Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

ГлавнаяО проектеО центреВаши вопросыРекомендуемНа злобу дняБиблиотека • Новые публикации • Поиск


  Читайте нас:
 Читайте нас в социальных сетях
• Поиск
• Карта сайта
• RSS-рассылка
• Новые статьи
• Фильмы

• Это наша вера
• Каноны Церкви
• Догматика
• Благочестие

• Апологетика
• Наши святые
• Миссия

• Молитвослов
• Акафисты
• Календарь
• О посте

• Мы - русские.
• ОПК в школе
• Чтения
• Храмы

• Нравственность
• Психология
• Добрая семья
• Педагогика
• Демография

• Патриотизм
• Безопасность

• Общее дело
• Вакцинация

• Атеизм

• Буддизм
• Индуизм
• Карма
• Йога
• Язычество

• Иудаизм
• Ислам
• Католичество
• Протестантизм
• Лжеверие

• Секты
• Психокульты
• Оккультизм
• Лженаука
• Гомеопатия
• Астрология

• MLM

• Аборты
• Ювенальщина
• Содом ныне
• Наркомания
• Самоубийство

Просим Вас о помощи нашему проекту:

WebMoney:
R179382002435
Е204971180901
Z380407869706

Яндекс.Деньги:
41001796433953

Карта Сбербанка:
4276 8802 5366
8952

Православные акафисты / Акафист праведным князьям Дмитрию и Евдокии Московским


Православные акафисты

Акафист праведным князьям Дмитрию и Евдокии Московским

Кондак 1

Избрании от славного служения княжеского в небесные покровители державы Российския, яко вернии супруги добре прошедшии поприще правителей московских, ныне граждане Иерусалима Небесного всех Правителю предстоите. Того молите и нам в святости и чистоте житие свое соблюсти и от дома земного нашего – Святой Руси в Небесное Отечество вкупе с вами водворитися, да зовем вам:

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Икос 1

Ангелов и человеков Творец и Создатель, Царь Царей и всех правителей Правитель, Имже цари царствуют и дается всякая власть человекам, провидя ваши ревность по Бозе, сердце сострадательное, милосердие неистощимое и ревность о благе Земли Российския, иже есть преддверие Царствия Божия, премудро избра вас в правители княжества Московского и собирателей земель российских. Мы же, меньшия братия ваша, ведуща ваше дерзновение пред Богом и ревностное попечение о земном Отечестве нашем, усердно вопием вам:

Радуйтеся, о Святой Руси всеревностные пред Господом молитвенницы.

Радуйтеся, о благе Отечества нашего земного всемилостивые пред Христом Богом ходатаи.

Радуйтеся, Родине своей – Святой Руси усердно послужившии.

Радуйтеся, всем Церкви Православной и Земле Российской верою служащим всесильные и скорые помощницы.

Радуйтеся, всего доброго в земного Отечества нашем вертограде всеусердные насадители.

Радуйтеся, всех от отеческих заветов отступающих всесильные перед людьми и Богом обличители и наказатели.

Радуйтеся, от Отечества земного – Руси Святой в Отечество Небесное прешедшии.

Радуйтеся, нам, сродникам земным, пути в чертог небесный управители.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 2

Видяще вас, благоверных князей Димитрия и Евдокию, яко всесильных покровителей Отечества нашего земного, а наипаче Земли Московския, в ней же ревностно при жизни подвизалися еста, все православные радостью исполняются и вопиют о вас Богу: Аллилуйя.

Икос 2

Разум Богопросвещенный и ко спасению умудренный дал еси вам Премудрости и смыслов Податель, премудрых Умудряющий и Исправляющий и вся ко благу Созидающий, да от божественных писаний и отеческих преданий усердно поучившеся, послужите ко благу Земли Российския. Сия добре ведуще, мы, земные сродники ваши, усердно молим: подайте и нам от духовного елея вашего, да и мы, всеусердно от вас поучившеся, ублажаем вас похвалами сицевыми:

Радуйтеся, от Премудростью мир Создавшего ко спасению и служению ближним добре умудренныя.

Радуйтеся, туне сию Премудрость приявшии, и нам, усердно вас просящим, без ревности ее щедро подающии.

Радуйтеся, сей премудростью не себе токмо, но и всем ближним – близким и нам, дальним братиям вашим усердно послужившии.

Радуйтеся, и нас дары от Бога на служение ближним усердно направляти научающии.

Радуйтеся, всем служащим Православной Церкви и Святой Руси добре помогающии.
Радуйтеся, милость Божию и Пресвятыя Богородицы Святой Руси в своих молитвах нас искати наставляющии.

