Миссионерско-апологетический проект "К Истине": "Иисус сказал… Я есмь путь и истина и жизнь; никто не приходит к Отцу, как только через Меня" (Ин.14:6)

РазделыВопросыНа злобуБиблиотекаПоиск


Православные акафисты / Акафист священномученику Димитрию Апанскому


Православные акафисты

Акафист священномученику Димитрию Апанскому

Кондак 1

Избранный пастырю Христова стада священномучениче Димитрие, во страдании твоем венец приемый от Вседержителя и со ангелы предстояй Его престолу, песньми восхваляем тя проповедника истины Христовой, на стезю спасения настави нас, зовущих ти:

Радуйся, священномучениче Димитрие Апанский, образ пастыря доброго собою явивый.

Икос 1

Ангелов Творец и Господь во дни мятежа и нестроения, Силою Божиею укрепляем священномучениче, возмогл еси вражия возношения сокрушити. Сего ради прими от нашего усердия похвалы, достойно тебе приносимые:

Радуйся, Веры Православной поборниче.

Радуйся, свирепство мучителей безбожных велемудренно посрамил еси.

Радуйся, истиннаго Бога служителю.

Радуйся, верных рабов Христовых попечением своим покрываяй.

Радуйся, скорбящим сострадателю и воздержания учителю.

Радуйся, не устрашивыйся грядущаго мучения.

Радуйся, гордость и злобу нечестивых смирением и кротостью победивый.

Радуйся, страдальче, дух твой в руце Господу предавый.

Радуйся, священномучениче Димитрие Апанский, образ пастыря доброго собою явивый.

Кондак 2

Священномучениче Димитрие, во дни нестроений и скорбей буди нам утешитель и в бедах заступник; познавши всю злобу вражию, безтрепетно взирающи на вся муки, видев волка грядуща, не оставлял еси овцы, но во всеоружии силы и истины, поя Богу: Аллилуия.

Икос 2

Нечестивии мучителие совет сотвориша на тя, бурею злобы дышуще, терзаху тя. за имя Христово, любовию и надеждою ко Господу украшаем премудре, мученически просветился еси. Мы же, ублажая страдания твоя, глаголем:

Радуйся, к Горнему Отечеству путем узким последовал еси.

Радуйся, кровиею твоею, яко багряницею, украшенный.

Радуйся, кающихся с Богом примирителю.

Радуйся, чистоты сердечные хранителю.

Радуйся, яко малодушныя мужеству научаеши.

Радуйся, телесных немощей победителю.

Радуйся, Церковных Таинств благочестивый совершителю.

Радуйся, стадо Христово наставляя к свету благоразумия, безбожия тьму отгнал еси.

Радуйся, молитвы учитель, покаяния наставник моли Христа Бога спастися душам нашим. Радуйся, пастырю наш добрый.

Радуйся, священномучениче Димитрие Апанский, образ пастыря доброго собою явивый.

Кондак 3

"Веруяй в Мя, аще и умрет, жив будет", — рече Господь, путь мучений прошед победоносно, священномучениче Димитрие, помози свыше данною ти благодатию, сердца же наша от греховных помышлений очисти, поем прославльшему тя Владыце:Аллилуия.

Икос 3

Бурю бед и скорбей богоборческого времени претерпевая, службы Божия в храме совершая, паству к душеспасительной жизни словом и делом непрестанно наставлял еси благодарне взываем ти:

Радуйся, молящихся тебе скорый помошниче.

Радуйся, печали на радость пременяющий.

Радуйся, лукавствий врага человеческого обличителю.

Радуйся, Христа паче мира возлюбивый.

Радуйся, смертныя мучения правды Божия ради смиренно претерпевый.

Радуйся, сокровища духовная возлюбивый.

Радуйся, безпомощных присный защитителю.

Радуйся, любве к Богу и ближнему учителю.

Радуйся, священномучениче Димитрий Апанский, образ пастыря доброго собою явивый.

Кондак 4

Злобные клеветы врагов твоих кроткими словесы отвращая, всего себе Богу предав, священномучениче Димитрие, не восхотел бо еси подобитися наемнику, иже оставляет овцы, видя волка грядуща, и бегает, но яко пастырь добрый от прельщений душепагубных Христова чада сохраняя, воспевая в Вышних Богу: Аллилуйя.

Икос 4

Новомученик и угодник Христов, смирения и кротости исполненный не убоялся, еси мучителей безбожных, украшен быв божественными добротами во страдании твоем, научи нас друг друга тяготы носити, воспевающия тя сице:

Радуйся, злобу мира добром побеждавший.

Радуйся, совратившихся на путь истины наставителю.

