Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Карта сайта
• RSS-рассылка
• Новые статьи
• Фильмы
• 3D-экскурсия

• Это наша вера
• Каноны Церкви
• Догматика
• Благочестие

• Апологетика
• Наши святые
• Миссия

• Молитвослов
• Акафисты
• Календарь
• Праздники

• О посте

• Мы - русские.
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Католичество
• Протестантизм
• Лжеверие

• Секты
• Оккультизм
• Психокульты

• Лженаука
• Веганство
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист второй праведному воину Феодору Ушакову


Православные акафисты

Акафист второй праведному воину Феодору Ушакову

Кондак 1

Избранный воине Царя Небесного и воеводо Державы Российския, святый праведный Феодоре, мы, яко единоверные твои, от всея души Тя ублажаем, ты же от всех бед и скорбей нас свободи и страну твою сохрани, воинство ея укрепи и всех нас в Православии утверди, да зовем Ти:

Радуйся, святый праведный Феодоре, архистратиже Державы Российския!

Икос 1

Ангелов Творец избра Тя, святый праведный Феодоре, к воинскому служению Державе Российской, темже и утверждение стране нашей явился еси и Отечеству похвало, мы же, единовернии твои, ублажаем Тя сице:

Радуйся, праведного рода отрасль пречестная,

Радуйся, благочестивых родителей достойный плод,

Радуйся, армии Державы Российския утверждение,

Радуйся, врагов ея устрашение,

Радуйся, флота ея непоколебимое основание,

Радуйся, благочестивых христиан увеселение,

Радуйся, святый праведный Феодоре, архистратиже Державы Российския!

Кондак 2

Видяще люди земли нашея Твое верное Российской Державе служение и благочестие непоколебимое, милосердие неистощимое, не токмо к сослуживцам и единоверцам, но и врагам являемое, познаша Тя праведника быти, вопияше о Тебе Богу: Аллилуйя!

Икос 2

Разум свой к Богу устремив, данный Тебе Подателем всех благих дар на служение Богу и близким отдал еси, тем же вверенный Тебе талант обильно умножил еси, не токмо усердие, но и жизнь свою в дар Творцу и ближним принося. Тем же ублажаем Тя званиими сими:

Радуйся, воевод русских добрый наставниче,

Радуйся, Воинства Российского похвало,

Радуйся, варваров побеждение,

Радуйся, русских воинов соблюдение и сбережение,

Радуйся, начальства доброго в России утверждение,

Радуйся, Державы нашея и армии ея во всем благое поспешение.

Радуйся, святый праведный Феодоре, архистратиже Державы Российския!

Кондак 3

Силою, данною Ти свыше, не токмо славный воеводо явился еси, но и милосердия творец изрядный, воистину воинам своим вместо родного отца быв, наставлял всех верных вопити Богу: Аллилуйя!

Икос 3

Имеяше воистину, святый славный воине Феодоре, с Небесе похвальная подвигам Твоим пети, а не от земли. Чудеса мужества являя, воистину славный архистратиг явился еси, врагов плотских и бесплотных посрамляя. Темже вопием Ти сице:

Радуйся, доблести Феодора Стратилата подражавый,

Радуйся, о благополучии Державы Российской, яко и Георгий Победоносец славный, радевый,

Радуйся, в ревности Дмитрию Солунскому последовый,

Радуйся, силу сподвижника его Нестора стяжавый.

Радуйся, Александра Невского верный последователю,

Радуйся, Дмитрия Донского усердный споспешниче.

Радуйся, святый праведный Феодоре, архистратиже Державы Российския!

Кондак 4

Буря недоумения смущает ми ум, како достойно есть пети подвиги Твоя, всехвальный воине Феодоре. Равен бо во бранех Царям Давиду и Константину явился еси, полки нечестивых милостью Божией побеждая и силу их посрамляя. Темже все вернии вопиют о Тебе Богу: Аллилуйя!

Икос 4

Слышаша, славный воине Феодоре, величие подвигов Твоих, весь православный мир зело возрадовашася, видя в Тебе могучего защитника Православия. Темже ныне Тя, прославленного в лике Святых, ублажаем званиими сими:

Радуйся, армии Российския небесный Покровителю.

Радуйся, славный во бранях воителю.

Радуйся, воеводо непобедимый,

Радуйся, победоносче нарочитый,

Радуйся, Православия поборниче,

Радуйся, России чудный защитниче.

Радуйся, святый праведный Феодоре, архистратиже Державы Российския!

Кондак 5

Плавающим по бурным волнам жития сего подобно неугасимому маяку явился еси, святый праведный воине Феодоре, не токмо во дни бурь и битв, но и в различных жизненных обстояниях сохраняя от бед и злых обстояний всех, вопиющих Богу: Аллилуйя!