Радуйтеся, от суетных и пагубных тлетворных века сего учений отвращатися нас научающии.

Радуйтеся, всеблагого Православного Учения Церкви нас взыскати наставляющии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 3

Силою благодати Божия укрепляеми на служение не токмо земле Московской, но и всей Руси Святой, ея же духовными очами провидяще яко предшественницу Отечества Небесного, от всея души потщилися ей послужити, Самому Правителю правителей о служении вашем ответ дая. Сего ради приносим о вас хвалебную песнь Богу: Аллилуйя.

Икос 3

Имуще перед умными очами вашими благий пример святых соплеменниник своих – святых правителей Святой Руси – благоверных князей ея Владимира и Ольги, Бориса и Глеба, Александра и Андрея, и иных благоверных правителей ея, души своя на служение Богу и земному Отечеству своему положивших, благой ревностью по Богу распалялися еста, стремяся усердно Святой Руси послужити. Сего ради мы, неключимии потомки ваши, вашей ревностью уязвляемы, во умилении сердец зовем вам:

Радуйтеся, Святой Руси от всея души и разумения вашего усердно Христа ради послужившии.

Радуйтеся, благодать и милость на всю Русь Святую от всех благодати и милости Подателя снискавшии.

Радуйтеся, образом благим всем правителям и верным страны Русской ставшии.

Радуйтеся, нас в ревности по Бозе благим примером жизни вашей утверждающии.

Радуйтеся, на служение Святой Руси и ближним щедро нас благословляющии.

Радуйтеся, смысл жития в служении Богу и Святой Руси нас находити наставляющии.
Радуйтеся, всего злого отвращатися повелевающии.

Радуйтеся, свой талант во славу Божию и на благо ближним нас употребляти вразумляющии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 4

Бурею гордости и злобы распаляем, нечестивый хан царства агарянского Мамай задумал есть землю Русскую огнем и мечом опустошити и Церковь Русскую разорению предати, не ведуща Царю царей, Его же милостью все правители правят, пети: Аллилуйя.

Икос 4

Слышав благоверный князь Димитрий о нашествии мамаевом, опечалися еси зело, сердцем земли родной разорение и опустошение и многих славных сынов Земли Русския гибель от злобных врагов ея провидя. Обаче, любовию к земле родной и ревностью по Бозе распаляем, не смог стерпети поругания ея от нечестивых, положил еси на сердце своем воинов земли Русския собрати и супротив нечестивых агарян войною стати. Ты же, княжна Евдокия, от всея души твоея тепле молилася еси Богу о даровании победы воинству российскому и супругу твоему. Мы же, радостию дивяшеся силе любви и ревности вашей, готовой душу свою за други своя положити, вопием вам:

Радуйтеся, раби Господни благии и вернии, души за други своя по примеру Господа нашего Иисуса Христа положившии.

Радуйтеся, и нас, потомков ваших, благому примеру вашему следовати научившии.

Радуйтеся, силу вражию врагов плотских и бесплотных силой Божией поправшии.

Радуйтеся, и нам силу наступати на всякую силу вражию молитвами вашими даровавшии.

Радуйтеся, полк воинов небесных от Святой Руси к Царю царей с собой приведшии.

Радуйтеся, небесными покровителями державы Русской ставшии.

Радуйтеся, поминовение павших воев яко чин святой в Российской Церкви утвердившии.

Радуйтеся, тем поминовением клеврет и подданых своих от нашей Родины земной Небесное Отечество стяжати устремившии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 5

Боготечной звездой победного знамения явися воинству и всему народу русскому Донская икона Богоматери, ея же в непобедимое оружие в брани на супротивных взяша премудрый князь Димитрий. Мы же, таковой премудрости и ревности о Бозе и народе своем правителя нашего радостью дивящеся, о сем заступлении земли нашея взываем: Аллилуйя.

Икос 5

Видя преподобного Сергия яко нового светильника Земли Русския, подобно древним святым отцам в северной стране нашей воссиявшего и благодать Пресвятыя Троицы и Матери Господа нашего Иисуса Христа преизобильно нам даровавшего, люди земли нашея поныне радости исполняются, славного ходатая Руси Святыя до славного Христова Пришествия в нем разумея. Ты же, о славный княже Димитрие, вкупе с супругою твоею верною княгиней Евдокиею яко добрые чада Православныя Церкви и мудрые управители страны своея к преславному окормлению чудного старца премудро прибегали еста, в молитвенном покрове Всея Руси игумена всемощное основание княжества своего и становления Всея Руси духом своим прозревая. Сего ради примите от нас, меньших братьев своих, похвалы сия, ублажающих вас сице:

Радуйтеся, Земли Российския гобзование преизобильное.