Радуйся, уязвленный телом и за конем быстро влекомый.

Радуйся, биения, раны, опаления претерпевый.

Радуйся, хлад зимний претерпевый.

Радуйся, душу свою за веру православную положити не отрекшийся.

Радуйся, немилосердных к милосердию обращаяй.

Радуйся, утешение всем требующим твоея помощи подаваяй.

Радуйся, священномучениче Димитрий Апанский, образ пастыря доброго собою явивый.

Кондак 5

Проповедник истин Божиих во иерейском служении, научал еси овцы Христовы право ходити к истинней вере и в заповедех Господних непорочно пребывати. Мы же хвалу возсылающе ко благодеющему тебе Богу, вопием Ему: Аллилуйя.

Икос 5

Поем твою страдальческую кончину яко во исповедании, Христове непоколебим пребыл еси, всех с молитвою к тебе прибегающим, заступи, да не прельстят чудеса, силою лукаваго творимая, ниже лжепророцы соблазнят, от же земных слышиши похвалы сия:

Радуйся, яко огнь любе к Богу в сердце твоем возжегл еси.

Радуйся, душевныя муки вкупе с телесными за Христа претерпевший.

Радуйся, течение мученического пути скончавший добре.

Радуйся, яко радость твоя есть во светлости святых.

Радуйся, в броню веры Христовы облеченный.

Радуйся, печальным утешение и скорбящим радование посылающий.

Радуйся, научаяй нас во всем упование наше на Бога возлагати.

Радуйся, венец исповедника Христова стяжавый.

Радуйся, священномучениче Димитрий Апанский, образ пастыря доброго собою явивый.

Кондак 6

Имея в сердце своем твердую веру во Христа, страдальческий подвиг скончавши священномучениче Димитрие, все зверонравие проявиша мучителие твои, святое тело твое сожгли огнем, да истребится от человек память их, поя Богу суда и правды: Аллилуйя.

Икос 6

Яко священномученик, вязати и решати имеяй власть, разреши зол союз, и к любви Божией причти нас, изсуши источник страстей наших, молитвами твоими даровати душам нашим мир и велию милость. Сего ради усердно зовем ти:

Радуйся, от злых людей убиенный.

Радуйся, мучение и смерть мужественнее приявый.

Радуйся, от Бога высокое звание иерея приемый.

Радуйся, даже до смерти мученически Господу послуживший.

Радуйся, бури богоборческия, в России воздвигнутой, не устрашился еси.

 Радуйся, блуждающих во тьме безбожия истину веры православныя показующий.

Радуйся, заступниче наш неусыпный.

Радуйся, страдания в радость обращающий.

Радуйся, священномучениче Димитрий Апанский, образ пастыря доброго собою явивый.

Кондак 7

Буря ярости и злобного неистовства жестокосердых богоотступников, егда воста на Церковь Русскую и державу нашу, их дерзости, злоречия и безумия не убоялся еси, священномучениче Димитрие, за Христову веру пострадавый, поюще Ему: Аллилуйя.

Икос 7

Пение молебное наше, пред иконою твоею приносим днесь, вонми молитве нашей, умоли Христа Бога избавитися нам от мучений вечных, небеснаго Царствия чрез покаяния сподобитися, вопияху тебе:

Радуйся, духовного совершенства учителю.

Радуйся, яко всем полезная от Бога просиши.

Радуйся, яко молитвы о нас Богу приносиши.

Радуйся, напастей тьму отгоняяй.

Радуйся, лукавым силам устрашение.

Радуйся, от озлобления на нас враждующих хранителю.

Радуйся, на Бога Промыслителя все упование возложивый.

Радуйся, соборища нечестивых исповеданием святым отлучивыйся.

Радуйся, священномучениче Димитрий Апанский, образ пастыря доброго собою явивый.

Кондак 8

Царя Небесного усердный священнослужителю, службы Божия в храме присно совершая, Благодать Божия, юже приял еси во иерейском рукоположении употребил еси сию на пользу многим и во славу Дарователя ея, возносится Тому великая песнь: Аллилуйя.

Икос 8

Священномучениче Димитрие пастырю Апанский, моли Христа Бога, да избавит землю Красноярскую от смертоносного неверия, от всякия вражды и нестроений. Темже не остави и нас, надеющихся на тя и вопиющих таковая:

Радуйся, вдов и сирот питателю и обидимых заступниче.

Радуйся, отроком и юношам благочестия и целомудрия учителю.

Радуйся, всем призывающим тя на помощь скорый предстателю.

Радуйся, неправды грозный обличителю.

Радуйся, от недуга винопития и наркомании исцеление.

