. Яко вы на разных концех земли поживше, абие в вере единодушни бысте и единым светом просияли есте пред Господом и Богом нашим Иисус Христом. Помозите, молимте ся вам, да и мы возможем быти причастницами славы Небесныя, купно с вами воспевая Богу: Аллилуия.

Икос 8

Вся концы земли Сербския, горы и долы, поля и лузи яве освящаются благодатию Божией, яко из них, аки древа Райстии плодоноснии, произростоша собори святителей, мученик, преподобных отец и матерей, и праведных мнозих, плодами бо их молитв чаем сохранити души наша. Им убо, едиными усты и чистым сердцем, возносим похвалу сицевую:

Радуйтеся, ангели земнии и человецы небеснии.

Радуйтеся, благоухании кринове, в Сербии произрастшии.

Радуйтеся, яко своими небесными добротами Сербскую землю онебесили.

Радуйтеся, крепции заступницы пред Господом за весь род Христианский.

Радуйтеся, избрании Божии, вы бо достояние избранства многими чудесы свидетельствовали есте.

Радуйтеся, славнии победоносцы, вы бо Христовою десницею венчаннии есте.

Радуйтеся, вси святии угодницы Божии, рода Сербскаго молитвенницы.

Кондак 9

Ангели Божии удивишася пламенней любве вашей ко Христу, человецем и Церкви, таже и величием подвигов и лишений ваших, преподобнии матери наша: Анастасие, мати святаго Саввы, Параскево, царице Елено, Елено Дечанская, Евфросиние, царице Любостинская, Ангелино деспотиса, Елисавето княгине, великомученице Злато Мгленская и блаженная Евфросиние Девиченская. Вас бо Господь Христос исповедал пред Отцем Своим Небесным, прияв жертву трудов ваших и улучив доброты ваша. Се бо имена ваша написаны в книзе живота вечнаго. И ныне вы со всеми святыми поете Богу: Аллилуия.

Икос 9

Ветии многовещаннии не возогут достойно восхвалити и исчислити вся добродетели ваша, ниже описати теплыя любы вашея ко Господу Христу, святи боголюбивыя матери наша, яко вы и по преставлении сияете добротами своими, и любовию ко Господу согреваете души рода Сербскаго. Сего ради славят вас людие Сербстии и возносят похвалу сию:

Радуйтеся, благоволением Божиим на земли избраннии.

Радуйтеся, нетленными венцами на небесех венчаннии.

Радуйтеся, цветы дивнии верта Евангельскаго Церкви Православныя.

Радуйтеся, светлостию трисолнечнаго света не Небесех просиявшии.

Радуйтеся, яко Христа Господа всею душею возлюбили есте.

Радуйтеся, яко Ему Единому усердно послужили есте.

Радуйтеся, вси святии угодницы Божии, рода Сербскаго молитвенницы.

Кондак 10

Спасителю Богу усердно послужили есте, не бо самой смерти убояшася, но смело за Христа пострадаша, свтлии мученицы Господни: царе Уроше, Иоанне-Владимире, княже Зетский, Георгие Кратовский, Христо Албанский, Анастасие, Никито Святогорский, игумене Паисие и диаконе Аввакуме, и совокупльшиися им мнозии мученицы, и Феодоре Сладише Комоговинский. Сего ради и удостоистеся мученических венцев, купно со святими мученицами, с ними бо ныне радуетеся на Небесех, возглашая Богу Спасителю: Аллилуия.

Икос 10

Храбрии вои Царя небеснаго показастеся и вы, святи Сербстии мученицы, яко за Него до крове пострадали есте и Ему вернии до смерти пребыли есте. Сего ради Господь наградил вас благодатию Своею, дабы и по смерти вашей Сербский народ устрояли и ко Христу добре путеводили. Благодарнии же людие славят и величают и возносят вам похвалы сия:

Радуйтеся, свидетели дивнии Славы Божия на земли.

Радуйтеся, славнии чада рода Сербскаго на Небесех.

Радуйтеся, краснии адаманты веры Православныя, просвещеннии светом Божия благодати.

Радуйтеся, вои православнии, примером своим народ наш в вере утвердившии.

Радуйтеся, всемощнии помощницы наша во всяком доброделании.

Радуйтеся, крепции защитницы наша пред престолом Божиим от всякаго обстояния.

Радуйтеся, вси святии угодницы Божии, рода Сербскаго молитвенницы.

Кондак 11

Песни доброгласнии вознесите Пресвятей Троице, вси царие Сербстии: Стефане-Владиславе, Милутине и Стефане Дечанстии, и князие: Стефане-Уроше, Лазаре Косовский и Стефане Щиляновиче, славяще победу крепкую над безбожными агаряны и над всеми врагами Христова и Сербскаго имени; и молитеся усердно о благоустороении и спасении народа Сербскаго, радостно Богу воспевая: Аллилуия.

Икос 11

Светлии зраки богоугоднаго жития вашего зрим ныне мы, недостойнии, о вси всятии благовернии царие и князи Сербстии, вы бо, яко солнце, осиявая землю Сербскую, согреваете ю теплотою Небесною, да возможе плодоносити плодами Евангельскими. И мы, почитая святую память вашу и любы ваша к Православному роду Сербскому, потщимся вознести вам из глубины душ наших похвалу сию:

Радуйтеся, яко вы Царствие Небесное земному предпочли есте.