Радуйтеся, славныя страны нашея упование непоколебимое.

Радуйтеся, преподобного Сергия дети вселюбимыя.

Радуйтеся, верные чада Православныя Церкви.

Радуйтеся, благословение преподобного на все житие свое щедро получившии.

Радуйся, того молитвой полки врагов плотских и бесплотных сокрушившии.

Радуйся, молитвенный покров преподобного Сергия, яко щит несокрушимый, в основание державы Русския премудро положившии.

Радуйся, яко Дом Пресвятыя Троицы и Пречистыя Матери Господа нашего Иисуса Христа Святую Русь вовеки утвердившии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 6

Проповедует мир весь тебе, доблестный княже Димитрие, яко верного сына Православныя Церкви, за веру Православную и Русь Святую добре подвизавшегося и в мире и благочестии с супругою своею Евдокиею добре пожившего. Сего ради все люди православныя, ведуща тя, яко доброго ревнителя жития благочестивого, Богу о тебе вопиют: Аллилуйя.

Икос 6

Возсиял еси в Святой Руси новый светильник Православныя Церкви – Святитель Московский Алексий, иже от доброго московского болярского рода Бяконтов избран быв в Первосвятители Церкви Русския, не токмо добрым управителем Российкия Церкви был еси, но и правителем нарождающейся державы Русския, вместо родного отца тебе, княже Димитрие, быв, вместе с тобой собирателем земель русских стал еси. Ты же, о славный княже Димитрие, вкупе с премудрою супругою твоею Евдокиею верным сыном первосвятителя Московского быв и собирателем земель русских к величию державы нашея став, прими от нас всехвальные славословия сия, да благодарственно вопием вам:

Радуйтеся, Первосвятителя Московского Алексия чада вселюбезные.

Радуйтеся, будучи правителями, образец церковного послушания собой явившии.

Радуйтеся, милость Божию стяжавшии.

Радуйтеся, благословение Первосвятителя Московского, яко камень несекомый, в основание своего правления утвердившии.

Радуйтеся, благий образ православного правителя житием своим явившии.

Радуйтеся, помощниками будущим правителям Державы Русския ставшии.

Радуйтеся, яко добрые супруги, скорби многия в своем служении претерпевшии.

Радуйтеся, много плакавшии, яко ныне радости нескончаемой небесной наслаждаестеся.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 7

Хотя от нашествия нечестивого хана Мамая Родину свою защитити и свободу народу православному от нечестивого агарянского царства стяжати, задумал еси благоверный князь Димитрий премудро разрозенныя русския земли в единую державу собрати. Того же ради к Превосвятителю Московскому Алексию – первому Предстоятелю Церкви Русския, иже от рода русского стал еси, и преподобному Сергию – игумену Всея Руси окормлению премудро прибегл еси, да помощь их, яко щит молитвенный нескорушимый премудро стяжал еси, Богу вопия: Аллилуйя.

Икос 7

Нового тя правителя и собирателя Земли Русския вемы, премудрый княже Димитрие, вкупе с доброю твоею супругою Евдокиею, с нейже союзом княжество Московское и Землю Русскую премудро укрепил еси, твердое правление свое яко камень краеугольный в основание Святой Руси положил еси. Сего ради примите от нас, недостойных потомков ваших, благодарственныя песнопения, вопиющим вам с любовью таковая:

Радуйтеся, княжества Московского и Всея Руси святое украшение.

Радуйтеся, Церкви Православныя удобрение.

Радуйтеся, ангелов – хранителей и всех святых, в Земле Российской просиявших, веселие преизрядное.

Радуйтеся, всех воинов, за Церковь и Святую Русь живот свой положивших, утешение нескончаемое.

Радуйтеся, всех правителей Земли Российския помощницы усердные.

Радуйтеся, всех воителей за Русь Святую покровители.

Радуйтеся, от иноземного нашествия Руси Святыя защитители.

Радуйтеся, всем труждающимся Отечества земного ради сотрудницы усердные.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 8

Странно есть суетным и самонадеянным людям безбожного века сего славное житие ваше, премудрыя князья Димитрие и Евдокие: како среди мира и власти и почестей княжеских надмирно пожили еста, не о земной, а о небесной славе помышляя, Богу ответ в служении своем дая, Ему же ныне предстоите, вопиюще: Аллилуйя.