Радуйся, кровию и мученичеством своим запечатлевши веру и великую свою любовь к Богу.

Радуйся, не убоялся зверскаго лица мучителей, и их лютаго прещения.

Радуйся, земли Апанския украшение.

Радуйся, священномучениче Димитрий Апанский, образ пастыря доброго собою явивый.

Кондак 9

Проповедуем честные подвиги и страдания твоя, славим мученическую кончину твою за Имя Христово, испроси у милостиваго Господа всем людем здравие, долгоденствие, на враги победу и одоление, мир и спасение, да поем Богу во веки: Аллилуйя.

Икос 9

Поюще подвиги твоего мучения за Христа, поклоняемся страданию твоему, почитаем святую кончину твою и молим тя, живущия во тьме страстей и искушений, молитвами твоими, священномучениче Димитрие пред Господем испроси разрешение грехов почитающих тя, да вопием тебе:

Радуйся, небоязненно проповедавый Христову веру.

Радуйся, от неверных за проповедь Христа Бога на мучение ятый.

Радуйся, унывающим в скорбех и обстояниих мудрый утешитель.

Радуйся, огнем сожженный и во обители райския вознесенный.

Радуйся, небесных радование и земных утешение.

Радуйся, российских мучеников удобрение.

Радуйся, теплый о нас пред Богом предстателю, умиротвори у нас раздоры и нестроения.

Радуйся, долга пастырского непоколебимый исполнителю.

Радуйся, священномучениче Димитрий Апанский, образ пастыря доброго собою явивый.

Кондак 10

Витийства суемудрых и лютых отступников посрамишася, не могущих благодарную память изкоренити из сердец верных чад твоих, всуе бо труждающеся непокоривии, Промыслом Божиим сохранена память о тебе, николиже забвению предана бысть, яко священника Бога Вышняго почитаем тя, возглашающе с любовию сицевая: Аллилуйа.

Икос 10

Новомученик в земли Российстей явился еси, неповинно пострадав от злобных разбойник, нападших на тя мученически истязавши, ножами бо тело твое изранивше, огнем раны твоя опаляху, таже к конем тя привязавше, по земли влачиша и горцей смерти тя предаша, еже мы воспоминающе, сице тебе вопием:

Радуйся, молитвенно о помощи к Богу вопиявый.

Радуйся, мученическую смерть мирно восприявый.

Радуйся, неведавшым тя открытый.

Радуйся, цвете нетления, святую российскую церковь облагоухавый.

Радуйся, соле земли Российския, яко никогдаже обуяет.

Радуйся, мученических полков украшение.

Радуйся, сиротство утешивый.

Радуйся, болезни неисцельныя сцеливый.

Радуйся, священномучениче Димитрий Апанский, образ пастыря доброго собою явивый.

Кондак 11

Весь сердечною любовию к Богу и людем пламенея, не пощадил еси телесных и душевных сил для проповеди слова Божия, скорби и беды претерпел еси от нечестивых, отче многострадальне, но ничтоже возможе разлучити тя от любве Божия, вся же напасти претерпевая благодатию Христовою, непрестанно воспевал еси Ему: Аллилуйа.

Икос 11

Любовию людскою при жизни озаряемый, завистником оклеветан, предан им в руце мучителей, иже осудиша тя судом неправедным, Ты же, святе, не устрашился еси их, ниже усомнился еси во Всеукрепляющей помощи Божией: укрепляемый бо ею вся претерпел еси и служителей диавола тем посрамил еси. Тем же вопием ти, отче Димитрие, сицевая:

Радуйся, душу свою положивый за овцы своя.

Радуйся, мучениче и пастырю.

Радуйся, граду Канску и всем нам всегдашний покровителю.

Радуйся, честный обличителю неверия и раскола.

Радуйся, раскола искоренителю.

Радуйся, молние, ереси пожигающая.

Радуйся, благочиния православнаго верный хранителю.

Радуйся, чад своих в Законе Христовом воспитавый.

Радуйся, всех святых сожителю.

Радуйся, супругом благочестивым покровителю.

Радуйся, покров и заступление притекающих к тебе с верою.

Радуйся, мученьми лютыми любовь твоя ко Господу не истощися.

Радуйся, священномучениче Димитрий Апанский, образ пастыря доброго собою явивый.