Радуйтеся, яко славу земную ни во что вменили есте.

Радуйтеся, делом бо показасте, яко и со владычнего престола возможно смиренно служити Богови.

Радуйтеся, примером бо вашим доказали есте, яко истинное Богу служение есть такожде и служение роду своему.

Радуйтеся, добрии властители земнии.

Радуйтеся, смиренни служители Небеснии.

Радуйтеся, вси святии угодницы Божии, рода Сербскаго молитвенницы.

Кондак 12

Благодать Божия избра вас в сосуды Себе предрагии, святи праведнии деспоты Сербстии: Стефане Лазаревиче, Стефане Новый слепый и Иоанне Новый, и святый Иосифе Новый, и вси святи Сербстии угодницы Божии, поименованнии зде и не поименованнии, да будите нам, яко звезды многосветлии, путевожди в сем животе земнем, да и нас приведете ко Господу Христу, дабы купно с вами воспевали Живодавцу во веки: Аллилуия.

Икос 12

Поя заслуги ваша пред Богом, вси святи Сербстии угодники и угодницы Божии, величаем, хвалим и славим Господа Иисуса Христа, святых Святейшего и Творца чудотворцев, аще убо вас освятил есть, изливая на вас обилие благодатных даров Своих. Мы же вас тепле хваляще, многомощнии заступницы наша пред Господом, овую похвалу возносим, взывая вам:

Радуйтеся, друзи всех святых.

Радуйтеся, граждане Иерусалима Небеснаго.

Радуйтеся, покровители народа Сербскаго.

Радуйтеся, стражи неусыпнии и лепокрасители Сербския Церкви.

Радуйтеся, небеснии пробудители совести нашея.

Радуйтеся, неусыпнии труженицы на ниве Господней.

Радуйтеся, вси святии угодницы Божии, рода Сербскаго молитвенницы.

Кондак 13

О велиции угодницы Божии, преславнии избранницы рода Сербскаго, от Бога нам даровании покровителие и защителтели Небеснии; мы разлучены от вас не толико разстоянием от земли до Небесе, елико стеною грехов наших. Обаче дерзаем принести вам сию малую похвалу и о единем на потребу молим вас: молите Спасителя Христа, Бога нашего, да простит нам и всему роду Сербскому все грехи наша: да нас посетит, убелит, просветит, обновит и благословит, и удостоит Царствия Своего Небеснаго, дабы и мы во свете Небесныя Сербии купно с вами воспевали во веки веков: Аллилуия, Аллилуия, Аллилуия.

Сей Кондак читается трижды, затем Икос 1 и Кондак 1.

Молитва всем Сербским святым

О предивнии и пресветлии избранницы Православнаго рода Сербскаго, достойнии наследницы Христова Небеснаго Царствия: патриарси, архиепископы, епископы, царие, князи, деспоты, царицы, княгини и деспотисы, священномученики, мученики и мученицы, преподобнии отцы и матери и вси святи угодницы Божии из рода Сербскаго просиявшии и у Христа Владыки великую благодать стяжавшии; убо преклонша колена, всесмиренно молим вас: умолите Христа Бога и да излиет на нас благодатную милость Свою, и благословит, дабы в Сербстей Церкви Православной и во всем роде Сербстем утвердился дух Правой веры и благочестия, дух любви и мира, и радости о Дусе Святе; да се мы духовно и телесно очищеннии, поклонимся Богу духом и истиной, и потщимся во век потрудитися во исполнение заповедей Божиих и во спасение душ наших.

Архипастырям и пастырям Церкви испросите у Господа святую ревность и тщание о спасении вверенной им паствы: народа Сербскаго Православнаго. Силою любви вашея поддержите и укрепите их в делании святом: да верных утверждают в вере, неверных да просвещают, несмысленных да поучают и увещевают, усомнившихся да убеждают и в вере утверждают, отпавших от Православныя Церкви да обращают и под крила Ея возвращают, грешных да сподвигают на покаяние, кающихся утешают, на путь спасения сподвигают и в праведной жизни утверждают. Да словом и делом руководят народ Сербский путем Евангелскаго следования Христу к вечному Царству святых: сие бо есть награда за жизнь праведную.

Еще молитеся, о всемощнии защитницы наша пред Богом, да благословит Господь, дабы в земле нашей милость и истина были во век едины, а правда и мир нераздельны.

Молитеся еще и за мир всего мира. Да се приидет конец всем войнам и всякому кровопролитию на земли; да се нигде и никогда не пролиется кровь людская, аки вода; да се не прейдет в людех праведность и чистота; да се не разорятся храмы Божии на земли и не истребится святое Богослужение.

Паки молимся, да воцарится мир Божий во всем мире: да меж всех людей и народов пребудут любовь и согласие и всякое понимание; да вси люди возмогут быти сынове миру, дабы отныне пожили в любви и согласии, и купно с вами и всеми святыми славили Бога: Отца и Сына и Святаго Духа, Троицу Единосущную и нераздельную, всегда: ныне и присно и во веки веков. Аминь.

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический проект "К Истине" - www.k-иstиne.ru