Икос 8

Все бо в вышних пребывали, пермудрыя князья Димитрие и Евдокие, но и нижних никакоже отступали еста, Всех правителей Правителю нелицеприятный ответ давати в служении своем разумея. Сего ради и ныне не отступите от нас, недостойных чад ваших, усердную помощь вашу в Отечестве земном и Небесном получити чающих и вопиющих вам сия:

Радуйтеся, милость Отца Небесного всеусердно в служени своем стяжавшии.

Радуйтеся, помощь сию Всея Руси своим правлением даровавшии.

Радуйтеся, козни дьявольския и человеческия силой Божией поправшии.

Радуйтеся, благословение Божие княжеству Московскому и Всея Руси на все века стяжавшии.

Радуйтеся, возлюбленными чадами Святителя Алексия и преподобного Сергия - Всея Руси игумена вовеки ставшии.

Радуйтеся, и нас той помощи своим примером взыскати всеусердно наставляющии.

Радуйтеся, всех верных на пути Христовом и служении Святой Руси усердно укрепляющии.

Радуйтеся, в служении Отечеству земному, иже есть преддверие Отечества Небесного, своим примером утверждающии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 9

Всякий чин ангельский и человеческий верных православных возрадовашася зело, видя помощь Святителя Николая, вам, святые княже Димитрие и княгине Евдокие, и всему русскому народу православному являемую, ея же ради икону свою святую в помощь на супротивных воинству русскому даровал еси, да помощью Святителя угреша сердце свое, князь Димитрий и все православные Богу поют: Аллилуйя.

Икос 9

Ветия многовещанныя суетного и самонадеянного века сего яко рыбы безгласныя видим о житии вашем, благоверныя князья Димитрие и Евдокие, недоумеют бо, како и в чине княжеском служение честно понесли, и в супружестве благочестно пожили есте, в подвиге молитвенном пребывая, сонм наследников своих Богу достойно предуставили еста: "вот мы, а вот дети наша" Творцу всех взывая. Сего ради мы, недостойныя чада ваша, подвигу жития вашего дивяшеся, верно вопием:

Радуйтеся, угодницы Божии и Пресвятыя Богородицы.

Радуйтеся, Святителя Николая почитатели преизрядные.

Радуйтеся, Святителя Алексия и преподобного Сергия чада возлюбленные.

Радуйтеся, святого Александра Невского сотрудницы усердныя.

Радуйтеся, Земле Российской яко князи и супруги добрии верно послужившии.

Радуйтеся, служением своим всех Творцу и Правителю правителей изрядно угодившии.

Радуйтеся, чистотой своей и ревностью по Бозе Петру и Февронии Муромским подобные.

Радуйтеся, в честном супружестве живущим верным покровители.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 10

Спасти хотя души своя, о угождении Богу ревностно радели еста, храмы Божия созидая, падающих воздвизая, немощных и скорбящих утешая, наипаче же о процветании Земли Русския и Церкви Православныя пеклися еста, Богу вопия: Аллилуйя.

Икос 10

Стена всем Святой Руси и Церкви Православной служащим, в супружестве благочестно жити и в иночестве подвизастися хотящим стали еста, святые благоверные княже Димитрие и княгине Евдокие, яко и в лике правителей Земли Русския премудро управление ея вели, и во главе защитников Отечества своего храбро служение свое понесли, всем воинам земли родной и ближним их доброго попечения о благе ближних образ житием своим дая, яко вернии супруги путь служения Отечеству земному нашему добре завещали есте, да все вернии, хотящии жати спасение и Святой Руси служити к заступлению вашему прибегая, с любовью вопиют вам таковая:

Радуйтеся, в лике правителей образ христианского смирения стяжавшии.

Радуйтеся, будущим правителям Земли Российския благий пример явившии.

Радуйтеся, полчища иноземных от Святой Руси отгнавшии.

Радуйтеся, подданым своим, яко чадам, упованием в сем житии многомятежном ставшии.

Радуйтеся, основание грядущего величия Святой Руси своим правлениием премудро заложившии.

Радуйтеся, и нас, немощных, труждатися усердно ради блага Родины усердно вразумляющии.

Радуйтеся, от нашествия иноплеменных Русь Святую заступающии.

Радуйтеся, всех воюющих за правду и Святую Русь вовеки защищающии.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 11

Пение воистину с небеси, а не от земли вам подобает, благоверные князья Димитрие и Евдокие, яко и угодники Божии и Пресвятыя Богородицы были еста, и Святителя Николая усерднейшие почитатели, его же икону яко залог победы в битве с неверными доблестный князь Димитрий обрел еси, и Святителя Московского Алексия и Всея Руси игумена – преподобного Сергия чада возлюбленныя, и Ангелов – Хранителей ваших радование непрестанное, и всех православных христиан прибежище и веселие, иже с вами и о вас Богу вопием: Аллилуйя.