Кондак 12

Поюще крепкия подвиги твоя, хвалим терпение и смирение твое, священномучениче Димитрие, ими бо врага невидимаго посрамил еси и венец нетленный от Господа на небеси стяжал еси. Приими ныне молитву, принесенную Тебе от души сокрушенной и смиреннаго духа. Мы же, благодаряще Бога, пастыря верна и стража прилежна даровавшего нам, зовем Ему: Аллилуйя

Икос 12

Страшное видение видеша людие, бывшее на месте убиения твоего, славный священномучениче Димитрие Апанский, яко небеса отверзошася и множество святых Ангел явишася прияти душу твою. И егда она несена бысть ангелы на небо, Сам Господь наш Иисус Христос явися срести тя тамо приветствии сими: "Приди, добрый и верный рабе мой иерее Димитрие, вниди в Царствие Мое, идеже пребывают вси раби Мои, пострадавший Мене ради". Мы же, радостно совершающе память твою, вопием сице;

Радуйся, священномучениче Димитрие, Красноярского края священное украшение.

Радуйся, Крест Господень на рамо восприявый и за Господом последовавый.

Радуйся, яко память твоя в род и род.

Радуйся, двере овцам.

Радуйся, овцы глашавый по имени.

Радуйся, яко паства глас твой послуша.

Радуйся, добрая ветвь винограда Христова.

Радуйся, возлюбленный пастырю стада Христова.

Радуйся, теплый ходатаю за нас у Царя Небеснаго.

Радуйся, добрый наш к Богу молитвенниче.

Радуйся, радование верных.

Радуйся, в соборе новомучеников и исповедников прославленный.

Радуйся, священномучениче Димитрий Апанский, образ пастыря доброго собою явивый.

Кондак 13

О,святый и добропобедный священномучениче Димитрие! Нынешнее малое сие моление от нас приимши, исходатайствуй твоими всемощными молитвами мир и тишину Церкви нашей, нам же всем чистоты сердечныя и любви непорочныя, Господь, да простит нам вся согрешения наша и ниспошлет мир на грады и веси наша, избавит нас от нашествия иноплеменников, междуусобныя брани и всяких раздоров и нестроений, и тако на земли благочестно поживше, жизни вечныя на Небеси сподобимся, идеже вкупе со всеми Святыми прославим в Троице славимаго Бога Отца, и Сына, и Святого Духа, во веки веков. Аллилуйя, Аллилуйя, Аллилуйя.

Сей Кондак читается трижды, затем Икос 1 и Кондак 1.

Молитва священномученику Димитрию Апанскому

Святый новомучениче, иерею Христов Димитрие Апанский! Дивный пастырю и доблестный воине Христов! Во дни гонения лютого на веру Православную, яко истинный пастырь, явился еси, крестный путь прошед и тако венец мученический восприял еси, обретший благодать, молитеся за ны. Ныне убо призри на нас, сокрушенным сердцем тебе призывающих. Темже убо в человечестей помощи отчаявшимся, к тебе же тепле с верою прибегающим, исцеление подавай неоскудно, укрепи души наша маловерныя. Испроси у Бога земли нашей плодородие, дожди мирны и воздухи благорастворенны, Церковь нашу твоими молитвами незыблемо огради от ересей и расколов: всем же верным грехов оставление испроси, да славят Дивнаго во святых Своих Господа Бога и Спаса нашего Иисуса Христа, и Пречистую Матерь Его, и твое теплое заступление, всегда, ныне и присно и во веки веков. Аминь.

 

 
Читать другие акафисты раздела "Православные акафисты"
 



Разделы проекта:

• Поиск
• Соцсети
• Карта сайта

• RSS-рассылка
• Subscribe
• Новые статьи

• О проекте
• Помощь
• О центре
• Контакты

• Библиотека
• Авторы
• Фильмы
• 3D-экскурсия

• Наша вера
• Догматика
• Таинства
• Каноны
• Литургика

• Церковь
• Благочестие
• О посте

• Буддизм
• Индуизм
• Карма
• Йога

• Иудаизм
• Католичество
• Протестанты
• Лжеверие

• Атеизм
• Язычество
• Секты
• Психокульты

Читайте нас в социальных сетях

• Ваши вопросы
• На злобу дня
• Книга

• Апологетика
• Наши святые
• Миссия

• Молитвослов
• Акафисты
• Календарь
• Праздники

• Мы - русские!
• ОПК в школе
• Чтения
• Храмы

• Нравы
• Психология
• Добрая семья
• Педагогика
• Демография

• Патриотизм
• Безопасность
• Вакцинация

• Оккультизм
• Веганство
• Гомеопатия
• Астрология

• Аборты
• Ювенальщина
• Содом ныне
• Наркомания

• Лженаука
• MLM

• Самоубийство



© Миссионерско-апологетический проект "К Истине", 2004 - 2024

При использовании наших оригинальных материалов просим указывать ссылку:
Миссионерско-апологетический "К Истине" - www.k-istine.ru

Контакты редакции

Top.Mail.Ru