Икос 5

Слышаша и ведуще, великий наш заступниче Феодоре, твое милосердие, нищии и обездоленные притекаху к Тебе, чая милости от Тебе улучити. Темже, како во дни земного Твоего жития, никто же от Тебя тощ и неутешен отъиде, тако ныне и нас, в добродетели убогих, своим заступничеством не остави, вопиющим Тебе сице:

Радуйся, немощных заступление,

Радуйся, скорбящих утешение,

Радуйся, нуждающимся помоще,

Радуйся, заступниче вдов и сирот,

Радуйся, православных прибежище,

Радуйся, от неверных их защищение.

Радуйся, святый праведный Феодоре, архистратиже Державы Российския!

Кондак 6

Проповедует мир весь православный Тя, воине Христов Феодоре, яко скорого избавителя от всякого злого обстояния душевного и телесного. Ты, во дни земного поприща своего, не попустил ни единому из Твоих воинов пленену быти и ни единому кораблю и начальствующему Твоему погибнути, и ныне, на небесех предстоя, молиши избавити от плена вражеского всех, вопиющих Богу: Аллилуйя!

Икос 6

Возсиял еси свет животный всем, на помощь Твою надеющимся во бранях православным. Ты, чудеса мужества в земных битвах являя, не попустил славы Державы Российской поруганой быти. Темже, егда нашествие иноземное двунадесять язык, грех ради наших, на страну Православную бысть, Ты пророчествовал: «Не отчаивайтесь! Сии грозные бури обернутся к славе России!» Тем же все православные взывают Тебе:

Радуйся, воине Российский неустрашимый!

Радуйся, Архистратиже Державы Российския Непобедимый!

Радуйся, иноземных супостатов обличителю и посрамителю!

Радуйся, нашествия их поражения предсказателю!

Радуйся, славный во бранях поборниче!

Радуйся, защитников наших защитниче!

Радуйся, святый праведный Феодоре, архистратиже Державы Российския!

Кондак 7

Хотя защитником верным Земли Русской и веры Православной быти, всю жизнь свою отдал еси на служение Державе Российской, воистину верным слугой ея быв. Темже весь православный мир ублажает Тя, взывая о Тебе Богу: Аллилуйя!

Икос 7

Новым покровителем, устроителем и архистратигом Державы Российския, ее армии и флота явился еси, всехвальный воине Феодоре. Сия добре ведуще, ублажаем Тя званиими сими:

Радуйся, флотоводец всех времен преизрядный,

Радуйся, воеводо России предивный,

Радуйся, страны Российской рачителю,

Радуйся, во бранях воинству русскому славный помощниче и защитителю,

Радуйся, силы Русския Земли явный проявителю!

Радуйся, славы Родины нашея во всем мире славный проповедниче!

Радуйся, святый праведный Феодоре, архистратиже Державы Российския!

Кондак 8

Странное и великое чудо показа на Тебе Господь: Ты, и малое число воинов и орудий имея, велие поражение супостатам земли Российской наносил, токмо на помощь Божию уповая и злочестие врагов посрамляя, заставлял всех верных вопити о Тебе Богу: Аллилуйя!

Икос 8

Весь еси всем помощник и заступник явился еси, славный воине Феодоре, не токмо православным, но и врагам милости образ явился еси, делом христианское благочестие показуя. Темже мы, милосердием Твоим побеждаеми, вопием Тебе сице:

Радуйся, милосердия источниче,

Радуйся, страждущим помощниче,

Радуйся, немощных покровителю,

Радуйся, от наглыя смерти избавителю,

Радуйся, добродетелей изрядный образе,

Радуйся, бездна милости и щедрот.

Радуйся, святый праведный Феодоре, архистратиже Державы Российския!

Кондак 9

Всяких бед и болезней избавитель явился еси, славный праведный Феодоре, не токмо о чем же своем помышляя, но и все свое имение на служение ближним расточая, всем начальствующим пример служения Богу и ближним подал еси. Темже подвизаеши всех верных благодарно о Тебе Богу взывати: Аллилуйя!

Икос 9

Витий суемудренных и начальствующих века сего посрамляеши, всехвальный воине Феодоре, яко не токмо стяжание, но и жизнь свою на служение Богу и ближним полагал еси. Сего ради все верные сыны Отечества Твоего земного благодарно вопиют Ти:

Радуйся, в милосердии Святителю Николаю подражавый,

Радуйся, в ревности подобный Святителю Спиридону бывый.

Радуйся, мощи их благоговейно лобызавый и носивый,

Радуйся, делам их милосердия последовый,

Радуйся, благочестию их подражателю,

Радуйся, славный их в земле Российской помощниче,

Радуйся, благословение сродника своего преподобного Феодора получивый,

Радуйся, молитвы его, яко славное ограждение во всех обстояниях, имевый,

Радуйся, святый праведный Феодоре, архистратиже Державы Российския!

Кондак 10

Спасти хотя всех пасомых, славный защитник всех подчиненных явился еси, святый славный воине Феодоре, не токмо от смерти во бранех, но и от всяких бед, болезней и плена их сохраняя, темже не токмо они, но и их ближнии и знаемые, и мы, грешнии, о Тебе вопием Богу: Аллилуйя!