Икос 11

Светозарной свеще, сущим во тьме бурного и многомятежного царства агарянского заката и возрождения и нового становления Святой Руси в стольном граде Московском явльшуюся, зрим дивное житие ваше, правители наши чудные Димитрие и Евдокие, яко и страны нашея многострадальныя мудрыя правители, о могуществе державы пекущиеся, и Православныя Церкви сыны верныя, о благоустроении Церкви Божией радеющия, и ратного дела заботливыя попечители явилися, и народа бедного разоренного княжества своего правители премудрыя, о благе подданных, яко клеврет своих, яко многопопечивыя (по русски – многопопечительные) радетели себя явили еста, и вдов и сирот заботливыя попечители, всем вся еста, да хотя некоторые приобрящете. Сего ради мы, недостойныя чада ваша, вопием вам таковая:

Радуйтеся, Земли Московския приношение Богу драгоценное. Радуйдеся, Православныя Церкви удобрение преизрядное.

Радуйтеся, земли московския и Всея России усерднейшие попечители.

Радуйтеся, Церкви Русския ревностныя служители.

Радуйтеся, страны Российския всесильные защитницы.

Радуйтеся, земли московския похвало.

Радуйтеся, всем Церкви и Земле Русской служити хотящим милостивые помощницы.

Радуйтеся, всякого дела блага в Отечестве своем усердные споспешницы.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 12

Благодати источник изобильный яви вас Земле Русской всех благодати Податель, да от всех хотящих жати спасение и Отечеству верой и правдой служити слышит о вас: Аллилуйя.

Икос 12

Поюще ваша славное житие, хвалим вас мы, меньшие братия ваша, яко и Богу верного служения образ, и Отечеству служащим зерцало, и защитникам его славу, и скорбящим отраду и утешение явили еста, научили всех вопити вам:

Радуйтеся, о славе Отечества своего земного – Руси Святой – усердныя ревнители.
Радуйтеся, всем Родине служащим верные помощницы.

Радуйтеся, яко граждане Небесного Иерусалима предстоите всех Правителю Правителей.

Радуйтеся, яко о нас, меньших братиях ваших, усердно ныне ходатайствуете.

Радуйтеся, яко во всяком деле блазе нам усердно споспешествуете.

Радуйтеся, яко всем всякого дела злого душетленного молитеся нам избавитися.

Радуйтеся, яко всем верным хлопочете от Руси Святыя в граждане Небесного Иерусалима водвористися.

Радуйтеся, яко Русь Святую яко преддверие Царствия Небесного молите Владыку до Страшного Суда Христова утвердитися.

Радуйтеся, благовернии княже Димитрие и княгине Евдокие, добрых правителей и супружеств милостивые покровители.

Кондак 13

О, двоице святая, благоверныя княже Димитрие и княгине Евдокие, земли московския похвало, Державы Русския усердныя защитницы и Церкви Российския преизрядное удобрение. Примите малое сие моление наше, от усердия нашего к вам приносимое, и молите всех Владыку вашим единокровным и всем православным христианам от всякого зла избавитися, всему доброму в Отечестве нашем и во всем мире утвердитися, да молитвами вашими споспешествуемы, сподобимся верно Святой Руси служити и земное житие наше, по благому примеру вашему, без порока прейти и в Царствие Небесное вкупе с вами водворитися, поя всех Царю: Аллилуйя.

Сей Кондак читается трижды, затем Икос 1 и Кондак 1.

Молитва Димитрию и Евдокии, князьям Московским

О, святые благоверные княже Димитрие и княгине Евдокие. Примите ныне малое сие моление наше и Владыке всех, Ему же ныне вы предстоите, милостивно принесите. Помогите нам, меньшим братиям вашим, в тяжких скорбях жития нашего. Умолите Господа нашего Иисуса Христа от всяких бед нас избавити и всякого блага нас исполнити. Помогите всем, Отечеству земному и Православной Церкви служащим, да прошедши крестный путь земного жития сего, сподобимся в Царствии Небесном вкупе с вами славити Господа нашего Иисуса Христа и Его Пречистую Матерь во веки веков. Аминь.

 

 
Читать другие акафисты раздела "Православные акафисты"
 

Миссионерско-апологетический проект "К Истине"

Читайте также:



© Миссионерско-апологетический проект "К Истине", 2004 - 2016

При использовании наших оригинальных материалов просим указывать ссылку:
Миссионерско-апологетический проект "К Истине" - www.k-istine.ru