Икос 10

Стена еси всем православным воинам, святый праведный Феодоре, славное заступление Твое. Аще бо телом и представился еси от нас, отче Феодоре, и душой на Небеси, предстоя Богу, достойно веселишися, но мощей твоих рака перед очима нашими предстоит, подвизая пети Тебе сице:

Радуйся, всем православным во бранех скорый помощниче,

Радуйся, страны Российской славный Заступниче,

Радуйся, щите несокрушимый всем за правду воителям,

Радуйся, всемощный их покровителю,

Радуйся, нравов благих насадителю

Радуйся, нечестия обличителю и искоренителю.

Радуйся, святый праведный Феодоре, архистратиже Державы Российския!

Кондак 11

Пение у раки мощей Твоих, праведный воине Феодоре, никогда же оскудевает: все бо страждущие и алчущие правды, о Державе Российской болезнующие и блага ее взыскующие, вседушно к ней притекают. Тем же никто же от Тебя тощ и неутешен отыде, но всем в сладость быти славное заступление Твое. Сего ради вопием о Тебе Богу: Аллилуйя!

Икос 11

Яко на стену тверду и несокрушиму надеемся на ходатайство Твое пред Христом Богом нашим, святый праведный Феодоре. Темже, упование наше на предстательство Твое возложив, вопием тебе сице:

Радуйся, верно служащим Державе Российския покрове и помоще!

Радуйся, пред Богом о них пресильный ходатаю!

Радуйся, заступниче земли Российския Богом данный!

Радуйся, всякого нечестия в ней истребителю!

Радуйся, всех в России благих устроителю!

Радуйся, до Страшного Суда Христова о ней пред Богом Ходатаю!

Радуйся, святый праведный Феодоре, архистратиже Державы Российския!

Кондак 12

Благодать, данную Ти от Бога, помогать всем пекущимся о благе Державы Российския, ведают вси православнии, святый воине Феодоре. Темже, на милостивое твое защищение упование возложив, вопием Богу: Аллилуйя!

Икос 12

Поющее Твое славное заступление, святый праведный воине Феодоре, вседушно Тя восхваляем. Всяк бо положивый на сердце верно служити Державе Российской и Святой Православной Церкви верное защищение в тебе обретает. Сего ради мы, младшие братия Твои, верно вопием Ти:

Радуйся, щите армии Российския несокрушимый!

Радуйся, меч в бранях воинам ея непобедимый!

Радуйся, страны Российския надеждо и ограждение!

Радуйся, Православия в ней утверждение!

Радуйся, всех православных упование непоколебимое!

Радуйся, ходатай мощи Державы Российския непобедимыя!

Радуйся, святый праведный Феодоре, архистратиже Державы Российския!

Кондак 13

О, святый всехвальный воине Феодоре, похвало и утверждение Державы Российския, всем приходящим и обращающимся к тебе скорый помощниче! Помози нам в многоскорбном сем житии и како во дни земного поприща Твоего всем страждущим, помощи Твоея просящим и верно служащим России помощник явился еси, так и ныне не остави нас, уповающих на Тя, помози бурные волны моря жития сего без порока прейти и достигнути селений райских, поя с Тобою и со всеми Святыми Подателю всех благ: Аллилуйя!

Сей Кондак глаголи трижды, затем Икос 1 и Кондак 1

Молитва праведному воину Феодору Ушакову

О, святый праведный воине Феодоре, Державы Российския Архистратиже и славный защитниче! Ты во дни земного жития твоего добре за землю Русскую подвизался еси, от врагов ее защищая и флот ея, как непоколебимое основание мощи ея, в ней утверждая! К тому же и пастырь добрый людям своим явился еси, будучи воинам дружины своея воистину отец чадолюбивый, не токмо властем земным, но паче самому Богу за вверенную тебе паству ответ дая. Сего ради прослави тя Бог яко дивного угодника Своего, яко честное служение Отечеству своему, кое преддверие Отечества Небесного - служение Самому Богу есть - тем знаменуя.

Сего ради молим тя: буди стране нашей по прежнему славный защитниче, властем ея — добрый советниче и помощниче, всем за славу Родины своея и Церкви Православныя воюющим добрый споспешниче и во всяком деле блазе молитвенный пред Богом предстателю!

Да избавит Всемилостивый Господь нас от всякого зла и утвердит во всяком благочестии и чистоте, подаст властем нашим мудрость, силу и о народе нашем усердное попечение, яко ты сам в земном служении своем показал еси, воинству — мощь, мужество и на враги одоление, народу — благое трезвение и верность Святой отеческой Православной Церкви, да тако, земное житие добре пожив, достигнем рая нам вожделенного и тамо прославим Отца и Сына Святого Духа во веки веков. Аминь.

 

Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический проект "К Истине" - www.k-иstиne.ru